AP Rains: ముంచుకొస్తోన్న తుఫాను ముప్పు.. 2 రోజులు దంచుడే..

AP Rains: తెలంగాణ, ఆంధ్ర ప్రదేశ్ లను వర్షాలు వీడటం లేదు. ఒకదాని వెంట మరొకటి అల్ప పీడనాలు ఏర్పడటంతో వర్షాలు కురుస్తున్నాయి. తాజాగా బంగాళాఖాతంలో అల్ప పీడనం కొనసాగుతోంది. అది తీవ్ర అల్ప పీడనం మారి వాయువ్య దిశగా కదులుతూ తమిళనాడు వైపు దూసుకువస్తుంది.

AP Rains:బంగాళాఖాతంలో ఏర్పడిన అల్పపీడనం కోస్తా తీరం వైపు దూసుకొస్తుంది. ఇది తీవ్ర అల్పపీడనంగా మారి బలపడింది. దీంతో  రాబోయే 24 గంటల్లో ఇది వాయవ్య దిశగా కదులుతూ ఉత్తర తమిళనాడు, దక్షిణ కోస్తా తీరాల వైపు వెళ్లే అవకాశం వుందని ఆంధ్ర ప్రదేశ్  వాతావరణ కేంద్రం తెలిపింది.  తర్వాత కోస్తా తీరం వెంబడి కదలనుంది. దీని ప్రభావంతో రానున్న రెండు రోజులు ఆంధ్ర ప్రదేశ్, తమిళనాడు రాష్ట్రాల్లో భారీ వర్షాలు కురిసే అవకాశముందని భారత వాతావరణ కేంద్రం తెలిపింది.  

Add Zee News as a Preferred Source

ఈ రోజు గురువారం విజయనగరం, కాకినాడ, విశాఖపట్నం, అనకాపల్లి  జిల్లాల్లో భారీ నుంచి అతి భారీ వర్షాలు కురిసే అవకాశం ఉంది.  శ్రీకాకుళం, అల్లూరి సీతారామరాజు, డా.బీఆర్‌ అంబేడ్కర్‌ కోనసీమ, శ్రీపొట్టి శ్రీరాములు నెల్లూరు, తిరుపతి జిల్లాల్లో భారీ నుంచి అతి  భారీ వర్షాలు కురిసే అవకాశాలున్నట్టు తెలుస్తుంది.  రేపు అంటే శుక్రవారం శ్రీకాకుళం, పార్వతీపురం మన్యం, విజయనగరం జిల్లాల్లో భారీ వర్షాలు కురిసే అవకాశం ఉందని తెలిపింది.

ఇక మిగిలిన ప్రాంతాల్లో తేలికపాటి నుంచి ఓ మోస్తరు వర్షాలు పడతాయని వాతావరణ శాఖ  నిపుణులు చెబుతున్నారు. తీవ్ర అల్పపీడనం ప్రభావంతో తీరం వెంబడి గంటకు గరిష్ఠంగా 55 కి.మీ. వేగంతో గాలులు వీస్తాయని విశాఖ వాతావరణ కేంద్రం పేర్కొంది. సముద్రం అలజడిగా మారిన నేపథ్యంలో ఆదివారం వరకు మత్స్యకారులు వేటకు వెళ్లొద్దని అధికారులు హెచ్చరించారు. 
ఇదీ చదవండి: వెంకటేష్ భార్య నీరజా రెడ్డి గురించి ఎవరికీ తెలియని షాకింగ్ నిజాలు..

ఇదీ చదవండి: పెళ్లి తర్వాత భారీగా పెరిగిన శోభిత ఆస్తులు.. ఎవరి ఎక్స్ పెక్ట్ చేయరు..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.