DVV Danayya ABout Osacr Promotions డీవీవీ దానయ్య నిజంగానే దారిన పోయే దానయ్యలానే అయిపోయాడు. ఆర్ఆర్ఆర్ నిర్మాత అని కూడా ఎవ్వరూ గుర్తించడం లేదు. ఆర్ఆర్ఆర్ సినిమా పేరు ప్రపంచ వ్యాప్తంగా మార్మోగిపోయింది. నాటు నాటు పాటకు ఆస్కార్ అవార్డ్ కూడా వచ్చింది. కానీ ఈ మూవీని నిర్మించింది దానయ్య అని బయట ఎవ్వరికీ తెలియదు. ఆర్ఆర్ఆర్ అంటే రాజమౌళి, ఎన్టీఆర్, రామ్ చరణ్‌, కీరవాణి అన్నట్టుగానే మారిపోయింది. అయితే వీటిపై దానయ్య స్పందించాడు.
మామూలుగానే దానయ్య ముందు నుంచి కూడా ప్రమోషన్స్‌కు దూరంగా ఉంటూ వస్తున్నాడు. ఆర్ఆర్ఆర్ ప్రమోషన్స్‌లో సైతం దానయ్య ఎక్కువగా మాట్లాడేవాడు కాదు. కానీ అప్పుడప్పుడు స్టేజ్ మీదెక్కేసి మాట్లాడితే రాజమౌళి, రామ్ చరణ్‌, ఎన్టీఆర్ త్రయం మాత్రం దారుణంగా ర్యాగింగ్ చేసేవాళ్లు. కింద కూర్చుకుని నవ్వుకునే వాళ్లు. అలా దానయ్య ఎక్కడా కూడా ఎక్కువగా స్పందించింది లేదు.
ఈ ఆస్కార్ ప్రమోషన్స్ అయినా అంతకు ముందు గోల్డెన్ గ్లోబ్‌ కోసం చేసిన ప్రమోషన్స్ అయినా, జపాన్‌లో విడుదల చేసిన సమయంలో అయినా కూడా దానయ్య ఎక్కడా కనిపించలేదు. అంతా ఈ త్రయమే చేసింది. వారి వెనుక కార్తికేయ కనిపించుకుండా అంతా నడిపించాడు. కానీ దానయ్య పేరు మాత్రం ఎక్కడా కూడా వినిపించలేదు.
ఇదే విషయాన్ని దానయ్యను మీడియా అడిగితే.. ఫన్నీగా సమాధానం ఇచ్చాడు. నేను ఎప్పుడూ వెనుకే ఉంటాను.. నాకు ఫ్రంట్‌లో ఉండటం అలవాటు లేదు అని అన్నాడు. అంటే రాజమౌళికి ఫ్రంట్‌లో ఉండాలనే కోరిక ఉంటుందని సెటైరికల్‌గా అన్నాడా? అనేది తెలియడం లేదు.
మొత్తానికి నాటు నాటు పాటకు ఆస్కార్ రావడంతో అటు ఇండియన్ మూవీ హిస్టరీలో, ఇటు టాలీవుడ్‌ హిస్టరీలో మరుపురాని ఘట్టం. ఈసారి ఆస్కార్ వేడుకల్లో రెండు అవార్డులు రావడంతో భారత ఖ్యాతి మరింతగా పెరిగిందని చెప్పుకోవచ్చు.
Also Read: Oscars 2023 Live Updates: ఆస్కార్ విజేతల జాబితా, ఎవరెవరికి ఏ అవార్డులు
Also Read: Oscars 2023: తెలుగోడి సత్తాచాటిన 'నాటు నాటు'. Naatu Naatu పాటను వరించిన ఆస్కార్ అవార్డు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
