close

News Wrapએડિટરની પસંદગીના મુખ્ય સમાચાર મેળવો સીધા તમારા મેઇલબોક્સમાં

સુરતમાં પ્રેમનો કરૂણ અંજામ: પૂર્વ પતિએ જ ‘ખુબસૂરત ગ્લેમર’ મહિલાની ગેમ કરી !!

સુરત સચિન જીઆઇડીસી વિસ્તારમાં આવેલા ઉનગામ જીલાની નગરમાં છેલ્લા કેટલાક સમયથી સલમા નામની મહિલા જુગારનો અડ્ડો ચલાવતી હતી. આ અગાઉ સલમા દારૂનો અડ્ડો પણ ચલાવતી હતી. જોકે તે દારૂનો અડ્ડો બંધ કરી તેણે જુગારનો અડ્ડો શરૂ કર્યો હતો

Ketan Panchal - | Updated: Aug 14, 2019, 05:18 PM IST
સુરતમાં પ્રેમનો કરૂણ અંજામ: પૂર્વ પતિએ જ ‘ખુબસૂરત ગ્લેમર’ મહિલાની ગેમ કરી !!

ચેતન પટેલ, સુરત: સુરતના ઉનગામમાં મોડી રાત્રે મહિલા ગેમબલર ની જાહેરમાં હત્યા કરવામાં આવતા ચકચાર મચી જવા પામી હતી. હત્યા મહિલાના પૂર્વ પતિએ જ કરી હોવાનું બહાર આવતા પોલીસે તેઓની શોધખોળ હાથ ધરી હતી. પૂર્વ પતિને છોડી અન્ય સાથે લગ્ન કરવા જતાં મહિલાને મોત મળ્યું છે. 

આ પણ વાંચો:- પૂર્વ IPS સંજીવ ભટ્ટને મળે તે પહેલા જ હાર્દિક પટેલને પાલનપુર હાઇવે પર અટકાવાયો

સુરત સચિન જીઆઇડીસી વિસ્તારમાં આવેલા ઉનગામ જીલાની નગરમાં છેલ્લા કેટલાક સમયથી સલમા નામની મહિલા જુગારનો અડ્ડો ચલાવતી હતી. આ અગાઉ સલમા દારૂનો અડ્ડો પણ ચલાવતી હતી. જોકે તે દારૂનો અડ્ડો બંધ કરી તેણે જુગારનો અડ્ડો શરૂ કર્યો હતો. વર્ષ 2017માં સલમાએ યુસુફ નામના યુવાન સાથે બીજા લગ્ન કર્યા હતા. જો કે, આ લગ્ન એક જ વર્ષમાં તૂટી ગયા હતા. બાદમાં સલમા યુસુફના સબધી સાથે પ્રેમમાં પડી હતી અને તેની સાથે લગ્ન કરવાની હતી. જેને જાણ યુસુફને થઈ ગઈ હતી. જેથી યુસુફે પોતાનો પિત્તો ગુમાવ્યો હતો.

યુસુફ તેના બે સાગરીતો સાથે સલમા ના ઘર નજીક પહોંચી ગયા હતા. જ્યાં મોડી રાત્રે સલમાં કાર લઈ તેના ઘર પાસે પહોંચી હતી, કાર માંથી બહાર નીકળતા જ યૂસુફ અને તેના સાગરીત સલમા પર તીક્ષ્ણ હથિયાર લઈ તૂટી પડ્યા હતા. જ્યાં ઘટના સ્થળે જ સલમાનું કરુણ મોત નીપજ્યું હતું. આ ઘટના ની જાણ થતાં જ સચિન જીઆઇડીસી પોલીસ ને થતા ઉપરી અધિકારી નો કાફલો ઘટના સ્થળે પહોંચી ગયો હતો અને તપાસ હાથ ધરી હતી. હાલ તો પોલીસે યુસુફ તથા તેના સાગરીતો વિરુદ્ધ હત્યા નો ગુનો નોંધી તપાસ હાથ ધરી હતી.

જુઓ Live TV:-

ગુજરાતના અન્ય સમાચાર વાંચવા માટે અહીં ક્લિક કરો...