Game Changer:ఆర్ఆర్ఆర్ తర్వాత రామ్ చరణ్ సోలో హీరోగా నటించిన చిత్రం ‘గేమ్ ఛేంజర్’. శంకర్ దర్శకత్వంలో తెరకెక్కిన ఈ సినిమా తెలుగు, త‌మిళ, హిందీ భాష‌ల్లో సంక్రాంతి సంద‌ర్భంగా జ‌న‌వ‌రి 10న రిలీజ్ కాబోతుంది. స్టార్ డైరెక్టర్ శంకర్ డైరెక్షన్ లో తెరకెక్కిన ఈ చిత్రం నుంచి ఇప్ప‌టి వరకు మూడు సాంగ్స్‌, టీజ‌ర్ విడుద‌లైన సంగ‌తి తెలిసిందే. వీటితో గేమ్ చేంజ‌ర్‌పై ఉన్న అంచ‌నాలు పీక్స్ కు చేరాయి. తాజాగా విడుదల చేసిన మూడో సాంగ్ ‘నా నా హైరానా..’ను మేక‌ర్స్ రీసెంట్‌గా విడుదల చేస్తే సోషల్ మీడియాలో 50 మిలియన్స్ కు చేరువలో ఉంటూ సెన్సేషన్ క్రియేట్ చేస్తోంది.
‘నా నా హైరానా..’ పాట ప్రోమో విడుద‌లైన‌ప్ప‌టి నుంచి అభిమానులు, ఆడియన్స్ లో ఆసక్తి క్రియేట్ చేసింది. అందుకు కార‌ణం.. రామ్ చరణ్, కియారా అద్వానీ జోడీ నడమ కెమిస్ట్రీని స్టార్ డైరెక్టర్ శంకర్ ఎంతో అద్భుతంగా తెరకెక్కించాడు. పాటల మేకింగ్ లో శంకర్ స్టైల్ ఎలాంటిదో ఈ సినిమా పాట ప్రూవ్ చేసింది. అందుకు త‌గిన‌ట్లే అంద‌రి అంచ‌నాల‌కు మించేలా తెలుగులో ‘నా నా హైరానా’.. హిందీలో ‘జానా హైరాన్ సా’.. త‌మిళంలో ‘లై రానా’గా విడులైంది. మెలోడీ ఆఫ్ ది ఇయ‌ర్‌గా గేమ్ చేంజర్ పాట నిలవనుంది.
మూవీ మేకింగ్ విష‌యానికి వ‌స్తే శంకర్ మ‌రోసారి పాట‌ల‌ను చిత్రీక‌రించ‌టంలో త‌న‌కు తానే మేటి అని మ‌రోసారి నా నా హైరానా సాంగ్ తో నిరూపించుకున్నారు. న్యూజిలాండ్‌లో 6 రోజుల పాటు ఈ పాట‌ను ఇప్ప‌టి వరకు ఎవ‌రూ పిక్చరైజ్ చేసే విధంగా రెడ్ ఇన్‌ఫ్రా కెమెరాతో పిక్చరైజ్ చేశారు. ఒక్కో సీన్ ఒక్కో పెయింటింగ్‌లా విజువ‌ల్ బ్యూటీగా మ‌లిచారు శంకర్. దీని కోసం ఎంటైర్ టీమ్ ఎంతో క‌ష్ట‌ప‌డింది. హీరో రామ్ చరణ్ అయితే న్యూజిలాండ్‌లోని ఆక్‌లాండ్ నుంచి పాట‌ను చిత్రీక‌రించిన క్రిస్ట్ చ‌ర్చ్ లొకేష‌న్‌కు హెలికాఫ్ట‌ర్‌లో వెళ్లారు.
ఇక ఈ సాంగ్ పిక్చరైజేషన్ కోసమే దాదాపు రూ.10 కోట్లు ఖ‌ర్చు పెట్టారంటే మామూలు విష‌యం కాదు. సినిమాటోగ్రాఫ‌ర్ తిరు ఇన్‌ఫ్రారెడ్ కెమెరాలో పిక్చరైజ్ చేసిన తీరు అద్భుతం. మ‌ళ్లీ మ‌ళ్లీ చూడాల‌నుకునేంత గొప్ప‌గా పాట‌లోని ప్ర‌తీ ఫ్రేమ్ ఉందన్నారు. ఇక మ్యూజిక్ డైరెక్టర్ త‌మ‌న్ ఈ పాట‌ను ఫ్యూజ‌న్ మెలోడీ (వెస్ట్ర‌న్‌, క‌ర్ణాటిక్ కాంబో)గా ట్యూన్ చేయడం విశేషం.
సారెగ‌మ మ్యూజిక్ పార్ట్‌న‌ర్‌గా వ్య‌వ‌హ‌రిస్తోన్నగేమ్ చేంజర్ సినిమాలోని ఈ పాట‌ను శ్రేయా ఘోష‌ల్, కార్తీక్ పాడారు. బాస్కో మార్టిస్ కొరియోగ్రఫీని అందించారు.ఇప్ప‌టి వరకు ‘గేమ్ చేంజర్’ సినిమా నుంచి విడుద‌లైన ‘జ‌ర‌గండి జ‌ర‌గండి’... ‘రా మ‌చ్చా రా.. ’ పాటలకు ఆడియన్స్ నుంచి మంచి అప్లాజ్ వస్తోంది. తాజాగా రిలీజై మూడో పాట ‘నా నా హైరానా’ ఈ అంచ‌నాల‌ను నెక్ట్స్ రేంజ్‌కు తీసుకెళ్లింది.
రీసెంట్‌గా విడుద‌లైన ‘గేమ్ చేంజర్’ టీజ‌ర్‌కు ట్రెమెండ‌స్ రెస్పాన్స్ వ‌చ్చింది. గ్లోబల్ స్టార్ రామ్ చ‌ర‌ణ్‌ను ఇప్ప‌టి వరకు చూపించ‌న‌టువంటి ఓ స‌రికొత్తగా శంకర్ ఈ సినిమాలో చూపించబోతున్నట్టు అర్ధమవుతోంది. ఇందులో చరణ్ ప‌వ‌ర్‌ఫుల్ ఐఏఎస్ ఆఫీస‌ర్ పాత్ర చేయ‌టంతో పాటు స‌మాజానికి సేవ చేయాల‌నుకునే ఉత్సాహ‌వంతుడైన యువ‌కుడి క్యారెక్టర్ లో క‌నిపించ‌నున్నారు. సినిమాలో హై రేంజ్ యాక్ష‌న్ స‌న్నివేశాలు, పొలిటిక‌ల్ ఎలిమెంట్స్‌, ఆక‌ట్టుకునే క‌థ‌నం, న‌టీన‌టుల అద్భుత‌మైన ప‌నితీరు ఇవ‌న్నీ ప్రేక్ష‌కుల‌కు ఓ స‌రికొత్త అనుభూతినిస్తాయి.
ఎస్‌.తిరుణ్ణావుక్క‌ర‌సు సినిమాటోగ్ర‌ఫీ అందిస్తోన్న ఈ సినిమాకు మ్యూజిక్ సెన్సేషన్ ఎస్‌.త‌మ‌న్ సంగీతాన్ని అందిస్తున్నారు. గ్లోబల్ స్టార్ రామ్ చరణ్, కియారా అద్వానీ, అంజలి హీరో హీరోయిన్లుగా న‌టిస్తోన్న ఈ చిత్రంలో శ్రీకాంత్, ఎస్‌.జె.సూర్య, స‌ముద్ర‌ఖ‌ని, న‌వీన్ చంద్ర, సునీల్‌ త‌దిత‌రులు ఇత‌ర లీడ్ రోల్స్ లో యాక్ట్ చేసరు. ఎంట‌ర్‌టైన్‌మెంట్ రోల‌ర్ కోస్ట‌ర్‌గా మూవీ అల‌రించ‌నుంది. శ్రీమ‌తి అనిత స‌మ‌ర్ప‌ణ‌లో శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ ఎక్కడా కాంప్రమైజ్ కాకుండా నిర్మించారు.
‘గేమ్ చేంజర్’ సినిమాను త‌మిళంలో ఎస్‌వీసీ, ఆదిత్య రామ్ మూవీస్ విడుదల చేస్తున్నారు. బాలీవుడ్ లో ఏఏ ఫిల్మ్స్ అనిల్ త‌డానీ రిలీజ్ చేస్తున్నారు. డిసెంబ‌ర్ 21న అమెరికాలో డ‌ల్లాస్‌లో ఛరిష్మా డ్రీమ్స్ రాజేష్ క‌ల్లెప‌ల్లి ఆధ్వ‌ర్యంలో గ్రాండ్ ప్రీ రిలీజ్ ఈవెంట్‌ను నిర్వ‌హించ‌నున్నారు.
ఇదీ చదవండి: ముగ్గురు మొనగాళ్లు సినిమాలో చిరంజీవి డూప్ గా నటించింది వీళ్లా.. ఫ్యూజలు ఎగిరిపోవడం పక్కా..
ఇదీ చదవండి: టాలీవుడ్ లో ఎక్కువ ప్రీ రిలీజ్ బిజినెస్ చేసిన చిత్రాలు.. ‘పుష్ప 2’ ప్లేస్ ఎక్కడంటే..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
