વૃદ્ધાએ કહ્યું પહેલા મારા પતિને બચાવો એમને કેન્સર છે, સાંભળીને ભાવુક થઈ રેસ્ક્યૂ ટીમ; જુઓ Video

મુસ્તાક દલ/ જામનગર: જામનગર જિલ્લાના વિવિધ તાલુકામાં ભારે વરસાદને પૂરની સ્થિતિ સર્જાઈ હતી. શહેરના અનેક વિસ્તારો પાણીમાં ગરકાવ થતા લોકોના ઘરમાં પાણી ઘુસી જતા સીટી બી ડિવિઝન પોલીસ દ્વારા બચાવ કામગીરી કરવામાં આવી હતી. ત્યારે પુનીતનગર વિસ્તારમાં પાણીમાં ફસાયેલા કેન્સરગ્રસ્ત વૃદ્ધના રેસ્ક્યુનો વીડિયો સામે આવ્યો છે.

જામનગર શહેરમાં ભારે વરસાદના પરિણામે અનેક વિસ્તારો પાણીમાં ગરકાવ થતા શહેરના ગાંધીનગરમાં આવેલ પુનીતનગર વિસ્તારમાં લોકોના ઘરમાં પાણી ઘુસી જતા સીટી બી ડિવિઝન પોલીસદ્વારા કામગીરી કરવામાં આવી હતી. ત્યારે આ વિસ્તારમાં એક વૃદ્ધ દંપતી પાણીમાં ફસાયું હતું. પોલીસ આ દંપતીને બચાવવા પહોચી ત્યારે વૃદ્ધાએ પાણીમાંથી બહાર નીકળવાની ના પાડી હતી.

જામનગરમાં પોલીસની કામગીરીનો દિલધડક વીડિયો, કેન્સરગ્રસ્ત વૃદ્ધનું કર્યું રેસ્કયૂ.. #Jamnagar #Rescue #Police #jamnagarflood #GujaratFlood #Saurashtra #Gujarat #ZEE24Kalak@CMOGuj @mahitijamnagar pic.twitter.com/DJMP8kkT8S

— Zee 24 Kalak (@Zee24Kalak) September 14, 2021

આ પણ વાંચો:- જામનગરમાં ભારે વરસાદને કારણે પૂરમાં ફસાયા અનેક લોકો, એરફોર્સનું દિલધડક રેસક્યૂ ઓપરેશન

જો કે, પોતાના પતિ કેન્સરગ્રસ્ત હોય અને પથારીવશ હોવાથી પહેલા તેના પતિને બચાવવાનું કહેતા સીટી બી ડીવીઝન પીઆઇ કે.જે.ભોઈ અને પોલીસ સ્ટાફ દ્વારા વૃદ્ધ દંપતીનું રેસ્ક્યુ કરીને તેમને મકાનના ઉપરના માળે સલામત પહોચાડવામાં આવ્યા હતા.