பழைய ஓய்வூதியத் திட்டம்: தேசிய ஓய்வூதிய முறையின் (NPS) கீழ் உள்ள அகில இந்திய சேவைகள் (AIS) அதிகாரிகளுக்கு பழைய ஓய்வூதியத் திட்டத்திற்கு (OPS) மாற ஒரு தனித்துவமான வாய்ப்பு வழங்கப்படும் என்று பணியாளர் மற்றும் பயிற்சித் துறை (DoPT) அறிவித்துள்ளது. டிசம்பர் 22, 2003 அன்று என்பிஎஸ் அறிவிப்புக்கு முன் அறிவிக்கப்பட்ட அல்லது நோடிஃபை செய்யப்பட்ட காலியிடங்களுக்கு நியமிக்கப்பட்டு ஜனவரி 1, 2004 அல்லது அதற்கு பிறகு பணியில் சேர்ந்த ஏஐஎஸ் அதிகாரிகளுக்கு இந்த முடிவு ஒரு முறை விருப்பமாக கிடைக்கிறது.
பின்வரும் AIS அதிகாரிகள் இந்த விருப்பத்தைப் பயன்படுத்த தகுதியுடையவர்கள் என்று DoPT தெளிவுபடுத்தியுள்ளது:
- என்பிஎஸ் அறிவிப்பின் தேதிக்கு முன் (டிசம்பர் 22, 2003) விளம்பரப்படுத்தப்பட்ட அல்லது அறிவிக்கப்பட்ட காலியிடங்களில் ஆட்சேர்ப்பு செய்யப்பட்டு ஜனவரி 1, 2004 அன்று அல்லது அதற்குப் பிறகு பணியில் சேர்ந்த ஏஐஎஸ் அதிகாரிகள்.
- சிவில் சர்வீசஸ் தேர்வு, 2003, சிவில் சர்வீசஸ் தேர்வு, 2004 மற்றும் இந்திய வன சேவை தேர்வு, 2003 ஆகியவற்றின் மூலம் தேர்ந்தெடுக்கப்பட்ட ஏஐஎஸ் உறுப்பினர்கள்.
- ஏஐஎஸ் -இல் சேருவதற்கு முன், CCS (ஓய்வூதியம்) விதிகள், 1972 (இப்போது 2021) அல்லது வேறு ஏதேனும் ஒத்த விதிகளின் கீழ் உள்ளடக்கப்பட்ட மத்திய அரசுப் பணியில் தேர்ந்தெடுக்கப்பட்ட சேவை உறுப்பினர்கள்.
ஏஐஎஸ் அதிகாரிகள் தேசிய ஓய்வூதியத் திட்டத்திலிருந்து (NPS) பழைய ஓய்வூதியத் திட்டத்திற்கு (OPS) மாறுவதற்கான தங்கள் விருப்பத்தைப் பயன்படுத்துவதற்கான கடைசித் தேதி நவம்பர் 30, 2023 ஆகும். இது இந்த மாற்றத்திற்கான இறுதி வாய்ப்பாக இருக்கும். மேலும் ஓய்வூதிய முறையை ஒரு முறை தேர்வு செய்த பின்னர், அதுவே இறுதியானதாகக் கருதப்படும்.
AIS (DCRB) விதிகள், 1958 இன் கீழ் பழைய ஓய்வூதியத் திட்டத்தைத் தேர்ந்தெடுக்கும் AIS அதிகாரிகளுக்கு, அவர்களின் என்பிஎஸ் கணக்கில் கார்பஸைக் கணக்கிடுவதற்கான நடைமுறையை DoPT கோடிட்டுக் காட்டியது.
கோடிட்டுக் காட்டப்பட்ட செயல்முறை:
- ஊழியர்களின் பங்களிப்பை சரிசெய்தல்: தனிநபரின் பங்களிப்பு பொது வருங்கால வைப்பு நிதி (GPF) கணக்கில் வரவு வைக்கப்படும். மேலும் விதிகளின்படி புதுப்பித்த வட்டியைப் பெறும்.
- அரசு பங்களிப்பை சரிசெய்தல்: என்பிஎஸ் -க்கு மத்திய மற்றும் மாநில அரசுகள் அளிக்கும் தொகை அந்தந்த அரசு கணக்குகளில் வரவு வைக்கப்படும்.
- முதலீடுகளின் மதிப்பீட்டை சரிசெய்தல்: முதலீடுகளின் மீதான மதிப்பீட்டின் காரணமாக அதிகரித்த சந்தாக்களின் மதிப்பு, அரசாங்க பங்களிப்புகளின் சரிவிகிதத்தின் விகிதத்தில் சம்பந்தப்பட்ட அரசாங்கக் கணக்கில் வரவு வைப்பதன் மூலம் கணக்கிடப்படும்.
இந்த விருப்பத்தைப் பயன்படுத்தத் தகுதியுடைய AIS அதிகாரிகள், குறிப்பிட்ட தேதிக்குள் அவ்வாறு செய்யத் தவறினால், அவர்கள் தொடர்ந்து என்பிஎஸ் -இன் கீழ் காப்பிட்டை பெறுவார்கள் என்று DoPT வலியுறுத்தியது.
AIS அதிகாரிகளுக்கு பழைய ஓய்வூதியத் திட்டத்தின் பலன்களை வழங்குவதற்கான முடிவு அவர்களுக்கு அதிக நெகிழ்வுத்தன்மை மற்றும் நன்மைகளை வழங்குவதை நோக்கமாகக் கொண்டுள்ளது. இந்த நடவடிக்கை பாதிக்கப்பட்ட அதிகாரிகளிடம் நல்ல வரவேற்பைப் பெறும் என எதிர்பார்க்கப்படுகிறது. ஏனெனில் இது ஓய்வூதியத் திட்டம் குறித்த அவர்களின் கவலைகளை நிவர்த்தி செய்கிறது.
AIS அதிகாரிகள் தங்கள் விருப்பங்களை கவனமாக பரிசீலித்து, அவர்களின் ஓய்வூதிய திட்ட விருப்பம் குறித்து நன்கு அறிந்த முடிவை எடுக்குமாறு அதிகாரிகள் வலியுறுத்துகின்றனர். பழைய ஓய்வூதியத் திட்டத்திற்கு மாற விரும்புவோருக்கு சுமூகமான மாற்றத்தை எளிதாக்குவதற்கு தேவையான அனைத்து ஆதரவும் தகவல்களும் வழங்கப்படும் என்று DoPT உறுதியளித்துள்ளது.
மேலும் படிக்க | Indian Railways: சிக்கனத்தில் இறங்கும் ரயில்வே... பயணிகளுக்கு இதனால் பலன்கள் என்ன?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
