પૂર્વ કેન્દ્રીય મંત્રી જસવંત સિંહનું નિધન, લાંબા સમયથી કોમામાં હતા, PM મોદીએ વ્યક્ત કર્યું દુ:ખ

નવી દિલ્હી: દેશના પૂર્વ રક્ષામંત્રી અને ભાજપના દિગ્ગજ નેતા જસવંત સિંહ (Jaswant Singh) નું નિધન થયું છે. તેમના નિધન પર પીએમ નરેન્દ્ર મોદી (Prime Minister Narendra Modi) અને રક્ષામંત્રી રાજનાથ સિંહ (Rajnath Singh) સહિત અનેક નેતાઓએ ટ્વીટ કરીને શોક વ્યક્ત કર્યો છે. 

અત્રે જણાવવાનું કે જસવંત સિંહ 1999થી 2004 સુધીની અટલ બિહાર વાજપેયી સરકારમાં કોર ટીમમાં સામેલ હતાં. તેમણે સરકારમાં રક્ષામંત્રી સહિત અનેક મંત્રાલયોનો પદભાર સંભાળ્યો હતો. તેઓ લાંબા સમયથી બીમાર હતા અને કોમામા હતા. 

Jaswant Singh Ji served our nation diligently, first as a soldier and later during his long association with politics. During Atal Ji’s Government, he handled crucial portfolios and left a strong mark in the worlds of finance, defence and external affairs. Saddened by his demise.

— Narendra Modi (@narendramodi) September 27, 2020

તેમના નિધન પર પ્રધાનમંત્રી નરેન્દ્ર મોદીએ ટ્વીટ કરીને કહ્યું કે જસવંત સિંહજીએ પહેલા એક સૈનિક તરીકે અને ત્યારબાદ રાજનીતિ સાથે પોતાના લાંબા જોડાણ દરમિયાન દેશની સેવા પૂરી મહેનતથી કરી. તેમણે અટલજીની સરકારમાં અનેક મહત્વપૂર્ણ વિભાગો સંભાળ્યા હતા અને નાણા, રક્ષા તથા બહારના મામલાઓની દુનિયામાં એક મજબૂત છાપ છોડી. તેમના નિધનથી હું ખુબ દુ:ખી છું. 

Shri Jaswant Singh ji would be remembered for his intellectual capabilities and stellar record in service to the nation. He also played a key role in strengthening the BJP in Rajasthan. Condolences to his family and supporters in this sad hour. Om Shanti.

— Rajnath Singh (@rajnathsingh) September 27, 2020

રક્ષામંત્રી રાજનાથ સિંહે પણ કહ્યું કે જસવંત સિંહજીને તેમની  બૌદ્ધિક ક્ષમતાઓ અને દેશ માટે કરાયેલી યાદગાર સેવાઓ માટે હંમેશા યાદ રાખવામાં આવશે. તેમણે રાજસ્થાનમાં ભાજપને મજબૂત કરવામાં મહત્વપૂર્ણ ભૂમિકા ભજવી. આ દુ:ખની ઘડીમાં તેમના પરિવાર અને સમર્થકો પ્રત્યે સંવેદના. શાંતિ.