Demonte Colony 2 OTT Streaming: రీసెంట్ గా తెలుగు, తమిళ ప్రేక్షకులను మెప్పించి బ్లాక్ బస్టర్ విజ‌యం సాధించిన ‘డీమాంటే కాలనీ 2’ త్వరలో జీ5 ఓటీటీ వేదికగా ప్రేక్షకుల ముందుకు రాబోతుంది.‘డీమాంటే కాలనీ’ మూవీకి సీక్వెల్ గా తెరకెక్కిన ఈ సినిమా ప్రేక్షకులను మెప్పించింది. తాజాగా ఈ సినిమా ఈ నెల 2 నుంచి ZEE5 ఓటీటీ వేదికగా స్ట్రీమింగ్ కు రానుంది. స‌క్సెస్‌ఫుల్ డైరెక్ట‌ర్ అజ‌య్ జ్ఞాన‌ముత్తు ఈ చిత్రాన్ డైరెక్ట్ చేసారు. అరుల్‌నిధి, ప్రియా భ‌వానీ శంకర్ అద్భుత‌మైన న‌ట‌న‌తో సీట్ ఎడ్జ్‌లో ఆడియన్స్ ను కూర్చోపెట్టారు. తమిళ్ సినీ హిస్ట‌రీలో ఫ్రాంచైజీగా మూవీగా రూపొందిన ‘డీమాంటే కాలనీ2’ రూ.55 కోట్ల గ్రాస్ క‌లెక్ష‌న్స్‌ను కలెక్ట్ చేసింది. ఆడియన్స్ ను భ‌యానికి గురి చేసిన లార్డ్ డీమాంట్, సెప్టెంబ‌ర్ 27న ప్రేక్షకుల ముందుకు రాబోతున్నారు.
‘డీమాంటే కాలనీ 2’ మూవీ థియేటర్స్ లో చూస్తోన్న వారి వెన్నులో వణుకు పుట్టించింది. శాపానికి గురైన ఓ బంగారు గొలుసును దొంగ‌లించ‌టానికి కొంత‌మంది స్నేహితులు ప్ర‌య‌త్నిస్తారు. దాంతో ఎక్కడో సోదిలోని భ‌యంక‌ర‌మైన ఆత్మ మేల్కొంటుంది. ఆ దుష్ట ఆత్మ ప్ర‌తీకార చ‌ర్య నుంచి త‌మ దోస్తులను కాపాడుకోవ‌టానికి కొంత‌మంది ధైర్య‌వంతులైన మిత్రులు ఏకం అవుతారు. ఘ‌న విజ‌యం సాధించిన ‘డీమాంటే కాలనీ’కి కొన‌సాగింపుగా ఈ చిత్రాన్ని ‘డీమాంటే కాలనీ 2’ మూవీ తెరకెక్కింది. గత చిత్రాన్ని తలదన్నేలా ఈ సినిమా ప్రేక్షకులను సీట్లలో కదలనీయదు. అంతేకాదు ‘డీమాంటీ కాలనీ 2’ తొలి భాగం కంటే హార్రర్ గా భయానకమైన సీన్స్ తో ప్రేక్షకులను కొత్త ఎక్స్ పీరియన్స్ ఇవ్వడం పక్కా అని చెప్పొచ్చు. .
ఈ సందర్భంగా ZEE5 చీఫ్ బిజినెస్ ఆఫీస‌ర్ మ‌నీష్ క‌ల్రా మాట్లాడుతూ ‘‘సౌత్ ఇండియ‌న్ కంటెంట్‌కు ZEE5లో మంచి ప్రేక్షకాదరణ పొందుతుంది. ఈ క్ర‌మంలో ‘డీమాంటే కాలనీ 2’ వంటి హారర్ మూవీని వరల్డ్ వైడ్ గా ఉన్న ప్రేక్షకులకు అందిస్తున్నట్టు తెలిపారు. ఫస్ల్ పార్ట్ కంటే డీమాంటే కాలనీ 2 వైవిధ్య‌మైన కథ, కథనాలు, హారర్ ఎలిమెంట్స్‌తో ఈ చిత్రం ప్రేక్షకులను మెప్పించడం ఖాయం అన్నారు. దక్షిణాది కంటెంట్‌కు ఆద‌ర‌ణ పెరుగుతోన్న క్ర‌మంలో ZEE5 ప్రేక్షకులకు హారర్ చిత్రం డీమాంటే కాలనీ2 చిత్రాన్ని అందించ‌టం హ్యాపీగా ఉందన్నారు. ఈ చితర్ం త‌ప్ప‌కుండా ప్రేక్షకులను మెప్పిస్తుందనే న‌మ్మ‌కం వ్యక్తం చేసారు.
చిత్ర ద‌ర్శ‌కుడు ఆర్.అజ‌య్ జ్ఞాన‌ముత్తు మాట్లాడుతూ.. థియేట‌ర్స్‌లో బ్లాక్ బస్టర్ గా నిలిచిన ఈ సినిమా ఇపుడు ఓటీటీ ఆడియన్స్ ను కూడా మెప్పిస్తుందనే ఆశాభావం వ్యక్తం చేశారు. జీ5లో ఈ సినిమా ఎక్కువ మంది ప్రేక్షకులకు చేరువ అవుతుందనే ఆశా భావం వ్యక్తం చేశారు.
న‌టుడు అరుల్‌నిధి మాట్లాడుతూ ‘డీమాంటే కాలనీ 2’ చిత్రంతో ఆడియన్స్ మెప్పు పొందటం సంతోషాన్ని ఇచ్చే విషయమన్నారు. ఈ చిత్రంలో రెండు పాత్రల్లో నటించిన విషయాన్ని గుర్తు చేశారు. శ్రీని అనే క్యారెక్ట‌ర్‌కు పూర్తి భిన్నంగా ఉండే ర‌ఘు అనే పాత్ర‌లో న‌టించడం గ్రేట్ ఎక్స్ పీరియన్స్ అన్నారు. నా క్యారెక్టర్, నా నటన ప‌ట్ల ప్రేక్షకుల నుంచి పాజిటివ్ ఫీడ్ బ్యాక్ వ‌చ్చిన విషయాన్ని ప్రస్తావించారు.
ZEE5 గురించి...
జీ ZEE5 భార‌త దేశ‌పు యంగ‌స్ట్ ఓటీటీ ప్లాట్‌ఫార్మ్. మల్టీ లింగ్వుల్ స్టోరీటెల్ల‌ర్‌గా ప్ర‌సిద్ధి పొందిందన్నారు. మిలియ‌న్ల కొద్దీ అభిమానుల‌ను సొంతం చేసుకుంది. గ్లోబ‌ల్ కంటెంట్ ప‌వ‌ర్ హౌస్ జీ ఎంట‌ర్‌టైన్‌మెంట్ ఎంట‌ర్‌ప్రైజెస్ లిమిటెడ్ (జీఎల్‌) నుంచి శాఖ‌గా మొద‌లైంది జీ5. అత్య‌ద్భుత‌మైన వీడియో స్ట్రీమింగ్ ప్లాట్‌ఫార్మ్ గా వరల్డ్ వైడ్ గా గుర్తింపు పొందింది. ఇందులో దాదాపు 3,500 సినిమాల లైబ్ర‌రీ ఉన్న ప్లాట్‌ఫార్మ్ ఇది. 1,750 టీవీ షోలు, 700 ఒరిజిన‌ల్స్ టీవీ సిరీస్, 5 ల‌క్ష‌ల‌కు పైగా ఆన్ డిమాండ్ కంటెంట్ జీ5 సంస్థ సొంతం. 12 భాష‌ల్లో (హిందీ, ఇంగ్లిష్‌, బెంగాలీ, మ‌ల‌యాళం, తెలుగు, తమిళ్, మ‌రాఠీ, ఒరియా, భోజ్‌పురి, గుజ‌రాతీ, పంజాబీ)లో ఇది అందుబాటులో ఉంది. బెస్ట్ ఒరిజిన‌ల్స్, ఇంట‌ర్నేష‌న‌ల్ మూవీస్, టీవీ షోస్‌, మ్యూజిక్‌, కిడ్స్ షోస్‌, ఎడ్‌టెక్‌, సినీ ప్లేస్‌, న్యూస్, లైవ్ టీవీ, హెల్త్, లైఫ్‌స్టైల్ విభాగాల్లో ఆడియన్స్ ను మెప్పిస్తూ దూసుకుపోతుంది. ఇంత గొప్ప డీప్ టెక్ స్టాక్ నుంచి ఎదిగిన ప్లాట్‌పార్మ్ కావ‌డంతో జీ5 12 భాష‌ల్లో అత్య‌ద్భుత‌మైన కంటెంట్‌ని ఆడియన్స్ కు అందించగలుగుతుంది.
ఇదీ చదవండి: పవన్ కళ్యాణ్ మూడో భార్య అన్నా లెజ్నెవా ఫ్యామిలీ బ్యాక్ గ్రౌండ్ తెలుసా..!
ఇదీ చదవండి: ‘భోళా శంకర్’సహా చిరు కెరీర్ లో రాడ్ రంబోలా మూవీస్ ఇవే..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
