மத்திய ஊழியர்கள் சம்பள உயர்வு, சமீபத்திய புதுப்பிப்பு: மத்திய அரசு ஊழியர்கள் மற்றும் ஓய்வூதியம் பெறுபவர்கள் விரைவில் ஒரு பெரிய பரிசைப் பெறக்கூடும். தொழிலாளர் அமைச்சகம் வெளியிட்ட ஏஐசிபிஐ குறியீட்டின் மே மாத புள்ளிவிவரங்களுக்குப் பிறகு, மொத்த மதிப்பெண் 134.7 ஐ எட்டியுள்ளது. இதன் காரணமாக அகவிலைப்படி அளவு 45.58% ஐ எட்டியுள்ளது. அத்தகைய சூழ்நிலையில், ஜூலையில் 4 சதவீத டிஏ அதிகரிப்பு இப்போது உறுதியாக கருதப்படுகிறது. அகவிலைப்படியில் மீண்டும் 4% அதிகரிக்கப்பட்டால், மொத்த அகவிலைப்படி 46% ஆக அதிகரிக்கும்.
இதன் பலன் 1 கோடி ஊழியர்கள், அதிகாரிகள் மற்றும் ஓய்வூதியதாரர்களுக்கு வழங்கப்படும். தேர்தலுக்கு முன் ரக்ஷாபந்தன் பண்டிகையை ஒட்டி இந்த அறிவிப்பு வெளியிடப்படலாம் என எதிர்பார்க்கப்படுகிறது. எனினும் இது குறித்த தகவல் அதிகாரப்பூர்வமாக உறுதி செய்யப்படவில்லை.
அகவிலைப்படி உயர்வு
மத்திய அரசு ஊழியர்களின் அகவிலைப்படி ஆண்டுக்கு இரண்டு முறை, அதாவது ஜனவரி மற்றும் ஜூலை மாதங்களில் அதிகரிக்கப்படுகிறது. அகவிலைப்படி அதிகரிப்பின் அளவு ஒவ்வொரு மாதமும் வெளியிடப்படும் தொழிலாளர் துறையால் வெளியிடப்படும் AICPI குறியீட்டின் தரவைப் பொறுத்தது. சமீபத்தில் மே மாதத்திற்கான புள்ளிவிவரங்கள் வெளியிடப்பட்டன. அதில் 0.50 புள்ளிகள் அதிகரித்துள்ளன. இதன் காரணமாக 4 சதவீத டிஏ அதிகரிப்பு நிர்ணயிக்கப்படும் என்று நம்பப்படுகிறது.
இருப்பினும் ஜூன் மாத புள்ளிவிவரங்கள் இன்னும் வரவில்லை. அதன் பிறகு அகவிலைப்படி எவ்வளவு அதிகரிக்கும் என்பது உறுதியாக தெரியும். தற்போது மத்திய அரசு ஊழியர்கள் 42% அகவிலைப்படியை பெறுகிறார்கள். இது ஜனவரி 2023 முதல் ஜூன் 2023 வரை பொருந்தும். அடுத்த டிஏ ஜூலை முதல் டிசம்பர் 2023 வரை பொருந்தும். இது இந்த ஆண்டின் இரண்டாவது உயர்வு ஆகும். புதிய விகிதங்கள் ஜூலை 1, 2023 முதல் பொருந்தும். ஆகையால் ஜூலை மாதத்துக்கான அகவிலைப்படி அதிகரிப்பு எப்போது அறிவிக்கப்பட்டாலும், ஜூலை முதல் அதற்கான அரியர் தொகை அளிக்கப்படும். இருப்பினும் அகவிலைப்படி எவ்வளவு அதிகரிக்கும், எப்போது அறிவிக்கப்படும் என்பது அதிகாரப்பூர்வமாக உறுதிப்படுத்தப்படவில்லை.
யாருடைய சம்பளம் எவ்வளவு உயரும்?
1. ஒரு உதாரணத்தின் மூலம் இதை புரிந்துகொள்ளலாம். ஒரு அரசு ஊழியரின் அடிப்படைச் சம்பளம் ரூ. 18,000 எனில், அதில் அவருக்கு 42 சதவீதம் அதாவது ரூ.7560 அகவிலைப்படி கிடைக்கும். ஆனால் அகவிலைப்படி 46 சதவீதமாக அதிகரித்தால், மாதம் ரூ. 8,280 ஆக அகவிலைப்படி உயர்கிறது. அதன்படி ஒவ்வொரு மாதமும் சம்பளம் ரூ.720 அதிகரிக்கும்.
2. ஒரு ஊழியரின் அடிப்படைச் சம்பளம் ரூ.56, 900 எனில், 4% கூடுதல் அகவிலைப்படியின் கீழ், அவர் ஒவ்வொரு மாதமும் ரூ.2,276 கூடுதலாக பெறுவார். அந்த வகையில் ஆண்டுக்கு ரூ.27,312 லாபம் கிடைக்கும்.
3. ஒருவருக்கு மாதம் ரூ.30,000 அடிப்படை ஓய்வூதியம் கிடைத்தால், அவருக்கு அகவிலைப்படியாக ரூ.44,400 கிடைக்கும். அகவிலைப்படி 4% அதிகரிக்கப்பட்டால், இந்தப் தொகை ரூ.42,600 ஆக உயரும். அதாவது ஒவ்வொரு மாதமும் ஓய்வூதியம் ரூ. 800 அதிகரிக்கும்.
மேலும் படிக்க | 7th Pay Commission: ஊழியர்களுக்கு அடிச்சது இரட்டை ஜாக்பாட்!! டிஏ உடன் இதுவும் ஏறும்
இதுவரையிலான புள்ளிவிவரங்களைப் பாருங்கள் (டிஏ மதிப்பெண்)
ஜனவரி 2023 – 43.10%
பிப்ரவரி 2023 – 43.80%
மார்ச் 2023 – 44.49%
ஏப்ரல் 2023 – 45.06%
மே 2023 – 45.58%
ஜூன் 2023 - ஜூலை இறுதியில் வெளியிடப்படும்
ஃபிட்மென்ட் ஃபாக்டர் அதிகரிக்கலாம்
மத்திய அரசு ஊழியர்களின் ஃபிட்மெண்ட் ஃபாக்டரும் வரவிருக்கும் தேர்தலுக்கு முன் திருத்தப்படலாம் என ஊடக அறிக்கைகள் தெரிவிக்கின்றன. தற்போது ஃபிட்மெண்ட் ஃபாக்டர் 2.57 சதவீதமாக உள்ளது. 7வது ஊதியக்குழுவின் கீழ் ஃபிட்மெண்ட் ஃபாக்ரின் அடிப்படையில் சம்பளம் வழங்கப்படுகிறது. ஆனால், ஊழியர் சங்கம் இதை அதிகரிக்க நீண்ட நாட்களாக கோரிக்கை விடுத்து வரும் நிலையில், அரசு மீண்டும் ஃபிட்மென்ட் பேக்டரில் திருத்தம் செய்ய வாய்ப்பு உள்ளது. அது 3.00 சதவீதம் அல்லது 3.68 சதவீதம் வரை உயர்த்தப்படக்கூடும். இந்த ஃபிட்மென்ட் ஃபேக்டர் 2024 முதல் செயல்படுத்தப்படலாம். 2023 இறுதிக்குள் அதன் முடிவு எடுக்கப்படக்கூடும். இதன் மூலம் 52 லட்சம் ஊழியர்கள் பயனடைவார்கள். எனினும், இது தொடர்பாக அரசு தரப்பில் இதுவரை எந்த அறிக்கையோ, அதிகாரப்பூர்வமான உறுதிமொழியோ இன்னும் வெளியிடப்படவில்லை.
96,000 ரூபாய் வரை சம்பளம் உயரும்
கடந்த 2016 ஆம் ஆண்டு ஃபிட்மென்ட் பேக்டர் அதிகரிக்கப்பட்டு, இந்த ஆண்டு முதல் 7வது ஊதியக் குழுவும் அமல்படுத்தப்பட்டு, ஊழியர்களின் குறைந்தபட்ச ஊதியம் ரூ. 60,00 -லிருந்து ரூ.18 ஆயிரமாக நேரடியாக உயர்த்தப்பட்டது. தற்போது ஊதியம் இதன் அடிப்படையில் மீண்டும் உயர்த்தப்பட்டால், அடிப்படைச் சம்பளம். ரூ. 18,000 -லிருந்து ரூ. 21,000 அல்லது ரூ. 26,000 ஆக உயரக்கூடும்.
உதாரணமாக, ஒருவரின் அடிப்படைச் சம்பளம் ரூ. 18,000 எனில், அலவன்ஸ்கள் தவிர்த்து அவருடைய சம்பளம் 18,000 X 2.57 = ரூ.46,260 ஆக இருக்கும். 3.68 ஃபிட்மெண்ட் பாக்டரில், சம்பளம் ரூ 95,680 (26000 X 3.68 = 95,680) ஆகும். அதாவது ஊதியத்தில் ரூ 49,420 லாபம் இருக்கும். 3 மடங்கு ஃபிட்மெண்ட் பாக்டரில், சம்பளம் ரூ 21000 X 3 = ரூ 63,000 ஆக இருக்கும்.
வீட்டு வாடகை கொடுப்பனவு அதிகரிக்க வாய்ப்புள்ளது
அகவிலைப்படியுடன் வீட்டு வாடகை கொடுப்பனவில் அடுத்த திருத்தம் 3% வரை இருக்கலாம். அதன்பிறகு அதிகபட்ச வீட்டு வாடகை கொடுப்பனவு (HRA) தற்போதுள்ள 27% விகிதத்தில் இருந்து 30% ஆக அதிகரிக்கும். ஆனால் டிஏ 50% ஐ தாண்டும்போதுதான் இது நடக்கும். 2024 -க்குள் இதற்கான முடிவு எடுக்கப்படலாம் என மதிப்பிடப்பட்டுள்ளது. நிதித் துறையின் குறிப்பாணையின்படி, டிஏ 50% ஐத் தாண்டும்போது எச்ஆர்ஏ 30%, 20% மற்றும் 10% ஆக இருக்கும். X, Y மற்றும் Z வகுப்பு நகரங்களின்படி வீட்டு வாடகை கொடுப்பனவு வகை உள்ளது. எக்ஸ் பிரிவில் வரும் மத்திய ஊழியர்கள் 27% எச்ஆர்ஏ பெறுகிறார்கள், டிஏ 50% என்றால் 30% ஆக இருக்கும். ஒய் வகுப்பிற்கு இது 18% முதல் 20% வரை அதிகரிக்கும். இஸட் வகுப்பு மக்களுக்கு, 9% முதல் 10% வரை அதிகரிக்கும்.
மேலும் படிக்க | ஊழியர்களுக்கு பம்பர் செய்தி!! வருகிறது 8th Pay Commission, விரைவில் 44% ஊதிய உயர்வு
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
