એકબીજાના પ્રેમમાં ગળાડૂબ પ્રેમીપંખીડાએ રાજકોટની હોટલના રૂમમાં આપઘાત, પ્રેમિકાનુ મોત, પ્રેમીની હાલત ગંભીર

ગૌરવ દવે/રાજકોટ :રાજકોટમાં હોટેલમાં યુવક-યુવતીએ કર્યો આપઘાતનો પ્રયાસ કર્યો હતો. જેમાં કાલાવડની ધ્રુવા જોશી નામની યુવતીનું મોત થયુ છે. તો ભુજના માધાપરના જેનિશ નામના યુવકને સારવાર માટે હોસ્પિટલમાં ખસેડાયો છે. આ યુવક-યુવતી એકબીજાના પ્રેમમાં હોવાનુ અનુમાન છે. ઝેરી દવા પીતા પહેલા યુવાને પોતાના પરિવારને ફોન કર્યો હતો. બીજી તરફ, યુવતીનો મૃતદેહ બેડ પર હોવાથી અને ત્યાંથી લોહીના નિશાન મળવાથી પોલીસ પણ મૂંઝવણમાં મૂકાઈ છે કે, આ હત્યા કે આત્મહત્યા. 

પ્રાપ્ત માહિતી અનુસાર, રાજકોટના કરણસિંહજી રોડ પર હોટલ નોવામાં આ બનાવ બન્યો હતો. હોટલના રૂમ નંમબર 301 માં કાલાવડની યુવતી અને ભુજના યુવકે આપઘાતનો પ્રયાસ કર્યો હતો. જેમાં યુવતીનુ મોત નિપજ્યુ છે. હોટેલના રૂમમાંથી કાલાવડની 19 વર્ષીય ધ્રુવા જોશી નામની યુવતીની લાશ મળી છે. ધ્રુવા જોશી અને કચ્છ ભુજના માધાપરનો જેનીશ દેવાયતકા નામના યુવકે સાથે મળીને હોટલના એક રૂમમાં ઝેરી પદાર્થ ખાઈ આપઘાતનો પ્રયાસ કર્યો હતો. તો બીજી તરફ, યુવક ગંભીર હાલતમાં હોવાથી ખાનગી હોસ્પિટલમાં સારવાર હેઠળ ખસેડાયો છે.

મોત વ્હાલુ કરતા પહેલા પ્રેમી જેનીશે પ્રેમિકા ધ્રુવાના પરિવારજનોને ફોન કરીને કહ્યું હતું કે, 'ધ્રુવાએ ઝેરી દવા પી લીધી છે હું પણ પી લઉં છું.’ આ ઘટના બાદ હોટલના સ્ટાફે પોલીસને જાણ કરી હતી. જેથી પોલીસ પણ તાત્કાલિક દોડતી થઈ હતી. હોટલના 301 નંબરના રૂમમાં ધ્રુવાની લાશ બેડ પર પડી હતી. સાથે જ બેડ પર લોહીના નિશાન હોવાથી પોલીસ પણ મૂંઝવણમાં મુકાઈ હતી કે, આ હત્યા છે કે આત્મહત્યા. આખરે કેમ પ્રેમીપંખીડાઓએ સજોડે આત્મહત્યાનો પ્રયાસ કર્યો તેનું કારણ શોધવા પોલીસે FSLની મદદ લીધી છે. એ-ડિવિઝન પોલીસે સમગ્ર મામલે તપાસ હાથ ધરી છે.