મતદાન શરૂ થતાં જ અરવિંદ કેજરીવાલનું વિવાદિત ટ્વીટ, મહિલાઓ થઈ ગુસ્સે

નવી દિલ્હીઃ દિલ્હીમાં આજે 70 સીટો માટે મતદાન થઈ રહ્યું છે. તો સીએમ અરવિંદ કેજરીવાલના ટ્વીટને લઈને વિવાદ ઉભો થયો છે. કેજરીવાલે આ ટ્વીટમાં મહિલા મતદાતાને અપીલ કરી છે કે તે પુરૂષો સાથે ચર્ચા જરૂર કરે કે આજે મત કોને આપવો છે. 

મતદાન શરૂ થતા કેજરીવાલે ટ્વીટ કર્યું, 'બધી મહિલાઓને ખાસ અપીલ- જેમ તમે ઘરની જવાબદારી ઉઠાવો છો, તેમ દેશ અને દિલ્હીની જવાબદારી તમારા ખભા પર છે. તમે બધી મહિલાઓ મત આપવા જરૂર જાવ અને તમારા ઘરના પુરૂષોને પણ લઈ જાવ. પુરૂષો સાથે ચર્ચા જરૂર કરો કે મત કોને આપવો યોગ્ય રહેશે. આ ટ્વીટ બાદ મોટી સંખ્યામાં લોકો પ્રતિક્રિયા આપી રહ્યાં છે. 

એડવોકેટ કેશવ નાગલ (@AdvNagal)એ લખ્યું, 'તમે તે કહેવા ઈચ્છી રહ્યાં છો કે મહિલાઓને ખ્યાલ નથી કે મત કોને આપવો છો. તે તેનું બધુ કામ પોતાના પતિને પૂછીને કરે.'

તો કાજલ સિંહે લખ્યું, 'મહિલાઓએ નક્કી કરી લીધું છે, નિર્ભયાના દોષીને સિલાઈ મશીન અને 10 હજાર રૂપિયા આપનારને મત નહીં આપીએ.'

મહત્વનું છે કે, દિલ્હી વિધાનસભા (Delhi Assembly Election 2020)ની 70 સીટો માટે આજે મતદાન શરૂ થઈ ગયું છે. દિલ્હીમાં કુલ 1.47 કરોડ મતદાતા પોતાના મતાધિકારનો ઉપયોગ કરશે. 

જુઓ LIVE TV