Huge Amount for SSMB 28 Digital Rights: మహేష్ బాబు హీరోగా త్రివిక్రమ్ దర్శకత్వంలో ఒక సినిమా రూపొందుతున్న సంగతి తెలిసిందే. ప్రస్తుతానికి ఇంకా పేరు పెట్టని ఆ సినిమాని మహేష్ బాబు 28 అనే పేరుతో సంబోధిస్తున్నారు. సర్కారు వారి పాట లాంటి సూపర్ హిట్ తర్వాత మహేష్ బాబు నటిస్తున్న సినిమా కావడం అలా వైకుంఠపురంలో అనే బ్లాక్ బస్టర్ తర్వాత త్రివిక్రమ్ దర్శకత్వం వహిస్తున్న సినిమా కావడంతో ఈ సినిమా మీద భారీ అంచనాలు ఉన్నాయి.
నిజానికి త్రివిక్రమ్ శ్రీనివాస్ మహేష్ బాబుతో కాకుండా ఎన్టీఆర్ తో సినిమా చేయాల్సి ఉంది, కానీ ఏమనుకున్నారో ఏమో ఆ సినిమా క్యాన్సిల్ చేసుకుని మహేష్ బాబుతో సినిమా అనౌన్స్ చేయడం జరిగింది. ఇక ఈ సినిమాకి సంబంధించిన షూటింగ్ అయితే ప్రస్తుతానికి హైదరాబాద్ లో శరవేగంగా జరుగుతోంది. అయితే తాజాగా ఈ సినిమాకి సంబంధించి ఒక ఆసక్తికరమైన సమాచారం సోషల్ మీడియాలో వైరల్ అవుతుంది. అదేమిటంటే ఈ సినిమా హక్కులు నెట్ఫ్లిక్ సంస్థ కొనుక్కున్నట్టు ఇప్పటికే అధికారికంగా ప్రకటించింది.
అయితే ఇప్పుడు తాజాగా ఆ సంస్థ చెబుతున్న దాని ప్రకారం ఈ సినిమా డిజిటల్ హక్కుల కోసం నెట్లిక్ సంస్థ దాదాపు 80 కోట్ల రూపాయలు హెచ్చించినట్లుగా చెబుతున్నారు. తెలుగు సహా మిగతా భాషల్లో ఆన్లైన్లో విడుదల చేసుకునే విధంగా నెట్ఫ్లిక్ సంస్థ హక్కులు కొనుక్కున్నదని ఈ 80 కోట్లతో మహేష్ బాబు, పూజా హెగ్డే సహా మ్యూజిక్ డైరెక్టర్ తమన్ వంటి వారి రెమ్యునరేషన్లు కవర్ అయిపోయాయి అని అంటున్నారు.
ఇక ఈ సినిమాకి జరిగే థియేటర్ బిజినెస్, శాటిలైట్ అలాగే ఆడియో బిజినెస్ లతో కొంత మేర మేకింగ్ కు ఖర్చు పెట్టినా ఈ సినిమా నిర్మాతలు సేఫ్ గా ఉంటారని సోషల్ మీడియాలో టాక్ వినిపిస్తోంది. నిజానికి ఈ సినిమా తర్వాత మహేష్ బాబు రాజమౌళి దర్శకత్వంలో ఒక సినిమా చేయాల్సి ఉంది. కేఎల్ నారాయణ నిర్మాణంలో తెరకెక్కాల్సిన ఈ సినిమా మీద కూడా మహేష్ అభిమానులలో భారీ అంచనాలు ఉన్నాయి. ఇక ఈ సినిమాకు సంబంధించిన అధికారిక లాంచనాలతో వచ్చే నెలలో ప్రారంభమయ్యే అవకాశం ఉందని ప్రచారం జరుగుతుంది. ఇక ఆ విషయం మీద పూర్తి సమాచారం అయితే అందాల్సి ఉంది.
Also Read: Taraka Ratna Latest Photo From ICU: ఆసుపత్రిలో ఐసీయూ బెడ్‌పై తారకరత్న ఫోటో వైరల్!
Also Read: Nani 30 Opening: చిరు చేతుల మీదుగా నాని కొత్త సినిమా ఓపెనింగ్(ఫోటోలు)
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook
