Game Changer : క్లైమాక్స్‌కు వచ్చేసిందట.. ఇండియన్ 2 నుంచి గేమ్ చేంజర్ అంటూ శంకర్ ట్వీట్

Shankar Shanmukgham indian 2 శంకర్ సినిమాలకు ఉండే డిమాండ్ గురించి ప్రత్యేకంగా చెప్పాల్సిన పని లేదు. ఇండియన్ 2 సినిమా కోసం ఆ మధ్య తైవాన్ వెళ్లాడు. అటు నుంచి అటే సౌత్ ఆఫ్రికాకు వెళ్లాడు. ఇప్పుడు ఇండియాకు తిరిగి వచ్చేట్టు కనిపిస్తోంది.

Shankar Shanmukgham indian 2 శంకర్ ప్రస్తుతం రెండు సినిమాలతో బిజీగా ఉన్నాడన్న సంగతి తెలిసిందే. కమల్ హాసన్ ఇండియన్ 2, రామ్ చరణ్‌ గేమ్ చేంజర్‌ సినిమాలతో బిజీగా ఉన్నాడు శంకర్. నెలలో సగం రోజులు ఆ సినిమా, మిగిలిన సగం రోజులు ఈ సినిమా అంటూ బిజీగా ఉంటున్నాడు శంకర్. అయితే ఇప్పుడు సౌత్ ఆఫ్రికాలో ఇండియన్ 2 షెడ్యూల్‌ను శంకర్ పూర్తి చేశాడు. ఇక వెంటనే రామ్ చరణ్‌ గేమ్ చేంజర్ సినిమాతో బిజీ కానున్నాడు.

మామూలుగా అయితే ఇండియన్ 2 సినిమాను ఆపేశారు. ప్రమాదాలు జరగడం, శంకర్ కమల్ హాసన్ మధ్య విబేధాలు రావడం, ప్రొడక్షన్ కాస్ట్ ఎక్కువ అవుతుండటం, కరోనా రావడం ఇలా ఎన్నో కారణాలతో ఆ సినిమాను పక్కన పెట్టేశారు. దాని తరువాత శంకర్ తన కొత్త సినిమా గురించి పనులు మొదలుపెట్టేశాడు. ఆ క్రమంలోనే కార్తిక్ సుబ్బరాజు కథ మీద శంకర్ ఫోకస్ పెట్టాడు.

Thank you for this power-packed Schedule @ikamalhaasan sir 🔥 See you again in May! Will be moving from #Indian2Gamechanger for the climax!!! pic.twitter.com/J7WGmzCuxb

— Shankar Shanmugham (@shankarshanmugh) April 18, 2023

ఇండియన్ 2 సినిమాను దిల్ రాజు భాగస్వామిగా తెరకెక్కించాల్సింది. కానీ ఆ ప్రాజెక్ట్ చేజారిపోయింది. అందుకే శంకర్ తనకు నచ్చిన ఆ కథను దిల్ రాజు వద్దకు తీసుకొచ్చాడు. అలా ఈ కథలోకి రామ్ చరణ్‌ ఎంట్రీ ఇచ్చాడు. గేమ్ చేంజర్‌గా సినిమాను మలిచాడు. ఇప్పటి వరకు ఈ సినిమా షూటింగ్ స్పాట్ నుంచి బయటకు వచ్చిన లీకులు, ఆ ఫోటోలు ఎంతగా వైరల్ అయ్యాయో అందరికీ తెలిసిందే.

రామ్ చరణ్‌ సినిమాతో శంకర్ బిజీగా ఉన్న సమయంలోనే.. మళ్లీ ఇండియన్ 2 మొదలు పెట్టాల్సి వచ్చింది. విక్రమ్‌తో కమల్ హాసన్ ఫాంలోకి రావడంతో.. ఇండియన్ 2 పట్టాలెక్కింది. దీంతో నెలలో సగం రోజులు కమల్ హాసన్ సినిమాకు, మిగిలిన సగం రోజులు రామ్ చరణ్‌ సినిమాకు కేటాయించాడు శంకర్. ఇప్పుడు సౌత్ ఆఫ్రికాలో ఇండియన్ 2 షెడ్యూల్‌ను శంకర్ పూర్తి చేశాడు. ఇదే విషయాన్ని ట్వీటేసి చెప్పాడు శంకర్. నెక్ట్స్ క్లైమాక్స్ అని, ఇండియన్ 2 నుంచి గేమ్ చేంజర్ అని ట్వీట్ వేశాడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.