શિખર ધવન ફોર્મમાં આવવું ખુશીની વાત છેઃ ગાંગુલી

કોલકત્તાઃ દિલ્હી કેપિટલ્સના સલાહકાર સૌરવ ગાંગુલીએ કોલકત્તા નાઇટ રાઇડર્સ વિરુદ્ધ ઈન્ડિયન પ્રીમિયર  લીગ (આઈપીએલ) મેચમાં અણનમ 97 રનની ઈનિંગ રમનાર શિખર ધવન ફોર્મમાં પરત આવવા પર ખુશી વ્યક્ત કરી છે. ધવન શુક્રવારે પોતાની પ્રથમ ટી20 સદીથી ચુકી ગયો, પરંતુ પોતાની ટીમને જીત અપાવવામાં સફળ રહ્યો હતો. 

મેચ બાદ ગાંગુલીએ કહ્યું, તે ઈનિંગ ધવન જેવી હતી, એકવાર તે સેટ થઈ જાય તો મેચ તમારાથી દૂર લઈ જાય છે. તે શાનદાર બેટ્સમેન છે, અમે તેને ટીમમાં સામેલ કરવા તત્પર હતા અને સારૂ છે કે તે ફોર્મમાં આવી ગયો છે. આ ટૂર્નામેન્ટની મહત્વપૂર્ણ ક્ષણ છે. 

તે પૂછવા પર કે શું ધવનનું ફોર્મ આગામી વિશ્વ કપમાં ભારતીય ટીમને મદદ કરશે? ગાંગુલીએ કહ્યું, વર્લ્ડ કપ એક અલગ ફોર્મેટ છે અને શિખર ઈંગ્લેન્ડમાં સારૂ રમે છે. તે શાનદાર વનડે ક્રિકેટર છે. કોલકત્તાને સાત વિકેટથી હરાવ્યા બાદ દિલ્હી 8 પોઈન્ટની સાથે ટેબલમાં ચોથા સ્થાને પહોંચી ગઈ છે.