தியேட்டர்கள் பெருகி வந்த காலம் மலையேறி இன்று ஓடிடி தளங்களில் வருகை அதிகமாகிவிட்டன. சில படங்கள் திரையரங்கில் வெளியாகி சில நாட்களுக்குள்ளாகவே ஓடிடியில் வெளியாவதும், சில படங்கள் திரையரங்கில் கூட வெளியாகாமல் நேரடியாக ஓடிடியில் வெளியிடப்படுவதும் வாடிக்கையாகிவிட்டன. திரையரங்கிற்கு போய் படம் பார்ப்பது ஒரு சுகம் என்றால், வீட்டில் நமக்கான நேரத்தில் நமக்கு பிடித்த படங்களை பார்ப்பதும் தனி சுகம். இந்தியாவில் மட்டும் நெட்ஃப்ளிக்ஸ், ஹாட்ஸ்டார், வூட், அமேசான் ப்ரைம் என பல தளங்கள் வந்துவிட்டன. முன்னணி ஹீரோக்களின் படங்களில் இருந்து புதுமுக ஹீரோக்களின் படங்கள் வரை பல இது போன்ற ஓடிடி தளங்களில் வெளிவருகின்றன. வாராவாரம் திரையரங்கில் வெளியாகிறதோ இல்லையோ ஓடிடி தளங்களில் தவறாமல் நிறைய புது படைப்புகள் வெளிவந்து கொண்டிருக்கின்றன. அது போலத்தான் இந்த வாரமும் பல படங்கள் வெளிவர இருக்கின்றன. அவற்றில் பல க்ரைம் த்ரில்லர்களும் சில ஹாலிவுட் படங்ளும் மற்றும் தொடர்களும் இடம் பெற்றுள்ளன. அவைை என்னென்ன என்று பார்போமா..?
மார்வல் திரைப்படம்-கார்டியன்ஸ் ஆஃப் தி கேலக்ஸி:
மார்வல் திரைப்படங்களுக்கு என நம் ஊரில் தனி ரசிகர் கூட்டமே சுற்றுகிறது. ஐயர்ன் மேன், கேப்டன் அமேரிக்கா போன்ற படங்கள் மட்டுமன்றி மார்வல் உலகம் சம்பந்தமாக எந்த படங்கள் வெளியானாலும் ரசிகர்கள் முண்டியடித்துக்கொண்டு பார்த்து விடுவார்கள், அப்படிப்பட்ட படங்களில் ஒன்று, கார்டியன்ஸ் ஆஃப் தி கேலக்ஸி. இதன் மூன்றாம் பாகம் டிஸ்னி ஹாட்ஸ்டார் தளத்தில் நாளை வெளியாகிறது.
வீரப்பனை பிடித்தது எப்படி-டாக்குமெண்டரி:
தமிழகம், கேரளா, ஆந்திரா உள்ளிட்ட மூன்று மாநில போலீஸாராலும் தீவிரமாக தேடப்பட்ட குற்றவாளி வீரப்பன். இவர், சுமார் 30 வருடங்களுக்கும் மேலாக போலீஸாரை பணத்திற்காக கடத்துவதும் அவர்களை கொலை செய்வதுமாய் இருந்தார். இவரை தமிழக்த்தின் ராபின் ஹுட் என்றும் சிலர் கூறுவதுண்டு. தற்போது இவரது கதைத்தான் “தி ஹண்ட் ஃபார் வீரப்பன்” என்ற பெயரில் வெளிவர உள்ளது. டாக்குமெண்டரி வடிவில் ரிலீஸாக உள்ள இந்த படத்திற்காக மக்கள் அனைவரும் ஆவலுடன் காத்துக்கொண்டுள்ளனர். இப்படம், நாளை (4 ஆகஸ்டு) நெட்ஃப்ளிக்ஸ் தளத்தில் வெளிவர உள்ளது.
ரங்கபலி:
தெலுங்கு சினிமா ரசிகர்கள் மட்டுமன்றி பலரது வரவேற்பினை பெற்றிருந்த படம், ரங்கபலி. இதில் நாக சூர்யா ஹீரோவாக நடித்துள்ளார். பிரபல தெலுங்கு நடிகையான யுக்தி தாரஜா நாயகியாக நடித்துள்ளார். முரளி ஷர்மா இதில் முக்கிய கதாப்பாத்திரமாக வருகிறார். இப்படம், நாளை (ஆகஸ்டு 4 ) நெட்ஃப்ளிக்ஸ் தளத்தில் வெளிவருகிறது.
ஹார்ட்ஸ்டாப்பர்:
ஆங்கில தொடர்களுக்கு பெயர் போனது நெட்ஃப்ளிக்ஸ் தளம். இவர்கள் வெளியிட்டுள்ள பல ஆங்கில தொடர்கள் இந்திய ரசிகர்கள் மத்தியில் நல்ல வரவேற்பினை பெற்றுள்ளது. அப்படி தமிழ் ரசிகர்களையும் கவர்ந்த வெளிநாட்டு தொடர்தான் ஹார்ட்ஸ்டாப்பர். இந்த தொடர், பள்ளிப்பருவத்தில் காதலில் விழும் இருவர்களை பற்றியது. இதன் இரண்டாவது சீசனுக்காக ரசிகர்கள் ஆர்வமுடன் காத்துக்கொண்டிருந்தனர். ஒரு வழியாக இத்தொடர் நாளை நெட்ஃப்ளிக்ஸில் வெளிவர இருக்கிறது. இந்தியாவில் இந்த தொடரை மதியம் 12 மணிக்கு மேலிருந்து பார்க்கலாம்.
இன்னும் சில..
மேற்கூறிய படங்கள் மட்டுமன்றி இன்னும் சில படஙக்ளும் ஓடிடியில் வெளியாகின்றன.
>பரேஷான்-தெலுங்கு-சோனி லிவ்
>தாயா-ஹாட்ஸ்டார்
>ருத்ராங்கி-தெலுங்கு-ப்ரைம்
>சந்தோஷம்-மலையாளம்-ப்ரைம்
>லாலா-மலையாளம்-ஐஸ்ட்ரீம்
>டார்க் சீக்ரெட்-மலையாளம்-சாய்னா ப்ளே
>ஃபடாஃபடி-பெங்காலி-சோனி லிவ்
>ஹைவே-தமிழ் டப்பிங்-ஆஹா
>தி லிங்கன் லாயர்-நெட்ஃப்ளிக்ஸ்
>ஜூம் 100-ஜப்பான் தொடர்-நெட்ஃப்ளிக்ஸ்
>பாய்சண்ட்-ஆங்கிலம்-நெட்ஃப்ளிக்ஸ்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
