Manoj Desai Says Sorry to Vijay Devarakonda: దర్శకుడు పూరి జగన్నాథ్ డైరెక్షన్లో విజయ్ దేవరకొండ హీరోగా లైగర్ సినిమా విడుదలైన సంగతి తెలిసిందే. ఆగస్టు 25వ తేదీన విడుదలైన ఈ సినిమా మొదటి ఆట నుంచి డివైడ్ టాక్ తెచ్చుకుంది. అయితే ఈ సినిమా మీద చాలా ఆశలు పెట్టుకున్న పూరీ జగన్నాథ్- విజయ్ దేవరకొండ సినిమాకు రిలీజ్ కు నెలరోజులు ముందు నుంచే దేశ వ్యాప్తంగా ప్రమోషన్స్ పేరుతో 17 నగరాలు చుట్టి రావడమే కాక తెలుగు జర్నలిస్టులకు అలాగే హిందీ జర్నలిస్టులకు అసంఖ్యాక ఇంటర్వ్యూలు కూడా ఇచ్చారు.
ఈ సమయంలో విజయ్ దేవరకొండ చేసిన కొన్ని కామెంట్లు ఆయన సినిమా చూడటానికి వచ్చే ప్రేక్షకులను కూడా రానీయకుండా చేస్తున్నాయని ముంబైకి చెందిన ఒక థియేటర్ యజమాని, ఎగ్జిబిటర్ అయిన మనోజ్ దేశాయ్, విజయ్ మాట్లాడిన మాటలను తప్పుపట్టారు. సినిమాను బాయ్ కట్ చేస్తే మేమేం చేయాలి? చేస్తే చేసుకోండి సినిమా చూడాలనుకున్న వాళ్ళు థియేటర్లకు వచ్చి చూస్తారు లేని వాళ్ళు ఓటీటీలో చూస్తారు అంటూ కామెంట్ చేశారు, మీ ప్రవర్తన వల్ల నీకు ఏమీ కాదు, మేము నష్టపోతున్నాం. నీ మాటల వల్ల అడ్వాన్స్ బుకింగ్స్ పై కూడా ఎఫెక్ట్ పడిందని అంటూ మిస్టర్ విజయ్ నువ్వు కొండవి కాదు అనకొండవి అంటూ ఆయన కామెంట్ చేశారు.
అంతేకాక తాప్సికి ఎలాంటి పరిస్థితులు ఏర్పడ్డాయో అలాంటి పరిస్థితి నీ సినిమాకి కూడా వస్తుందని లైగర్ గురించి ఎన్నో ఆశలు పెట్టుకుంటే నువ్వు నోటికొచ్చినట్టు మాట్లాడటం వల్ల చాలా నష్టపోయామని ఆయన ఇంటర్వ్యూలో పేర్కొన్నారు. అయితే తాజాగా ముంబై వెళ్లిన విజయ్ దేవరకొండ మనోజ్ దేశాయ్ తో భేటీ అయ్యారు. ఈ సందర్భంగా ఇంటర్వ్యూలో ఏ సందర్భంలో తాను మాట్లాడాల్సి వచ్చిందో వివరణ ఇచ్చాడు. విజయ్ దేవరకొండతో భేటీ అయిన తర్వాత అతని గురించి తాను చేసిన కామెంట్స్ తప్పని తెలుసుకున్న మనోజ్ దేశాయ్ విజయ్ దేవరకొండకు సారి చెప్పారు. ఆ తర్వాత ఆయన మాట్లాడుతూ విజయ్ దేవరకొండ మాట్లాడిన దాంట్లో చిన్న బిట్టు మాత్రమే నాకు ఎవరో పంపారని అది చూసి నేను కోపంతో విమర్శించానని అన్నారు.
విజయ్ కలిసి అసలేం మాట్లాడాను అనే విషయం మీద పూర్తి వీడియో చూపించాడని అతనిపై అనవసరంగా విమర్శలు చేశాను అన్న విషయం తెలుసుకుని సారీ చెప్పానని అన్నారు. ప్రస్తుతానికి లైగర్ సినిమా వసూళ్లు బాగున్నాయని ఇలాగే కష్టపడి కెరీర్ లో ఇంకా ముందుకు వెళ్లాలని కోరుకుంటున్నాను అని మనోజ్ దేశాయ్ చెప్పుకొచ్చారు. ఇక వీరిద్దరూ కలిసి ఉన్న ఒక ఫోటో సోషల్ మీడియాలో వైరల్ అవుతుంది. ఇది మా విజయ్ దేవరకొండ అంటూ అభిమానులు సోషల్ మీడియాలో ఈ ఫోటోలు షేర్ చేస్తూ ఆనందపడుతున్నారు.
Also Read: Andrea Jeremiah Nude Scene: సినిమాలో నగ్నంగా ఆండ్రియా.. అందుకే అన్ని కోట్లన్న డైరెక్టర్ మిస్కిన్
Also Read: Hero Vidyasagar Died: టాలీవుడ్ లో మరో విషాదం.. అనారోగ్యంతో హీరో మృతి
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
