Dog Bites 2 Months Old Infant Baby: చిన్న పిల్లలు ఉన్న తల్లిదండ్రులు తమ పిల్లల పట్ల, తమ చుట్టూ ఉన్న పరిసరాల పట్ల ఎంత శ్రద్ధ వహించాలి, ఎంత జాగ్రత్తగా ఉండాలి అని చాటి చెప్పే ఘటన ఇది. చిన్నారుల తల్లిదండ్రులు ఏ మాత్రం నిర్లక్ష్యం వహించినా ఎంత భారీ మూల్యం చెల్లించుకోవాల్సి వస్తుందా చాటిచెప్పిన ఘటన ఇది.
ఓ పిచ్చి కుక్క ఇంట్లోకి చొరబడి బీభత్సం సృష్టించింది. ఇంట్లో ఉన్న రెండు నెలల చిన్నారిపై దాడి చేసి తీవ్రంగా గాయపరిచింది. ఈ సంఘటన కామారెడ్డి జిల్లా మాచారెడ్డి మండలం అంకిరెడ్డిపల్లి తండా గ్రామ పంచాయతీ పరిధిలోని గుంటి తండాలో చోటుచేసుకుంది. గాయపడిన 2 నెలల చిన్నారిని కరీంనగర్ జిల్లా కేంద్రంలోని ఓ ప్రైవేట్ ఆస్పత్రికి తరలించారు. గుంటి తాండాకు చెందిన సురేష్, జ్యోతిల దంపతులు వ్యవసాయం చేసుకుని కుటుంబాన్ని పోషించుకుంటున్నారు. వారు తమ రెండు నెలల కుమారుడితో పెంకుటి ఇంట్లో నిద్రిస్తుండగా ఇంట్లోకి పిచ్చికుక్క చొరబడి బీభత్సం సృష్టించింది.
ఇంట్లోకి చొరబడిన పిచ్చి కుక్క ఆ ఇంట్లో స్వైర విహారం చేసింది. 2 నెలల చిన్నారి ముఖంపై పిచ్చికుక్క కరిచింది. కుక్క దాడిలో తీవ్రంగా తీవ్ర గాయాలై రక్తమోడుతున్న చిన్నారిని తల్లిదండ్రులు హుటాహటిన కరీంనగర్ లోని ఓ ప్రైవేట్ ఆసుపత్రికి తీసుకువెళ్లారు.
ఇది కూడా చదవండి : Fake Death Certificates: అసలు వ్యక్తికే తెలియకుండా ఫేక్ డెత్ సర్టిఫికెట్
చిన్నారి ముఖంపై పిచ్చికుక్క దాడి చేసి విచక్షణారహితంగా కరవడంతో కుక్క కాట్లకు చికిత్స చేేసే క్రమంలో ఆ చిన్నారికి వైద్యులు 50కి పైగా కుట్లు వేశారు. ఇంకా 21 రోజులు ఆస్పత్రిలో ఉండాలని సుమారు 10 లక్షల వరకు ఖర్చు అవుతుందని వైద్యులు తెలిపినట్లు చిన్నారి తల్లిదండ్రులు తెలిపారు. తాము అంతా భరించలేమని బోరుమంటున్న ఆ తల్లిదండ్రులు.. ఆర్థిక సహాయం అందించాలని ప్రభుత్వాన్ని, దాతలను వేడుకుంటున్నారు.
ఇది కూడా చదవండి : School Headmaster Slept Naked: క్లాస్‌రూమ్‌లో నగ్నంగా హెడ్‌మాస్టర్.. వీడియో వైరల్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
