1 વર્ષ સુધી ડેટા અને કોલિંગની મજા માણો, Jio-Airtel-Vi-BSNL ની શાનદાર ઓફર

નવી દિલ્હીઃ દર મહિને રિચાર્જ કરાવવું ખુબ ઝંઝટભર્યું કામ લાગે છે. તેવામાં ટેલિકોમ કંપનીઓ વાર્ષિક પ્લાન્સ ઉપલબ્ધ કરાવે છે, જે તમને 365 દિવસની વેલિડિટી આપે છે. જો તમે પણ Reliance Jio, Airtel, Vodafone Idea અને BSNL ના વાર્ષિક પ્લાન શોધી રહ્યાં છો તો અમે અહીં તમને આ કંપનીઓના સૌથી સસ્તા વાર્ષિક પ્લાનની માહિતી આપી રહ્યાં છીએ.

Airtel નો 1799 રૂપિયાનો પ્લાનઃ આ કંપનીનો સૌથી સસ્તો વાર્ષિક પ્લાન છે. તેમાં યૂઝર્સને 365 દિવસની વેલિડિટી મળે છે. સાથે 24 જીબી ડેટા આપવામાં આવે છે. આ સાથે કોઈપણ નેટવર્ક પર કોલ કરવા માટે અનલિમિટેડ કોલિંગની સુવિધા આપવામાં આવી રહી છે. આ સાથે કંપની  3600 SMS ની સુવિધા પણ આપી રહી છે. સાથે પ્લાનમાં અન્ય બેનિફિટ્સ મળી રહ્યાં છે જેમાં અપોલો, ફાસ્ટેગ, ફ્રી હેલોટ્યૂન અને વિંક મ્યૂઝિક સામેલ છે. 

Vodafone Idea વો 1799 રૂપિયાનો પ્લાન: આ પ્લાનમાં યૂઝર્સને એરટેલના પ્લાનની જેમ બેનિફિટ્સ મળશે. તેમાં યૂઝર્સને 24 જીબી ડેટા આપવામાં આવશે. સાથે અનલિમિટેડ કોલિંગની સુવિધા પણ આપવામાં આવી રહી છે. આ કંપની પ્લાનમાં 3600 એસએમએસની સુવિધા આપી રહી છે. આ સિવાય Vi Movies & TV Basic નું એક્સેસ આપવામાં આવી રહ્યું છે.

આ પણ વાંચોઃ ફક્ત 12,671 રૂપિયામાં વેચાઇ રહ્યું છે 1.40 લાખવાળું Laptop, તૂટી પડ્યા ગ્રાહકો

Jio નો 2,545 રૂપિયાનો પ્લાનઃ આ પ્લાનમાં દરરોજ 1.5 જીબી ડેટા આપવામાં આવી રહ્યો છે. તેની વેલિડિટી 336 દિવસની છે. આ વેલિડિટી દરમિયાન યૂઝર્સને 504 જીબી ડેટા આપવામાં આવશે. આ સાથે અનલિમિટેડ કોલિંગની સુવિધા અને દરરોજ 100 SMS આપવામાં આવી રહ્યાં છે. આ સાથે જિયો એપ્સનું સબ્સક્રિપ્શન આપવામાં આવી રહ્યું છે. 

BSNL નો 1797 રૂપિયાનો પ્લાનઃ આ પ્લાનની વેલિડિટી 365 દિવસની છે. કિંમત પ્રમાણે તેની વેલિડિટી યોગ્ય છે. તેમાં તમને દરરોજ 2જીબી ડેટા આપવામાં આવી રહ્યો છે. સાથે કંપની દરરોજ 100 એસએમએસ પણ આપી રહી છે. આ પ્લાનમાં યૂઝર્સને અનલિમિટેડ કોલિંગની સુવિધા આપવામાં આવી રહી છે.