முன்னாள் முதல்வர் ஜெயலலிதாவின் 75ஆவது பிறந்தநாளை முன்னிட்டும், அதிமுகவின் 51ஆவது பொன்விழா ஆண்டை முன்னிட்டு 51 ஏழை எளிய ஜோடிகளுக்கு சமத்துவ சமுதாய திருமணமாக அம்மா பேரவை செயலாளர் ஆர்பி.உதயகுமார் ஏற்பாட்டில் இன்று நடைபெற்றது. இந்த விழாவில் 51 ஜோடிகளில் முன்னாள் அமைச்சர் ஆர்.பி.உதயாகுமரின் மகளும் ஒருவராவர்.
தாலி எடுத்து கொடுத்த இபிஎஸ்
மதுரை மாவட்டம் திருமங்கலம் அருகே T.குன்னத்தூர் அம்மா கோவில் சுமார் 150 ஏக்கர் பரப்பளவில் பிரம்மாண்ட திருமண மேடை, மொய் எழுதுமிடம்., உணவு அருந்துமிடம் என அமைக்கப்பட்டது. இந்த விழாவிற்கு சேலத்தில் இருந்து சாலைமார்க்கமாக முன்னாள் முதல்வர் எடப்பாடி பழனிச்சாமி வருகை தந்தார். T.குன்னத்தூரில் உள்ள அம்மா கோவிலுக்கு காலைா 10.30 மணிக்கு வருகை தந்த இபிஎஸ், மறைந்த முன்னாள் முதலமைச்சர்கள் எம்ஜிஆர், ஜெயலலிதாவின் வெண்கல சிலைகளுக்கு மாலை அணிவித்து 51 ஜோடிகளுக்கு தனது கரங்களிலேயே தாலி எடுத்துக்கொடுத்து திருமணத்தை தலைமையேற்று நடத்தி வைத்தார்.
அவருடன் முன்னாள் அமைச்சர்கள் கடம்பூர் ராஜு, செல்லூர் ராஜு, மூத்த நிர்வாகி ராஜன் செல்லப்பா, மாவட்ட செயலாளர்கள், அதிமுக அவை தலைவர் தமிழ்மகன் உசேன் உள்ளிட்ட முக்கிய நிர்வாகிகள் ஏராளமானவர் கலந்து கொண்டனர். இந்த திருமண நிகழ்வில் குறைந்தபட்சம் 50 ஆயிரம் பேர் கலந்து கொள்வதற்கான ஏற்பாடுகள் செய்யப்பட்டது. உணவு அருந்துவதற்கு 6 இடங்களில் அமைக்கப்பட்டு தொடர்ந்து காலை 7.00 மணி முதல் பந்தி பரிமாறப்பட்டது.
மொய் கொடுக்கவும் டெக்னாலஜி!
அதே போல் மொய்-டெக் என்ற பெயரில் 102 கணினி, பணம் என்னும் இயந்திரத்துடன் மொய் எழுதும் பணியில் பணியாளர்கள் ஈடுபட்டுள்ளனர். ஆயிரத்திற்கு மேற்பட்ட சுற்றுவட்டார கிராம பொதுமக்கள், தொண்டர்கள், நிர்வாகிகள் என ஏராளமானோர் பங்கேற்று இந்த திருமண விழா நடைபெற்றது. 51 புதிய ஜோடிகளும் கல்யாண சீர்வரிசையாக 1 லட்சம் மதிப்பிலான கட்டில், பீரோ, பாத்திரங்கள் ஆகியவற்றை பெற்றனர்.
தூக்கமே வரவில்லை
திருமண நிகழ்ச்சியில் கலந்து கொண்ட எடப்பாடி பழனிச்சாமி மேடையில் பேசிய போது,"இன்றைக்கு அதிமுகவின் 51ஆவது பொன்விழாவை முன்னிட்டு, அதிமுகவின் அம்மா பேரவை சார்பில் சமத்துவ சமுதாய திருமணவிழா நடைபெறுகிறது. தீர்ப்பு வருவதை முன்னிட்டு நான் நேற்று கலங்கி போயிருந்தேன், அச்சத்துடன் இருந்தேன். தீர்ப்பு எவ்வாறு வரும் என்பதை எண்ணி இரவு முழுவதும் எனக்கு தூக்கம் வரவில்லை. நல்ல தீர்ப்பு கிடைக்க வேண்டும் என்று நினைத்திருந்தேன்.
ஆனால் இன்றைக்கு அம்மா கோவிலில் வேண்டிக்கொண்ட சில நிமிடத்திலேயே நல்ல தீர்ப்பு உச்ச நீதிமன்றம் வழங்கியிருக்கிறது. அம்மாவின் ஆன்மாவாக அம்மா கோவிலில், நம் தலைவர்கள் உண்மையான தெய்வமாக குடிக்கொண்டுள்ளனர்.
தெய்வ சக்தி உள்ள அம்மா கோவில்!
தொடர்ந்து., இதுவரை எங்களை வைத்து லாபம் பாத்த ஊடகங்கள் அனைவரும் இனிமேலாவது நாட்டுமக்களுக்கு நல்ல செய்திகளை வழங்குங்கள். அதிமுகவை பொறுத்தவரை, நல்லது செய்கின்ற இயக்கம். அதிமுகவை அடக்க முடக்க நினைத்த எட்டப்பர்கள்; திமுகவிற்கு 'பி'-டீமாக இருந்தவர்கள் முகத்திரை தற்போது உச்ச நீதிமன்றத்தின் தீர்ப்பின் மூலம் கிழிக்கப்பட்டுள்ளது. இனிமேல் அதிமுக இயக்கம் தொண்டர்களின் தலைமையின்கீழ் இயங்கும். அதிமுக மக்களுக்காக உழைக்கும் இயக்கம். ஒரு குடும்பத்திற்காக உழைக்கும் இயக்கமல்ல, ஊடகங்கள் அதிமுகவிற்கு துணை நிற்க வேண்டும்.
தெய்வ சக்தி உள்ள கோவில் அம்மா கோவில்! தீர்ப்பின் மூலம் தெய்வ சக்தி உள்ள கோவில் என உறுதி செய்யப்படுகிறது. தேர்தல் விதிமுறைகளுக்கு புறம்பாக இன்றைக்கு திமுக மக்களை அடைத்து வைத்தது ஜனநாயக துரோகம் செய்து வருகிறது.
திருமங்கலத்தில் இருந்து...
திருமங்கலம் ஃபார்முலா நடைபெற்ற இடத்தில் இருந்து பேசுகிறேன். ஈரோடு கிழக்கு சட்டப்பேரவை இடைத்தேர்தலில் தமிழ்நாடு மட்டுமல்லாது இந்தியாவிலேயே யாரும் செய்யாததை திமுக அரசு செய்துள்ளது. வாக்காளரான மக்களை அடைத்து வைத்துள்ளது. ஒன்றரை கோடி அதிமுக தொண்டர்களுக்கு இன்று உச்ச நீதிமன்ற தீர்ப்பின் மூலம் உயிரூட்டப்பட்டுள்ளது. இன்றைய ஆட்சியாளர்கள் அதிமுக தொண்டர்கள் மீது பொய்யான வழக்குகளை பதிவு செய்கிறார்கள். எத்தனை வழக்குகள் பதிவு செய்தாலும் அதிமுகவின் வீரத்தை ஒன்றும் செய்ய முடியாது. அதிமுகவின் தொண்டர்கள் சொந்த காலில் நிற்கிறார்கள்.
சித்ரவதைக்குள்ளாகும் வாக்காளர்கள்!
அதிமுகவை வீழ்த்த வேண்டுமென ஸ்டாலின் எத்தனையோ முறை அவதாரம் எடுத்தார். அனைத்தும் அதிமுக தொண்டர்களால் நிறுத்தப்பட்டது. மாநில, மத்திய தேர்தல் ஆணையத்திடமும், மாவட்ட ஆட்சியரிடமும் புகார் அளிக்கப்பட்டது யாரும் எதுவும் தடுக்கவில்லை. இது ஜனநாயக படுகொலை மக்கள் விரோத செயல்.
ஆடுகளை அடைத்து வைப்பது போல் வாக்காளர்கள் அடைக்க வைத்து அவர்களுக்கு தேவையானதை அனைத்தும் செய்து கொடுத்து வாக்கு சேகரிக்காதீர்கள். வாக்காளர்கள் திமுகவிற்கு ஓட்டு போட மாட்டார்கள் என்பதால் தான் இவ்வாறு செய்கிறார்கள். வாக்காளர்கள்தான் நீதிபதிகள், நாங்கள் அவர்களை நம்புகிறோம். ஆறு மணி நேரத்துக்கு மேலாக ஒரே இடத்தில் வாக்காளர்களை அடைத்து வைத்து சித்தரவதை செய்கிறார்கள்" என பேசினார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
