நியூடெல்லி: கடந்த 10 ஆண்டுகளில் மாரடைப்பால் ஏற்படும் இறப்புகள் 75 சதவீதம் அதிகரித்துள்ளது. அதனால்தான் இந்தப் பிரச்சினையைப் பற்றி பேசுவது மிகவும் முக்கியமானதாகிவிட்டது. மாரடைப்புக்கான காரணங்கள், மாரடைப்பின் அறிகுறிகள் மற்றும் தடுப்பு முறைகள் பற்றி தெரிந்துக் கொள்வது இந்த கொடிய பிரச்சனையை நிர்வகிக்க உதவும்.
இதயம் நம் உடலின் மிக முக்கியமான பகுதியாகும். ஆனால் பெரும்பாலும் அறியாமலேயே அதன் ஆரோக்கியத்தை அலட்சியப்படுத்துகிறோம். கடந்த சில வருடங்களாக இதயம் தொடர்பான பிரச்சனைகள் மிக வேகமாக அதிகரித்து வருவதற்கு இதுவே காரணம். குறிப்பாக மாரடைப்பை எடுத்துக் கொண்டால், கடந்த 10 ஆண்டுகளில் மாரடைப்பால் ஏற்படும் இறப்புகள் 75 சதவீதம் அதிகரித்துள்ளதாக புள்ளி விவரங்கள் தெரிவிக்கின்றன.
மாரடைப்பு 'சைலண்ட் கில்லர்' ஆக மாறி வருகிறது. அதனால்தான் இந்தப் பிரச்சினையைப் பற்றி பேசுவது மிகவும் முக்கியமானதாகிவிட்டது. மாரடைப்புக்கான காரணங்கள், மாரடைப்புக்கான அறிகுறிகள் மற்றும் தடுப்பு முறைகள் பற்றி பாட்னா ஹார்ட் மருத்துவமனையின் ஆலோசகர் கார்டியலஜிஸ்ட் மற்றும் இன்டர்வென்ஷனல் கார்டியாலஜிஸ்ட் டாக்டர் வினீத் குமாரிடம் இருந்து தெரிந்து கொள்வோம்.
மாரடைப்புக்கான முக்கிய காரணங்கள்
- பதற்றம்
- உடல் செயல்பாடுகள் குறைவாக இருப்பது
- வறுத்த மற்றும் எண்ணெய் உணவு, சுத்திகரிக்கப்பட்ட மற்றும் பதப்படுத்தப்பட்ட உணவுப் பொருட்கள், அதிக கலோரி உணவுகளை அதிகம் உண்பது
- உப்பு அதிகம் உள்ள உணவு
- புகைபிடித்தல், மது, போதைப் பழக்கம் போன்றவற்றின் அதிகரிப்பு.
காரணங்களைத் தெரிந்துக் கொண்டோம். இனி மாரடைப்புக்கான அறிகுறைகளைத் தெரிந்துக் கொள்வோம்
மேலும் படிக்க | அடிவயிற்றில் உள்ள கொழுப்பு குறைக்கணுமா? அப்போ தினமும் இதை மட்டும் சாப்பிட்டுங்கள்
மாரடைப்பு அறிகுறிகள்
- மார்பு வலி அதன் முக்கிய அறிகுறியாகும். இந்த வலி மார்பின் நடுவில் இருந்து உங்கள் தாடைகள், கழுத்து மற்றும் இடது பக்கம் கை வரை பரவுகிறது. சில சமயங்களில் மார்பில் கனமும், மார்பில் அழுத்தமும் உணரப்படும்.
- சுவாசிப்பதில் சிரமம் அல்லது மிக வேகமாக மூச்சு விடுவது மாரடைப்புக்கான அறிகுறியாகும்.
- மிக வேகமாக இதயம் துடிப்பதாக உணர்வது
- மூச்சை வெளிவிடும் போது தலையில் லேசான கனம் அல்லது தலைசுற்றல் போன்ற உணர்வு.
- மயக்கம் அல்லது அதிக சோர்வு
இதயம் தொடர்பான நோய்கள் மற்றும் இதய செயலிழப்பு மரணத்திற்கு வழிவகுக்கும் என்பதால் எச்சரிக்கையாக இருக்கவேண்டும். மாரடைப்பு வராமல் இருக்க என்ன செய்ய வேண்டும்?
- நேர்மறையான வாழ்க்கை முறை மாற்றங்களைச் செய்து, ஆரோக்கியமான உணவுப் பழக்கங்களைப் பின்பற்றுங்கள். இது தவிர, உங்கள் உணவில் இருந்து குப்பை மற்றும் வறுத்த உணவுகளை எடுத்துக் கொள்ளுங்கள்.
- காய்கறிகள், பழங்கள், முழு தானியங்கள், குறைந்த கொழுப்புள்ள பால் பொருட்கள் மற்றும் மெலிந்த புரத உணவுகளை உணவில் சேர்த்துக் கொள்ளுங்கள்.
- உங்கள் உணவில் பழங்கள் மற்றும் காய்கறிகள் பாதி அளவும், இதர பாதி முழு தானியங்களாகவும் இருக்க வேண்டும்.
- காய்கறிகளில் அதிக உப்பைப் பயன்படுத்த வேண்டாம் மற்றும் பதப்படுத்தப்பட்ட காய்கறிகளைப் பயன்படுத்துவதைத் தவிர்க்கவும்.
- இதயம் ஆரோக்கியமாக இருக்க, கொழுப்பு இல்லாத பால் மற்றும் தயிர் சாப்பிடுங்கள்.
- நடை சிறந்த உடற்பயிற்சி. நடக்கும்போது, ஆரம்பத்தில் மெதுவாக நடக்கத் தொடங்கி, படிப்படியாக உங்கள் வேகத்தையும் நடை நேரத்தையும் அதிகரிக்கவும். ஆரோக்கியமான ஒருவர், நாளொன்றுக்கு குறைந்தபட்சம் 30 நிமிட நடைப்பயிற்சி செய்யலாம்
- நீங்கள் விரும்பினால், சில லேசான உடற்பயிற்சிகளையும் செய்யலாம், ஆனால் கடினமான உடற்பயிற்சிகளைத் தவிர்க்கவும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
