Allu Arjun Good Heart: మా బన్నీ బంగారం.. ఆ అమ్మాయికే కాదు.. డ్రైవర్ కు కూడా మరచిపోలేని సహాయం!

Allu Arjun Good Heart : అల్లు అర్జున్ చేసిన రెండు మంచి పనులు ఇప్పుడు సోషల్ మీడియాలో హాట్ టాపిక్ గా మారింది. ఆయన కేరళలో ఒక అమ్మాయికి సహాయం చేయగా ఇప్పుడు తన డ్రైవర్ కు కూడా సహాయం చేసినట్టు తెలుస్తోంది. ఆ వివరాలు

Allu Arjun Good Heart Came into light: సాధారణంగా తెలుగు సినిమా హీరోలు ఒక్క రూపాయి సహాయం చేస్తే దాన్ని తెలుగు మీడియా పెద్ద ఎత్తున హైలైట్ చేస్తూ ఉంటుంది. ఆయా సినీ హీరోల పీఆర్ టీమ్స్ కూడా ఈ విషయాన్ని హైలెట్ చేయడానికి చూస్తూ ఉంటాయి. కానీ ఇటీవల అల్లు అర్జున్ చేసిన ఒక పని మాత్రం హాట్ టాపిక్ గా మారింది. ఈ విషయాన్ని అల్లు అర్జున్ టీం కానీ అల్లు అర్జున్ ఫ్యాన్స్ కానీ ఎక్కడా బయట పెట్టలేదు. ఎందుకంటే వారికి కూడా ఈ విషయం తెలుసో లేదో అంత గుప్తంగా దానం చేసిన ఒక విషయాన్ని జిల్లా కలెక్టర్ సోషల్ మీడియాలో షేర్ చేయడంతో ఆ విషయం ఒక్కసారిగా హాట్ టాపిక్ గా మారింది.

అల్లు అర్జున్ కి కేరళలో భారీ ఫాలోయింగ్ ఉన్న సంగతి తెలిసిందే. అక్కడ ఆయనని అందరూ మల్లు అర్జున్ అని పిలుచుకుంటూ ఉంటారు. అయితే ఇటీవల అల్లు అర్జున్ ఒక నర్సింగ్ స్టూడెంట్ నాలుగేళ్ల విద్యా ఖర్చులన్నీ తాను భరిస్తానని మాట ఇచ్చాడట. ఆమె కుటుంబ పరిస్థితి ఆర్థికపరంగా చాలా ఇబ్బంది కరంగా విషయం కావడంతో ఈ విషయాన్ని అల్లు అర్జున్ దృష్టికి తీసుకు వెళ్లడంతో ఆయన వెంటనే ఈ మేరకు హామీ ఇచ్చారంట. ఈ విషయాన్ని కేరళలోని అల్లపుజా కలెక్టర్ తన ఫేస్బుక్ ద్వారా వెల్లడించారు. అల్లపుజా నుంచి ఒక అమ్మాయి నా దగ్గరికి వచ్చింది, ఆమెకు ఇంటర్మీడియట్లో 92% వచ్చింది.

కానీ ఆమె కుటుంబ ఆర్థిక పరిస్థితి రీత్యా చదువు పూర్తి చేయలేకపోతోంది, కరోనా రీత్యా ఆమె తండ్రి చనిపోవడంతో ఆమె చదువుకోలేక పోతున్నాను అనే విషయాన్ని నా దృష్టికి తీసుకు వచ్చింది, నేను స్పాన్సర్స్ కోసం వెతుకుతూ అల్లు అర్జున్ దృష్టికి కూడా ఈ విషయాన్ని తీసుకువెళ్లడంతో ఆయన వెంటనే ఎలాంటి రెండో మాట లేకుండా ఆమెను చదివించేందుకు ముందుకు వచ్చాడని పేర్కొన్నారు. ఈ విషయాన్ని బన్నీ టీం కానీ ఆయన పీఆర్ టీం కానీ ఎక్కడా వెల్లడించలేదు. అల్లపుజ జిల్లా కలెక్టర్ వి ఆర్ కృష్ణ తేజ తెలుగు వ్యక్తి ఆయనకు అల్లు అర్జున్తో స్వయంగా పరిచయం ఉండడంతో ఈ విషయాన్ని ఆయన అల్లు అర్జున్ వరకు తీసుకువెళ్లాడట.

నాలుగేళ్ల పాటు ఆమె చదువు ఖర్చులే కాదు హాస్టల్ ఖర్చులు కూడా తానే భరిస్తానని అల్లు అర్జున్ మాటే ఇవ్వడంతో వెంటనే మరుసటి రోజు ఆమెను తీసుకెళ్లి అడ్మిషన్ ఇప్పించానని ఆయన తన అఫీషియల్ ఫేస్బుక్ అకౌంట్ వేదికగా ప్రకటించారు. ఇక మరో విషయం కూడా అల్లు అర్జున్ గురించి ఇప్పుడు హాట్ టాపిక్ అయింది. అదేమిటంటే అల్లు అర్జున్ వద్ద గత పదేళ్లుగా మహిపాల్ అనే వ్యక్తి డ్రైవర్గా పని చేస్తున్నాడు.

వరంగల్ జిల్లాకు చెందిన మహిపాల్ ఇప్పుడు హైదరాబాదులో బోరబండ ప్రాంతంలో ఇల్లు కట్టుకుంటున్నాడు. విషయం తెలుసుకున్న అల్లు అర్జున్ తన దగ్గర పదేళ్లుగా నమ్మకంగా పనిచేస్తున్న మహిపాల్ ఇంటి ఖర్చు నిమిత్తం 15 లక్షల రూపాయలు గిఫ్ట్ గా అందించారట. ఈ విషయం కూడా ఇప్పుడు సోషల్ మీడియాలో హాట్ టాపిక్ గా మారింది. ఈ విషయాన్ని కూడా బన్నీ పీఆర్ టీమ్ బయట పెట్టలేదు కానీ ఎలాగో బయటకు రావడంతో పెద్ద ఎత్తున చర్చనీయాంశమైంది. మా బన్నీ బంగారం అంటూ బన్నీ ఫాన్స్ కామెంట్లు చేస్తున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.