કૃષિ બિલના વિરોધ વચ્ચે મોદી સરકારે 6 રવિ પાકના ટેકાના ભાવમાં કર્યો વધારો

નવી દિલ્હીઃ  કૃષિ બિલના વિરોધ વચ્ચે રવિ પાકના ટેકાના ભાવ (MSP)મા વધારાને મંજૂરી મળી ગઈ છે. કૃષિ મંત્રી નરેન્દ્ર સિંહ તોમરે લોકસભામાં નવી કિંમત જણાવી છે. ઘઉંમાં 50 રૂપિયાનો વધારો, ચણા- 225 રૂપિયાનો વધારો, મસૂર- 300 રૂપિયાનો વધારો, સરસવ- 225 રૂપિયાનો વધારો અને જવમાં 75 રૂપિયાનો વધારો કરવામાં આવ્યો છે અને કેસરમાં-112 રૂપિયાનો વધારો કરવામાં આવ્યો છે. પ્રતિ ક્વિન્ટલ આ ભાવ વધારો કરવામાં આવ્યો છે. 

દેશમાં કિસાનો સાથે જોડાયેલા બે બિલો પર વિરોધ થઈ રહ્યો છે. આ વચ્ચે સૂત્રોએ કહ્યું કે, કેન્દ્ર સરકારે રવિ પાક પર ન્યૂનતમ સમર્થન મૂલ્ય (એમએસપી) વધારવાનો નિર્ણય કર્યો છે. તો દેશમાં ઘણી જગ્યાએ એમએસપીને લઈને વિવાદ ચાલી રહ્યો છે. આ કારણે ઉત્તર પ્રદેશ, પંજાબ અને હરિયાણામાં કિસાન પ્રદર્શન કરી રહ્યાં છે. 

હકીકતમાં કૃષિ ક્ષેત્ર સાથે જોડાયેલા બે બિલોમાં એમએસપીને ફિક્ટ ન કરવાને લઈને કિસાનોની નારાજગી જોવા મળી રહી છે. પરંતુ પ્રધાનમંત્રી કહી ચુક્યા છે કે એમએસપીની વ્યવસ્થા જારી રહેશે. પાકની ખરીદી સરકાર કરશે.