દક્ષિણ આફ્રીકાના 'આર્ચબિશપ' ડેસમંડ ટૂટૂનું 90 વર્ષે નિધન, રાષ્ટ્રપતિ સિરિલ રમાફોસાએ વ્યક્ત કર્યો શોક

Desmond Tutu Died at 90:  રંગભેદના વિરૂદ્ધ સંઘર્ષ કરનાર અને નોબેલ શાંતિ પુરસ્કાર જીતનાર દક્ષિણ આફ્રીકાના આર્ચબિશપ અમેરિટ્સ ડેસમંડસ ટૂટૂ (Archbishop Desmond Tutu) નું રવિવારે 90 વર્ષની ઉંમરમાં નિધન થઇ ગયું છે. તેમણે દેશના નૈતિક કમ્પાસ ( Country's Moral Compass) કહેવામાં આવે છે. ડેસમંડ ટૂટૂને દક્ષિણ આફ્રીકામાં રંગભેદ વિરોધી પ્રતિના રૂપમાં ઓળખાય છે. 

તો બીજી તરફ દક્ષિણ આફ્રીકાના રાષ્ટ્રપતિ સિરિલ રામફોસાએ આર્ચબિશપના નિધન પર શોક વ્યક્ત કરતાં કહ્યું કે ''આર્ચબિશપ અમેરિટસ ડેસમંડ ટૂટૂનું નિધન દક્ષિણ આફ્રીકાની એક બહાદુર પેઢીનો અંત છે જેમણે રંગભેદના વિરૂદ્ધ સંઘર્ષ કરી નવું દક્ષિણ આફ્રીકા આપ્યું છે.'' રામફોસાએ કહ્યું કે 'તેમણે પોતાને એક બિન-સાંપ્રદાયિક, માનવાધિકારોને યૂનિવર્સલ ચેમ્પિયનના રૂપમાં પ્રતિષ્ઠિત કરવામાં આવ્યા છે. જોકે રાષ્ટ્રપતિએ ડેસમંડ ટૂટૂના મોતના કારણો વિશે કોઇ જાણકારી આપી નથી.  

પીએમ મોદીએ વ્યક્ત કર્યું દુઃખ
તો બીજી તરફ પીએમ નરેન્દ્ર મોદીએ પણ શોક વ્યક્ત કરતા કહ્યું કે, "આર્કબિશપ અમેરિટસ ડેસમંડ ટૂટુ વૈશ્વિક સ્તરે અસંખ્ય લોકો માટે માર્ગદર્શક હતા. માનવીય ગરિમા અને સમાનતા પર તેમના ભારણને હંમેશા યાદ રાખવામાં આવશે. હું તેમના નિધનથી ખૂબ જ દુઃખી છું અને તેમના તમામ પ્રશંસકો પ્રત્યે તેમની હાર્દિક સંવેદના વ્યક્ત કરું છું. તેમની આત્માને શાંતિ મળે."

Archbishop Emeritus Desmond Tutu was a guiding light for countless people globally. His emphasis on human dignity and equality will be forever remembered. I am deeply saddened by his demise, and extend my heartfelt condolences to all his admirers. May his soul rest in peace.

— Narendra Modi (@narendramodi) December 26, 2021

તો બીજી તરફ રાહુલ ગાંધીએ આર્કબિશપ એમેરિટસ ડેસમંડ ટૂટુના નિધન પર પણ શોક વ્યક્ત કર્યો છે. તેમણે કહ્યું, "આર્કબિશપ ડેસમંડ ટૂટુના નિધન પર મારી સંવેદના. તેઓ રંગભેદ વિરોધી ચળવળના હિમાયતી અને ગાંધીવાદી હતા. સામાજિક ન્યાયના આવા મહાન નાયકો હંમેશા વિશ્વભરના આપણા બધા માટે પ્રેરણાનો સ્ત્રોત બની રહેશે."

My condolences on the passing of Archbishop Desmond Tutu. He was a champion of the anti-apartheid movement and a Gandhian.

Such great heroes of social justice will always be a source of inspiration to all of us across the world.

— Rahul Gandhi (@RahulGandhi) December 26, 2021

1990 માં કેન્સર વિશે ખબર પડી
તમને જણાવી દઈએ કે 1990 ના દાયકાના અંતમાં ટૂટૂને પ્રોસ્ટેટ કેન્સર  (Prostate Cancer) હોવાની ખબર પડી હતી અને છેલ્લા કેટલાક વર્ષોમાં સારવાર માટે ઘણી વખત હોસ્પિટલમાં દાખલ કરવામાં આવ્યા હતા. ટૂટૂને દક્ષિણ આફ્રિકાના નૈતિક વિવેક અને દાયકાઓની જાતિવાદી રાજકારણ દ્વારા વિભાજિત રાષ્ટ્રના મહાન સમાધાનકર્તા તરીકે જોવામાં આવે છે. 1984 માં રંગભેદ સામેના અહિંસક વિરોધ માટે ટૂટૂએ નોબેલ શાંતિ પુરસ્કાર જીત્યો હતો.