பொய்யாக போடப்பட்ட கற்பழிப்பு வழக்கில் சிக்கிய ஒருவருக்கு ரூ .15 லட்சம் இழப்பீடு வழங்க சென்னை நீதிமன்றம் உத்தரவிட்டுள்ளது. இழப்பீட்டைப் பெற்ற நபர் கல்லூரி நாட்களில் தவறான நடத்தை குற்றச்சாட்டில் கைது செய்யப்பட்டு ஏழு ஆண்டுகளுக்கும் மேலாக விசாரணையை எதிர்கொண்டார். இந்த இழப்பீட்டுத் தொகை பாதிக்கப்பட்டதாகக் கூறப்படும் மற்றும் அவரது குடும்ப உறுப்பினர்களுக்கு செலுத்தப்பட வேண்டும்.
சந்தோஷ் என்ற இந்த குற்றம் சாட்டப்பட்ட நபர் விஷயத்தில், பாலியல் பலாத்காரம் (Rape case) செய்யப்பட்டதாக குற்றம் சாட்டப்பட்ட பெண்ணிற்கு பிறந்த குழந்தையின் டி.என்.ஏ (DNA), சந்தோஷின் டி.என்.ஏ உடன் பொருந்தவில்லை என்பது பரிசோதனையில் வெளிப்பட்டது. பின்னர் பொய்யான குற்றச்சாட்டை முன்வைத்த பெண்ணிற்கு எதிராக இழப்பீடு கோரி சந்தோஷ் வழக்கு தொடர்ந்தார். தவறான கற்பழிப்பு குற்றச்சாட்டுகள் அவரது வாழ்க்கையை பாழ்படுத்தியதாக சந்தோஷ் கூறினார்.
அவரது மனுவை ஏற்றுக் கொண்ட நீதிமன்றம், குற்றம் சாட்டப்பட்ட பெண் மற்றும் அவரது பெற்றோர், சந்தோஷுக்கு ரூ.15 லட்சம் இழப்பீடு வழங்க வேண்டும் சென்னை நீதிமன்றம் (Court) உத்தரவிட்டது.
சந்தோஷ் மற்றும் வழக்கை தொடுத்த பெண்ணிற்கு இடையில் திருமணம் செய்து வைக்க இரு குடும்பங்களுக்கும் இடையே உடன்பாடு ஏற்பட்டது. இருப்பினும், பின்னர் இரு குடும்பங்களுக்கிடையில் சொத்து தகராறு ஏற்பட்டது. இதன் பின்னர், சந்தோஷும் அவரது குடும்பத்தினரும் சென்னையில் (Chennai) வேறொரு இடத்திற்கு மாறினர்.
சந்தோஷ் ஒரு பொறியியல் கல்லூரியில் பி.டெக் படிக்கத் தொடங்கினார். பின்னர் ஒரு நாள் சம்பந்தப்பட்ட பெண்ணின் தாய் சந்தோஷின் வீட்டை அடைந்து சந்தோஷின் பெற்றோரிடம் தனது பெண்ணை பாலியல் பலாத்காரம் செய்து கர்ப்பமாக்கியதாக குற்றம் சாட்டினார். சந்தோஷின் குடும்பத்தினர் இவர்களுக்கு திருமணம் செய்து வைக்க வேண்டும் என பெண்ணின் குடும்பத்தினர் கோரினர்.
ALSO READ | அத்தை- மாமா மகன்-மகளை திருமணம் செய்வது சட்ட விரோதம்.. எங்கே தெரியுமா...!!!
சந்தோஷ் திருமணம் செய்ய மறுத்தபோது, பெண்ணின் குடும்பத்தினர் அவர் மீது கற்பழிப்பு வழக்கு பதிவு செய்தனர். அவர் கைது செய்யப்பட்டு 95 நாட்கள் நீதிமன்றக் காவலில் வைக்கப்பட்டார். பிப்ரவரி 12, 2010 அன்று, அவர் ஜாமீனில் வெளியே வந்தார்.
அதற்குள், பாதிக்கப்பட்ட பெண் ஒரு பெண் குழந்தையைப் பெற்றெடுத்ததாகக் கூறப்படுகிறது. சந்தோஷின் கோரிக்கையின் பேரில் சிறுமியின் டி.என்.ஏ பரிசோதிக்கப்பட்டபோது, சந்தோஷ் குழந்தையின் தந்தை அல்ல என்பது நிரூபிக்கப்பட்டது. இறுதியாக, சென்னையில் உள்ள ஒரு பெண்களுக்கான நீதிமன்றம் கற்பழிப்பு குற்றச்சாட்டில் சந்தோஷை பிப்ரவரி 10, 2016 அன்று விடுவித்தது.
ஆனால், இதனால், தனது தொழில் வாழ்க்கை, பணி அனைத்திலும் பெரும் பாதிப்பு ஏற்பட்டதை கூறி, அவர் இழப்பீடு கேட்டு வழக்கு தொடர்ந்தார்.
ALSO READ | 12 வயது சிறுமிக்கு ஏற்பட்டுள்ள தண்ணீர் அலர்ஜி.. குளித்தாலே இறந்து விடும் அபாயம்..!!!
தேசம், சர்வதேசம், கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
