World Cricket Records: ક્રિકેટ જગતના એવા 6 'વર્લ્ડ રેકોર્ડ' જેને તોડવા છે અસંભવ સમાન!

નવી દિલ્લીઃ ક્રિકેટની દુનિયામાં એવા 6 વર્લ્ડ રેકોર્ડ છે, જેને તોડવા અસંભવ સમાન છે. ક્રિકેટના ઈતિહાસમાં ઘણા એવા મહાન બેટ્સમેન અને બોલર રહ્યા છે, જેમણે પોતાની શાનદારતાથી આ રમતની મજા બમણી કરી દીધી. આ મહાન બેટ્સમેન અને બોલરોએ એવા મોટા વર્લ્ડ રેકોર્ડ બનાવ્યા, જેને તોડવાનું સપનું જ આજ સુધી જોવામાં આવે છે. ચાલો જોઈએ ક્રિકેટની દુનિયામાં એવા 6 વર્લ્ડ રેકોર્ડ, જેને તોડવા અશક્ય સમાન છે:


1. સચિન તેંડુલકરની 100 આંતરરાષ્ટ્રીય સદી

ભારતના મહાન બેટ્સમેનોમાંના એક એવા સચિન તેંડુલકરને ક્રિકેટનો ભગવાન કહેવામાં આવે છે. સચિન તેંડુલકરે તેની આંતરરાષ્ટ્રીય કારકિર્દી દરમિયાન 100 સદી ફટકારી છે. આ રેકોર્ડ તોડવો અશક્ય છે. જોકે ટીમ ઈન્ડિયાના સ્ટાર બેટ્સમેન વિરાટ કોહલીએ ઈન્ટરનેશનલ ક્રિકેટમાં 70 સદી ફટકારી છે. પરંતુ 33 વર્ષીય વિરાટ કોહલી માટે 100 આંતરરાષ્ટ્રીય સદીનો રેકોર્ડ તોડવો અશક્ય હશે. સચિન તેંડુલકરે તેની આંતરરાષ્ટ્રીય કારકિર્દી દરમિયાન વનડેમાં 15,921 રન અને ટેસ્ટમાં 18,426 રન બનાવ્યા છે. તમામ ફોર્મેટ સહિત, સચિન તેંડુલકરના નામે કુલ 100 આંતરરાષ્ટ્રીય સદીઓ છે. સચિન તેંડુલકરે તેની આંતરરાષ્ટ્રીય કારકિર્દીમાં તમામ ફોર્મેટમાં કુલ 201 વિકેટ લીધી હતી.


2. સર ડોન બ્રેડમેનની ટેસ્ટ મેચોમાં સરેરાશ 99.94 છે

ક્રિકેટ ઈતિહાસના મહાન બેટ્સમેન ઓસ્ટ્રેલિયાના ડોનાલ્ડ બ્રેડમેને પોતાના જીવનમાં માત્ર 52 ટેસ્ટ મેચ રમી છે. પરંતુ, તેની બેટિંગના હજુ પણ લોકો ચાહક છે. ક્રિકેટ જગતનો સર્વશ્રેષ્ઠ બેટ્સમેન આજ સુધી જન્મ્યો નથી. ડોનાલ્ડ બ્રેડમેને પોતાની કારકિર્દીમાં ટેસ્ટમાં 6996 રન બનાવ્યા છે. આ દરમિયાન તેની બેટિંગ એવરેજ 99.94 હતી, જે ક્રિકેટના ઈતિહાસમાં સૌથી વધુ છે. આ રેકોર્ડ તોડવો એ વર્તમાન સમયના કોઈપણ બેટ્સમેનની વાત નથી. એટલું જ નહીં ટેસ્ટમાં સૌથી વધુ 12 બેવડી સદી પણ સર ડોન બ્રેડમેનના નામે છે. એટલું જ નહીં, એક ટીમ સામે સૌથી વધુ રન બનાવવાનો રેકોર્ડ પણ તેના નામે છે. તેણે ઈંગ્લેન્ડ સામે 5028 રન બનાવ્યા છે.


3. બ્રાયન લારાના ટેસ્ટ મેચોમાં 400 રન

વેસ્ટ ઈન્ડિઝના પૂર્વ કેપ્ટન બ્રાયન લારાની ગણતરી ક્રિકેટ ઈતિહાસના વિસ્ફોટક બેટ્સમેનોમાં થાય છે. જ્યાં સુધી તે ક્રિઝ પર હતો ત્યાં સુધી સ્કોર બોર્ડ સતત આગળ વધતું હતું. બ્રાયન લારાએ વર્ષ 2004માં ઈંગ્લેન્ડ સામેની ટેસ્ટ મેચમાં અણનમ 400 રન બનાવ્યા હતા. આંતરરાષ્ટ્રીય ક્રિકેટમાં આજ સુધી કોઈ બેટ્સમેન ટેસ્ટ મેચમાં બ્રાયન લારાનો આ વર્લ્ડ રેકોર્ડ તોડી શક્યો નથી. અને ભવિષ્યમાં પણ આ રેકોર્ડ તૂટવાના કોઈ સંકેત નથી. એટલું જ નહીં, બ્રાયન લારાએ ફર્સ્ટ ક્લાસ ક્રિકેટમાં અણનમ 501 રન પણ બનાવ્યા છે. જે આ ફોર્મેટમાં કોઈપણ ખેલાડીએ બનાવેલામાંથી સૌથી વધુ રન છે.


4. મુથૈયા મુરલીધરનની 1300 આંતરરાષ્ટ્રીય વિકેટ

શ્રીલંકાના દિગ્ગજ ઓફ સ્પિનર મુથૈયા મુરલીધરને આંતરરાષ્ટ્રીય ક્રિકેટમાં કુલ 1300 વિકેટ ઝડપી છે. કોઈપણ બોલર માટે આ વર્લ્ડ રેકોર્ડ તોડવો અશક્ય છે. મુથૈયા મુરલીધરને તેની કારકિર્દીમાં 133 ટેસ્ટ, 350 ODI અને 12 T20 આંતરરાષ્ટ્રીય મેચ રમી છે અને કુલ મળીને 1347 વિકેટ લીધી છે. જે ક્રિકેટના ઈતિહાસમાં સૌથી વધુ વિકેટ લેનાર બોલર છે. મુથૈયા મુરલીધરને ટેસ્ટ ક્રિકેટમાં 800 વિકેટ ઝડપી છે. પોતાના આ વર્લ્ડ રેકોર્ડની નજીક પણ પહોંચવું કોઈ ખેલાડીની વાત નથી.


5. રોહિત શર્માની એક વનડે મેચમાં 264 રનની ઇનિંગ

ભારતીય ઓપનર અને વિશ્વના સર્વશ્રેષ્ઠ હિટર તરીકે પ્રખ્યાત રોહિત શર્માએ વન-ડે ઈન્ટરનેશનલ મેચમાં 264 રનની ઈનિંગ્સ રમવાનો વર્લ્ડ રેકોર્ડ બનાવ્યો છે. જે કોઈપણ બેટ્સમેન દ્વારા બનાવેલ સર્વોચ્ચ વ્યક્તિગત સ્કોર છે. આટલું જ નહીં, રોહિત શર્માએ વન-ડે ઈન્ટરનેશનલમાં 3 વખત બેવડી સદી ફટકારી છે. રોહિત શર્માનો આ મોટો વર્લ્ડ રેકોર્ડ તોડવો પણ અસંભવ છે. રોહિત શર્માએ એક જ વર્લ્ડ કપમાં સૌથી વધુ (5) સદી ફટકારી છે. જે એક જ વર્લ્ડ કપમાં બેટ્સમેન દ્વારા સૌથી વધુ સદી ફટકારવાનો રેકોર્ડ છે.


6. એબી ડી વિલિયર્સની વનડે સદી 31 બોલમાં

એબી ડી વિલિયર્સે 2015માં જોહાનિસબર્ગમાં વેસ્ટ ઈન્ડિઝ સામે માત્ર 31 બોલમાં સદી ફટકારી હતી. એબી ડી વિલિયર્સે તે મેચમાં માત્ર 44 બોલમાં 149 રન બનાવ્યા હતા. તેણે પોતાની ઈનિંગમાં 16 છગ્ગા અને 9 ચોગ્ગા ફટકાર્યા હતા. તેની મનમોહક ઇનિંગ્સના કારણે દક્ષિણ આફ્રિકાએ વેસ્ટ ઈન્ડિઝ 148 રનથી હાર્યું. એબી ડી વિલિયર્સના 31 બોલમાં વનડે સદીના રેકોર્ડને તોડવો હજુ પણ કોઈપણ બેટ્સમેન માટે આસાન નથી.