काँग्रेस प्रदेश प्रवक्त्याची गोळी झाडून हत्या

विनोद मित्तल, झी मीडिया, फरीदाबाद : हरियाणामध्ये गुन्ह्यांची संख्या दिवसेंदिवस वाढत आहे. हरियाणा काँग्रेसचे प्रदेश प्रवक्ता विकास चौधरी यांची अज्ञातांनी गोळ्या झाडून हत्या केली आहे. चौधरी हे सकाळी जिमला जात असताना त्यांच्यावर हा हल्ला झाला. सेक्टर-9 मध्ये घटना घडली. प्रदेश प्रवक्ता चौधरी हे रोजच्या प्रमाणे जिमला चालले होते. जिमला पोहोचल्यानंतर ते गाडीतून उतरणार होते इतक्यातच हल्लेखोरांनी गोळ्या झाडण्यास सुरुवात केली. साधारण 12 ते 15 गोळ्या त्यांच्यावर डागण्यात आल्या. गोळ्या झाडल्यानंतर हल्लेखोर तिथून पसार झाले. 

घटनेनंतर तात्काळ त्यांना आनन-फाननमधील सर्वोदय रुग्णालयात नेण्यात आले. तिथे डॉक्टरांनी त्यांना मृत घोषित केले. पोलीस याप्रकरणाचा तपास करत आहेत. पोलिसांना घटनास्थळी बंदुकीतील गोळ्यांचे 12 बॉक्स मिळाले. सीसीटीव्हीच्या आधारे पोलीस हल्लेखोरांचा तपास करत आहेत. सीसीटीव्हीत दोन हल्लेखोर दिसत आहेत जे गाडीवरून आले होते. हल्लेखोराच्या शोधासाठी पोलिसांनी अनेक टीम बनवल्या आहेत. 

विकास चौधरी हे काँग्रेसच्या आधी इनेलोमध्ये होते. फरीदाबाद विधानसभा क्षेत्रात इनोलोचे अध्यक्ष ओम प्रकाश चौटाला यांनी तिकीट न दिल्याने त्यांनी काँग्रेसमध्ये प्रवेश केला. विकास चौधरी हे प्रदेश काँग्रेस अध्यक्ष डॉक्टर अशोक तंवर यांच्या गटातील होते.