नववं आश्चर्य ? हॉस्पिटलच्या 10 नर्स, 1 डॉक्टर एकाच वेळी प्रेग्नेंट, 2 जणांची डिलेव्हरी तारीखही सारखीच

अमेरिका :  मिसुरी राज्यातील एका रुग्णालयात एक विचित्र प्रकार समोर आला आहे. मिसूरी येथील लिबर्टी हॉस्पिटलमध्ये काम करणाऱ्या 11 परिचारिका एकाच वेळी गर्भवती झाल्या आहेत. यामध्ये 10 परिचारिका आणि एका डॉक्टरचा समावेश आहे. आश्चर्यकारक बाब म्हणजे की त्यापैकी दोघांचीही प्रसूतीची तारीख एकच आहे. योगायोगाने यातील बहुतांश परिचारिका रुग्णालयातील प्रसूती, कामगार आणि प्रसूती विभागात काम करतात. एका संस्थेत एकाच वेळी एवढ्या मोठ्या संख्येने महिला कर्मचाऱ्यांच्या गर्भवती राहण्याची ही पहिलीच घटना आहे. (in hospital america 11 nurses got pregnant together 2 of them had a delivery date too) 

एकत्र काम करायच्या नर्स

"हॉस्पिटलच्या बर्थिंग सेंटरच्या संचालिका निक्की कॉलिंग यांनी सांगितलं की, या सर्व परिचारिक एकत्रितपणे एकच काम करायच्या. पण यामधून 10 जणी गरोदर राहतील अशी आम्हाला अपेक्षा नव्हती. हा प्रकार फारच विनोदी आहे. यातील काही वैद्यकीय कर्मचार्‍यांची प्रसूती पुढील काही आठवड्यांत होईल. तर उर्वरित परिचारिकांच्या प्रसुतीची तारीख सप्टेंबर ते नोव्हेंबर या महिन्यादरम्यान देण्यात आली आहे. रुग्णालय प्रशासनाने या सर्व परिचारिकांना स्थानिक कायदा आणि रुग्णालयाच्या नियमांच्या आधारे सर्वतोपरी मदत करण्याचे आश्वासन दिले आहे", अशी माहिती प्रसुती विभागाच्या प्रमुख निकी कोलिंग यांनी दिली. 

गर्भवती नर्स म्हणाली...

"मी माझ्या पहिल्या मुलाच्या जन्माबद्दल उत्साहित आहे. अनेक परिचारिका हॉस्पिटलचे पाणी पिणार नाही असं सांगतायेत", असं 29 वर्षीय नर्स हॅना मिलर गंमतीत म्हणाली.

यातील काही परिचारिका दुसऱ्या दिवशी घरून पाण्याची बाटली घेऊन कामावर आल्या. वास्तविक, कोणीतरी गंमतीने सांगितले की हॉस्पिटलच्या पाण्यात असे काहीतरी आहे की 11 परिचारिका एकाच वेळी गर्भवती झाल्या आहेत. खरं तर ही अफवा होती.