WATCHO OTT Shows: వాచో ఓటిటి.. ఇండియాలో ఇప్పుడిప్పుడే ప్రాచుర్యంలోకి వస్తోన్న వాచో ఓటిటి మాధ్యమం ఎప్పటికప్పుడు సరికొత్త కంటెంట్‌తో ఆడియెన్స్‌ని ఆకట్టుకుంటోంది. అందులో భాగంగానే తాజాగా 34 కొరియన్ వెబ్‌సిరిస్‌లను హిందీలోకి డబ్ చేసి రిలీజ్ చేస్తున్నట్టు వాచో ఓటిటి వెల్లడించింది. కొరియన్ చిత్రాలకు భారత్‌లో ఎంతో మంది ఫ్యాన్స్ ఉన్నారు. సబ్‌టైటిల్స్ సహాయంతోనో లేక ఇంగ్లీష్, హిందీ భాషల్లోనో ఎప్పటికప్పుుడు రిలీజయ్యే కొరియన్ చిత్రాలను చూసే ఆడియెన్స్‌కి ఇండియాలో కొదువే లేదు. అందుకే అలాంటి ఆడియెన్స్‌ని ఆకట్టుకోవడం కోసం వాచో ఓటిటి ఎక్స్‌క్లూజీవ్‌గా కొరియన్ చిత్రాలు, వెబ్ సిరీస్ కంటెంట్‌ని హిందీలో అందించేందుకు ముందుకొచ్చింది.
హిందీతో పాటు తెలుగు, కన్నడ భాషల్లోనూ వాచో ఓటిటి కంటెంట్ అందిస్తోంది. వాచో ఓటిటి వద్ద భారీ మొత్తంలో కొరియన్ కాంటెంట్ ఉండగా.. అదే కాంటెంట్ ని హిందీలోకి అనువాదం చేసి విడుదల చేసేందుకు ఓటిటి ప్రణాళికలు సిద్ధం చేసింది. డ్రామా, యాక్షన్, రొమాన్స్ మొదులుకుని సై-ఫై థ్రిల్లర్ చిత్రాలు, వెబ్ సిరీస్‌ల వరకు అన్నిరకాల కంటెంట్ వాచో ఓటిటిపై వీక్షించవచ్చు.
ఇంటర్నేషనల్ స్థాయిలో సూపర్ హిట్ అయిన కొరియన్ కంటెంట్ ఇండియన్ ఆడియెన్స్‌కి చేరువ చేసే ప్రయత్నంలో వాచో ఓటిటి మరో అడుగు ముందుకేసిందన్నమాట. వాచో ఓటిటి వద్ద 650 గంటల కంటెంట్ ఉండగా.. ప్రతీ రోజూ కొంత కంటెంట్ విడుదల చేసే విధంగా వాచో ఓటిటి కంటెంట్ ప్లాన్ చేసింది. రొమాన్స్, కార్పొరేట్ కాన్స్‌పిరసిస్, ఫ్యామిలీ డ్రామా, ఫాంటసీ, అడ్వంచర్, సై-ఫై వంటి వివిధ జానర్ల కంటెంట్ వాచో ఓటిటి సొంతం.
వాచో ఓటిటి విడుదల చేసే హిందీ డబ్బింగ్ వెబ్ సిరీస్‌లలో 'వెల్‌కమ్ టు లైఫ్' ముందుగా ఆడియెన్స్ ముందుకు రానుంది. చట్టాన్ని అడ్డం పెట్టుకుని ప్రయోజనం పొందాలని చూసే ఒక స్వార్థపూరిత లాయర్ అనుకోకుండా ఓరోజు ఊహకందని విధంగా యాక్సిడెంట్ బారిన పడతాడు. ఆ తర్వాత ఏం జరిగిందనే ఆసక్తికరమైన కథనంతో 'వెల్‌కమ్ టు లైఫ్' తెరకెక్కింది. ఇవేకాకుండా 1% ఆఫ్ సమ్ థింగ్, ఎక్స్ ట్రార్డినరీ యూ, కైరోస్, ఫ్లవర్ ఆఫ్ ఎవిల్ వంటి వెబ్ సిరీస్ లు వాటో ఓటిటిపై క్యూ కట్టనున్నాయి.
వాచో ఓటిటిపై డబ్బింగ్ కంటెంట్‌తో పాటు ఆకట్టుకునే ఒరిజినల్ షోలు కూడా అందుబాటులో ఉన్నాయి. ది మార్నింగ్ షో, హ్యాపీ, బౌచరే-ఎ-ఇష్క్, గుప్తానివాస్, జాన్‌పూర్, పాపా కా స్కూటర్, అఘాత్, చీటర్స్ - ది వెకేషన్, సర్హద్, డార్క్ డెస్టినేషన్స్, ఇట్స్ మై ప్లెజర్, 4 థీవ్స్, మిస్టరీ డ్యాడ్, అర్ద్‌సత్య, చోరియా, రక్త చందన, జాల్సాజీ, లవ్ క్రైసిస్ వంటి ఒరిజినల్ వెబ్‌సిరీస్ కూడా ఉన్నాయి. వాచో ఓటిటి మాధ్యమంలో ప్రస్తుతం 35 కి పైగా ఓరిజినల్ వెబ్‌సిరీస్ షోలు, 300 కి పైగా ఎక్స్‌క్లూజీవ్ చిత్రాలు అందుబాటులో ఉన్నాయి.
Also Read : Krithi Shetty: బాలీవుడ్ ఆఫర్ రిజెక్ట్ చేసిన బేబమ్మ.. ఎందుకో తెలుసా?
Also Read : Nanayathara: భర్త చేసిన పనికి నయనతారకు అస్వస్థత.. హుటాహుటిన హాస్పిటల్ కు!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P2DgvH
Apple Link - https://apple.co/3df6gDq
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter , Facebook
