शाळेचा आज पहिला दिवस, कोण कोण भेटणार?

www.24taas.com, झी मीडिया,मुंबई
उन्हाळी सुट्टीनंतर राज्यभरातील शाळा आजपासून सुरू होत आहेत. त्यातच दोन दिवस जोरदार पाऊस कोसळत असल्याने पालकांमध्ये चिंतेचे वातावरण आहे. तर शाळांमध्ये प्रथमच येणाऱ्या विद्यार्थ्यांचे जंगी स्वागत करण्यासाठी सरकारने फूल देऊन स्वागत करण्याच्या सूचना केल्यात. तर काही शाळांत शालेय पोषण आहारात मिष्टान्नाचा बेत आखण्यात आला आहे.
`चला शाळेला` या शाळा प्रवेशोत्सवाच्या कार्यक्रमावर मुंबई, ठाणे पट्ट्यात पावसाचे सावट आहे. येत्या २४ तासात पाऊस कोसळण्याची शक्यता असल्याने कार्यक्रमवापर पावसाचे सावट कायम आहे. उन्हाळी सुटीनंतर मुंबईसह राज्यातील सुमारे एक लाख तीन हजार ६८५ शाळा सोमवारपासून सुरू होत आहेत. काही शाळा गेल्या आठवड्यापासूनच सुरू झाल्या आहेत.