Mangalavaram Trailer Released: ఆర్ఎక్స్100 భామ పాయల్ రాజ్‍పుత్ టైటిల్ రోల్ లో నటిస్తున్న చిత్రం మంగళవారం. అజయ్ భూపతి దర్శకత్వం వహిస్తున్న ఈ మూవీలో నందితా శ్వేత, దివ్యా పిళ్లై, అజ్మల్ అమీర్, రవీంద్ర విజయ్, కృష్ణ చైతన్య, అజయ్ ఘోశ్ తదితరులు కీలకపాత్రలు పోషించారు. హరర్ థ్రిల్లర్ జానర్‌లో తెరకెక్కుతున్న ఈ మూవీ నవంబరు 17న ఆడియెన్స్ ముందుకు రానుంది. ఈ చిత్రానికి అజ్నీశ్ లోకనాథ్ సంగీతం అందించగా.. శివేంద్ర దాశరథి సినిమాటోగ్రాఫర్ గా వ్యవహారిస్తున్నారు. ఇప్పటికే రిలీజైన ఈ మూవీ పోస్టర్స్, టీజర్ ప్రేక్షకుల్లో విపరీతమైన క్యూరియాసిటీని కలిగించాయి. తాజాగా ఈ మూవీ ట్రైలర్ ను సోషల్ మీడియా ద్వారా మెగాస్టార్ చిరంజీవి లాంచ్ చేశారు. ట్రైలర్ కు విపరీతమైన రెస్పాన్స్ వస్తోంది.
ట్రైలర్ ఓపెన్ చేస్తే.. ఓ గ్రామంలో గోడపై ప్రజలకు తరచూ రాతలు కనిపిస్తుంటాయి. అసలు అది రాస్తున్నదెవరని ఆరా తీస్తారు గ్రామస్థులు. ఈ క్రమంలో ప్రతీ మంగళవారం కొందరు చనిపోవడాన్ని గమనిస్తారు. దీంతో గ్రామస్థుల్లో భయం మెుదలవుతుంది. చావులను ఆపేందుకు రకరకాల ప్రయత్నాలు చేస్తారు. పాయల్ రాజ్‍పుత్ ఈ సినిమాలో కాలేజీ అమ్మాయిగా కనిపించనుంది. రొమాంటిక్ సన్నివేశాలు కూడా ఎక్కువగానే ఉన్నాయి. అసలు ప్రతీ మంగళవారం ఆ గ్రామంలో మరణాలు ఎందుకు సంభవిస్తున్నాయి? దాని వెనుక మిస్టరీ ఏంటి? అనేదే ఈ మూవీ స్టోరీగా తెలుస్తోంది. ట్రైలర్ ఆద్యంతం ఆకట్టుకునేలా ఉంది. టైటిల్ తోనే క్యూరియాసిటీని పెంచేసిన దర్శకుడు.. తాజా ట్రైలర్ తో జనాల్లో ఎనలేని ఆసక్తిని పెంచేశాడు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
