અમદાવાદ: યુવતીએ લગ્ન પ્રસંગે માત્ર એક સેલ્ફી પડાવી અને જીવન બદલી ગયું

ઉદય રંજન/અમદાવાદ: સાયબર ક્રાઇમે એવા એક આરોપીની ધરપકડ કરી જેણે તેની બહેનની ભાણી સાથે એક પ્રસંગમાં મુલાકાત કરી અને એકતરફી પ્રેમમાં પડ્યો. યુવતી સાથે પડાવેલી સેલ્ફી સોશ્યલ મીડિયામાં વાયરલ કરી લગ્ન બાબતે દબાણ કરતા આરોપી ની ધરપકડ કરાઈ. અમદાવાદમાં રહેતી એક યુવતી તેના મામાના ઘરે કોઈ પ્રસંગમાં ગઈ હતી. જ્યાં તેને મામીના ભાઈ સાથે મુલાકાત થઈ હતી. પ્રસંગ હોવાથી સેલ્ફી અને ફોટો પણ પડાવ્યા હતા. જોકે બાદમાં યુવક આ યુવતીના પ્રેમમાં પાગલ થતા તેને યુવતીની મંજૂરી વગર ફોટો સોશ્યલ મીડિયામાં અપલોડ કરતા મામલો સાયબર ક્રાઇમમાં પહોંચ્યો હતો.

ફરિયાદ બાદ આરોપીની તપાસ કરતા મધ્યપ્રદેશથી આરોપી રાધેશ્યામ ભદોરીયાની ધરપકડ કરાઈ. આરોપી માત્ર ધોરણ 8 ભણેલો છે, છતાંય સોશ્યલ મીડિયામાં ખૂબ એક્ટિવ અને હોશિયાર છે. જોકે તેની આ હોશિયારી તેના માટે નડતરરૂપ બની છે. આરોપીએ તેની બહેનની ભાણી સાથે લગ્ન કરવા દબાણ કર્યું હતું. યુવતી ન માનતા તેણે ખેચેલી સેલ્ફીઓ સોશ્યલ મીડિયા પર મૂકી બદનામ કરી હતી. જેથી આ હરકત તેને નડતા હવે પોલીસ ગિરફતમાં આવ્યો છે.

(ઝડપાયેલો આરોપી)

આરોપીનો મોબાઈલ ફોન પોલીસ દ્વારા કબ્જે લેવામાં આવ્યો છે. તેને આ ફોટોનો અન્ય કોઈ એપ્લિકેશન જે સોશ્યલ મીડિયામાં મૂકી તેનો દુરુપયોગ કર્યો છે કે કેમ તે બાબતે પણ હવે સાયબર સેલ એ તપાસ શરૂ કરી છે. અત્રે ઉલ્લેખનીય છે કે, સામાજીક પ્રસંગે માત્ર એક સેલ્ફીના કારણે યુવતીને જીવનમાં સમસ્યા સર્જાઇ હતી. જેથી હાલની યુવાપેઢી માટે આ ઘટના ઉદાહરણરૂપ સાબિત થઇ છે.