First phase panchayat elections 2021: ఆంధ్రప్రదేశ్ లో తొలిదశ పంచాయితీ పోరు ముగిసింది. అధికార పార్టీ హవా స్పష్టంగా కన్పించింది. తొలిదశలో 82 శాతం పంచాయితీల్లో వైసీపీ మద్దతుదారులే విజయం సాధించారు. ఓటర్లకు మంత్రి బొత్స సత్యనారాయణ కృతజ్ఞతలు తెలిపారు.
ప్రభుత్వ సంక్షేమ పథకాలకు ( Welfare schemes ) గ్రామీణ ప్రజలు పట్టం కట్టారని..అందుకు నిదర్శనమే పంచాయితీ ఎన్నికలని ఆంధ్రప్రదేశ్ మంత్రి బొత్స సత్యనారాయణ వెల్లడించారు. తొలిదశ పంచాయితీ ఎన్నిక ( First phase panchayat elections )ల్లో 82 శాతం వరకూ వైఎస్సార్ కాంగ్రెస్ పార్టీ బలపర్చిన అభ్యర్దులే విజయం సాధించారని ఆయన చెప్పారు. తొలిదశలో జరిగిన 2 వేల 637 పంచాయితీ ఎన్నికల్లో దాదాపు 2 వేల పంచాయితీలను వైసీపీ సానుభూతిపరులు కైవసం చేసుకున్నట్టు మంత్రి బొత్స సత్యనారాయణ ( Minister Botsa Satyanarayana ) తెలిపారు. ఈ సందర్భంగా ఓట్లేసి గెలిపించిన ఓటర్లకు ఆయన కృతజ్ఞతలు తెలిపారు. తాడేపల్లిగూడెంలో జరిగిన మీడియా సమావేశంలో ఆయన మాట్లాడారు.
ఈ సందర్బంగా తెలుగుదేశం పార్టీ అధినేత చంద్రబాబు నాయుడు ( Chandrababu naidu )పై ఆయన మండిపడ్డారు. చంద్రబాబు నోరు విప్పితే చాలు అన్నీ అబద్దాలేనని ఆగ్రహం వ్యక్తం చేశారు. చంద్రబాబు చెప్పేదంతా అంకెల గారడీ తప్ప మరేదీ కాదన్నారు. దేశంలో ఎక్కడా లేని విధంగా వాలంటీర్ వ్యవస్థ ( Volunteer system ) తీసుకొస్తే..ఆ వ్యవస్థను నిర్వీర్యం చేసేందుకు కుట్ర పన్నుతున్నారన్నారు. సేవా దృక్ఫథంతో పనిచేసేవారికి 5 వేల గౌరవ వేతనం ఇస్తామని ముఖ్యమంత్రి జగన్ ( Ap cm ys jagan ) ముందే చెప్పారన్నారు. ప్రతి ఇంటికీ మేలు చేయాలనే ఉద్దేశ్యంతో వాలంటీర్ వ్యవస్థను తీసుకొచ్చినట్టు మంత్రి చెప్పారు. సమాజంలో వాలంటీర్లకు మంచి గౌరవముందని..దాన్ని పాడుచేసుకోవద్దని సూచించారు. ఎవరో చెప్పిన మాటలు విని పక్కదారి పట్టవద్దని వాలంటీర్లకు విజ్ఞప్తి చేశారు.
Also read: Supreme court: ఏపీ ప్రభుత్వానికి ఊరట, జస్టిస్ రాకేశ్ కుమార్ ఆదేశాలపై స్టే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee Hindustan App డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
