Year Ender 2015 : गुन्हेगारी विश्वातील उल्लेखनीय घटना

मुंबई : २०१५ या सालात अनेक धक्कादायक घटना घडल्या आणि उघडकीसही आल्या... अंगावर शहारे उभ्या करतील अशा या गुन्हेगारी स्वरुपाच्या घटना होत्या. 

शीना बोरा हत्याकांड (सविस्तर वाचण्यासाठी इथे क्लिक करा)
अत्यंत किचकट आणि नात्यांची गुंतागुंत असणारं प्रकरण म्हणजेच शीना बोरा हत्याकांड.... स्टार टीव्हीचे माजी सीईओ पीटर मुखर्जी, त्यांची पत्नी इंद्राणी मुखर्जी, इंद्राणीचा ड्रायव्हर शामवीर आणि इंद्राणीचा पूर्व पती संजीव खन्ना यांना शीना बोरा हिच्या हत्या प्रकरणात अटक करण्यात आलीय.

शीना बोरा ही इंद्राणीची बहिण नसून मुलगी होती, हे धक्कादायक सत्य इंद्राणीच्या अटकेनंतर सगळ्या जगाला तर कळलच परंतु, हे सत्य तिच्या नातेवाईकांसाठी आणि मित्रमंडळींसाठीही धक्कादायक होतं.

इंडियाचा मोस्ट वॉन्टेड अंडरवर्ल्ड डॉन छोटा राजन ऊर्फ सदाशिव निकाळजे ऊर्फ मोहन कुमार याला इंडोनेशियातील बाली इथं अटक करण्यात आली. 

मूळचा मुंबईचा राहणाऱ्या ५५ वर्षीय माफिया डॉनचे मूळचे नाव राजेंद्र सदाशिव निकाळजे आहे. दोन दशकांपासून पोलिसांच्या हातावर तुरी देणाऱ्या छोटा राजनला इंटरपोलच्या मदतीने अटक करण्यात आली. तो सध्या भारताच्या ताब्यात आहे. सध्या त्याला कडेकोट बंदोबस्तात दिल्लीतील सीबीआयच्या मुख्यालयात ठेवण्यात आले आहे

सुमारे पाऊणशे खटले छोटा राजनची वाट बघत आहेत. किडनीच्या विकारानं त्रस्त असलेल्या राजनच्या डायलिसिसची व्यवस्था, तसंच खटला चालवण्यासाठी व्हिडिओ कॉन्फरन्सिंगची सोय केली जाण्याची शक्यता आहे.  

३० जुलै रोजी सकाळी ६.३० च्या सुमारास मुंबईतल्या 1993 बॉम्बस्फोटाचा दोषी याकूब मेमन फासावर चढवण्यात आलं. राष्ट्रपतींनी याकूबची दया याचिका राष्ट्रपतींनी फेटाळल्यानंतर याकूबच्या वकिलांनी याकूबच्या बचावासाठी शेवटच्या क्षणापर्यंत 'बचावा'चा प्रयत्न केला. पण, यात त्यांना यश मिळालं नाही. स्वतंत्र भारताच्या इतिहासात प्रथमच देशातल्या सर्वोच्च न्यायालायनं ३० जुलै रोजी पहाटे चार वाजून अठ्ठवन्न मिनिटांनी याकूबच्या फाशीवर शिक्कामोर्तब केलं. 

फाशीनंतर मुंबईच्या मरिन लाइन्स भागातील ७.५ एकरच्या बड़ा कब्रीस्तानमध्ये दफनविधी झाला. यावेळी, मोठा जमाव याकूबच्या दफनविधीसाठी उपस्थित होता, हे विशेष.