नोकरीसोडून तब्बल दोन वर्ष चालला 'या' कपलचा Honeymoon

मुंबई : सगळेच कपल लग्नानंतर हनीमून(Honeymoon) ला जातात. नव्या जोडप्यासाठी हा त्यांचा काळ असतो. हनीमून हे कपलच्या आयुष्यातील सोनेरी दिवस समजले जातात. पण सामान्यपणे हनीमूनचा काळ हा जास्तीत जास्त एक आठवड्यांचा किंवा पंधरवड्याचा असतो. पण या कपलने चक्क दोन वर्ष आपला हनीमून साजरा केला. 

हनीमूनला कपल फिरायला जातात एकमेकांसोबत चांगला क्वालिटी टाईम घालवतात. मात्र या कपलने चक्क 2 वर्ष आपला हनीमून साजरा केला. एवढंच नव्हे तर त्यांनी हनीमूनवर लाखो रुपये खर्च केले. त्यांच्या हनीमूनचा कालावधी एवढा मोठा होता की, त्यांचा मुलगा आणि पाळीव कुत्रा देखील होता. हनीमूनचा हा किस्सा ब्रिटनमधील एका कपलचा आहे. 

2019मध्ये रॉस आणि सारा यांनी एकमेकांशी लग्न केलं. त्यानंतर त्यांनी जगभ्रमंती करण्याचा निर्णय घेतला. मात्र त्यांचं हनीमून काही साधसुधं नव्हतं. याकरता पहिली त्यांनी आपली नोकरी सोडली. त्यानंतर आपलं घर भाड्यावर दिलं. यानंतर या जोडप्याने तुफानी ट्रिप प्लान केली. एवढंच नव्हे तर आपल्या हनीमुनलासोबत मुलगा आणि लॅब्रोडोरला पण घेऊन गेले. 

'फॅमिलीमून'मध्ये या दोघांनी फ्रान्स ते स्विटरझरलँड, इटली, स्पेन, टर्की आणि बुग्लेरिया असा प्रवास केला. मेट्रोने दिलेल्या माहितीनुसार, हे कपल परत आलं आहे. यांचा मुलगा ट्रिपच्या दरम्यान 3 वर्षांचा होता जो आता 5 वर्षांचा झाला आहे. माजी रॉय मरीन कमांडो रॉस सांगतात की, प्रत्येक दिवस हा रोमांचने भरलेला होता. 

आपल्या कारमध्ये केला सफर 

या जोडप्याने त्यांच्या व्हॅनमध्ये बसून संपूर्ण प्रवास पूर्ण केला आणि त्यासाठी सुमारे 13 लाख रुपये खर्च केले. रॉस स्पष्ट करतात की जेव्हाही तो त्याच्या व्हॅनचे गेट उघडतो तेव्हा तो स्वतःला एका नवीन ठिकाणी सापडतो आणि पुढे काय होणार आहे याची तुम्हाला कल्पना नसते. ते म्हणाले की आम्हाला एकत्र क्वालिटी टाइम घालवायचा होता आणि हा निर्णय सोपा नव्हता.

ते म्हणाले की नियमित नोकरी आणि पगारासह हे करणे कदाचित अवघड आहे, म्हणूनच त्यांनी नोकरी सोडण्याचा निर्णय घेतला. तो म्हणतो की आमच्या प्रवासापूर्वी प्रत्येकाला वाटले की हे लोक काही आठवड्यांत परत येतील आणि त्यांच्या फिरण्याचं भूत निघून जाईल पण तसे झाले नाही.

नोकरी सोडून फिरण्याचा घेतला निर्णय 

रॉस म्हणतात की जेव्हा लोक आज आपल्याला पाहतात तेव्हा त्यांना आश्चर्य वाटते. आम्ही प्रत्येक क्षण सुंदरपणे घालवला आहे. हा कदाचित माझ्या आयुष्यातील सर्वोत्तम निर्णय होता. त्याची पत्नी सारा म्हणाली की आमच्या प्रवासापूर्वी लोकांनी आम्हाला अनेक प्रश्न विचारले आणि विशेषत: नोकरी सोडल्यामुळे ते आमच्याबद्दलही चिंतित होते.

कोरोनाकाळात हनीमुनकरता पडले बाहेर 

साराने सांगितले की कोरोना महामारी दरम्यान, आमचा वेळ आणखी चांगला गेला. जर आम्ही या काळात फिरत नसतो तर लॉकडाऊनमुळे आम्हाला घरीच कैद रहावे लागले असते. पण आम्ही आमचा वेळ त्या दिवसात समुद्रकिनारी मजा करण्यात घालवला. संपूर्ण कुटुंब जून 2021 मध्ये ब्रिटनला परतले आहे आणि हे लोक अजूनही जुने दिवस आठवतात.