Ukraine Russia War: અમેરિકાનો રશિયા પર વધુ એક પ્રતિબંધ, બાઇડને આ આયાતો પર લગાવ્યો પ્રતિબંધ

Ukraine Russia War: રાષ્ટ્રપતિ જો બિડેને યુક્રેન પર રશિયન હુમલાના વિરોધમાં રશિયન તેલ અને કુદરતી ગેસની આયાત પર પ્રતિબંધની જાહેરાત કરી છે. અમેરિકી રાષ્ટ્રપતિએ કહ્યું કે અમે રશિયન ગેસ, તેલ અને ઉર્જાની તમામ આયાત પર પ્રતિબંધ લગાવી રહ્યા છીએ. ઉલ્લેખનીય છે કે જ્યારથી રશિયાએ યુક્રેન પર હુમલો કર્યો છે ત્યારથી અમેરિકાએ રશિયા પર અનેક પ્રકારના પ્રતિબંધો લગાવ્યા છે.

આ અંગે જાહેરાત કરતાં બાઇડને કહ્યું હતું કે, "અમે ઈતિહાસમાં આર્થિક પ્રતિબંધોના સૌથી મહત્વપૂર્ણ પેકેજનો અમલ કરી રહ્યા છીએ અને તેનાથી રશિયાની અર્થવ્યવસ્થાને નોંધપાત્ર નુકસાન થશે." જો બાઇડેને કહ્યું, "અમે આ પ્રતિબંધ સાથે આગળ વધી રહ્યા છીએ, એ સમજીને કે અમારા ઘણા યુરોપિયન સાથીઓ અને ભાગીદારો અમારી સાથે સામેલ થવાની સ્થિતિમાં નથી."

ઝેલેંસ્કીની અપીલ બાદ લેવાયેલા પગલાં
યુક્રેનના રાષ્ટ્રપતિ વોલોદિમિર ઝેલેન્સકી દ્વારા અમેરિકા અને પશ્ચિમી દેશોમાંથી આયાત ઘટાડવાની અપીલ બાદ અમેરિકી રાષ્ટ્રપતિએ આ પગલું ભર્યું છે. નાણાકીય ક્ષેત્રો પર ગંભીર પ્રતિબંધો હોવા છતાં ઊર્જા નિકાસોએ રશિયામાં રોકડ પ્રવાહનો સ્થિર પ્રવાહ જાળવી રાખ્યો છે.

આ મામલે હાલમાં યુ.એસ. એકલું આ બાબતે પહેલ કરી રહ્યું છે, જો કે તે તેના યુરોપિયન સાથીઓ સાથે પરામર્શ કરવાનું ચાલુ રાખશે, જે રશિયન ઊર્જા આપૂર્તિ પર વધુ નિર્ભર છે. યુરોપના પ્રાકૃતિક ગેસ જીવાશમ ઇંધણના યુરોપની ખપતનો એક તૃતિયાંશ ભાગ છે. યુએસ રશિયન કુદરતી ગેસની આયાત કરતું નથી.