Bhimaa movie OTT Streaming: గోపీచంద్ హీరోగా నటించిన లేటెస్ట్ మూవీ 'భీమా'. ఈ సినిమాలో మ్యాచో స్టార్ మరోసారి పోలీస్ ఆఫీసర్ పాత్రలో నటించాడు. మహా శివరాత్రి కానుకగా విడుదలైన ఈ సినిమాకు డివైడ్ టాక్ తెచ్చుకుంది. హీరోగా సక్సెస్ కోసం ఎదురు చూసిన గోపిచంద్‌కు మరోసారి నిరాశే ఎదురైంది. మాస్ హీరోగా రాణిస్తోన్న గోపిచంద్‌కు వరుస ఫ్లాపులు ఈయన కెరీర్‌ను డైలామాలో పడేస్తున్నాయి. మాస్ హీరో ఇమేజ్‌తోనే గోపీచంద్‌కు వరుసగా సినిమా అవకాశాలు వస్తున్నాయి. కానీ అందుకు తగ్గట్టు సబ్జెక్ట్స్ కథలు సెలెక్ట్ చేసుకోవడంలో తడబడుతున్నాడు. 'సీటీమార్' తర్వాత ఎన్నో అంచనాల మధ్య విడుదలైన మారుతి 'పక్కా కమర్షియల్‌' మూవీ పెద్దగా ఆడలేదు. ఆ తర్వాత చేసిన 'రామబాణం' సినిమా రొటీన్ ఫ్యామిలీ డ్రామా కావడంతో ఆడియన్స్ ఈ చిత్రాన్ని రిజెక్ట్ చేశారు.రీసెంట్‌గా కన్నడ దర్శకుడు హర్ష డైరెక్షన్‌లో తనకు అచ్చొచ్చిన యాక్షన్ జానర్‌లో 'భీమా' సినిమాతో పలకరించిన పెద్దగా ప్రయోజనం లేకపోయింది.
ఇప్పటికే థియేట్రికల్ రన్ ముగిసిన ఈ సినిమా ఓటీటీ రిలీజ్ డేట్ లాక్ అయింది. ఈ సినిమాను ఏప్రిల్5న డిస్నీ హాట్ స్టార్‌లో స్ట్రీమింగ్ కానుంది. గౌతమ్ నంద తర్వాత గోపీచంద్ మరోసారి ఈ సినిమాలో డ్యూయల్ రోల్లో యాక్ట్ చేసాడు. రామాగా.. భీమా రెండు విభిన్న పాత్రల్లో ఈజ్ చూపించాడు. ఈ సినిమాలో గోపీచంద్ మాస్ పోలీస్ రోల్ కారణంగా ఈ సినిమాను ఓపెనింగ్స్ బాగానే వచ్చాయి. ఈ సినిమా ప్రపంచ వ్యాప్తంగా రూ. 7 కోట్ల షేర్ (రూ. 13 కోట్ల గ్రాస్) వసూళ్లను రాబట్టింది. మొత్తంగా రూ. 12 కోట్ల ప్రీ రిలీజ్ బిజినెస్ చేసిన ఈ సినిమా దాదాపు 57 శాతం రికవరీ సాధించింది.
అంతేకాదు చాలా రోజులు తర్వాత గోపీచంద్ 'భీమా' సినిమాలో పవర్‌ఫుల్ పోలీస్ ఆఫీసర్ పాత్రలో నటించడం ఈ సినిమాకు కలెక్షన్స్ కురిపిస్తాయనుకున్నారు. రొటిన్ యాక్షన్ డ్రామాగా ఈ సినిమా తెరకెక్కడం ఈ చిత్రానికి మైనస్‌ అని చెప్పాలి. అక్కడక్కడ ఆసక్తి గొలిపే అంశాలున్నా అవేమి ప్రేక్షకులను థియేటర్స్‌కు రప్పించడంలో సక్సెస్ కాలేకపోయారు. ఈ మూవీని శ్రీసత్యసాయి ఆర్ట్స్ పతాకంపై కేకే రాధామోహన్ నిర్మించారు. ఈ మూవీలో నాగ చైతన్య '7ధూత' ఫేమ్ ప్రియా భవానీ శంకర్ హీరోయిన్‌గా యాక్ట్ చేసింది. అంతేకాదు మాళవిక శర్మ ఇంపార్టెంట్ రోల్స్‌లో యాక్ట్ చేశారు. ఈ చిత్రానికి కేజీఎఫ్, సలార్ ఫేమ్ రవి బస్రూర్ సంగీతం అందించారు.
ఇదీ చదవండి: అంగరంగ వైభవంగా బర్రెలక్క రెండో వివాహం.. తరలివచ్చిన సోషల్ మీడియా అతిథులు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
