close

News WrapGet Handpicked Stories from our editors directly to your mailbox

ఆస్తమా ఉన్నవారు ఏవి తినాలి? ఏవి తినొద్దు?

ఆస్తమా బాధితులు కొన్ని ఆహారపదార్థాలను తినకపోవడమే మంచిదని చెబుతున్నారు కొందరు నిపుణులు.

Updated: Sep 25, 2018, 05:05 PM IST
ఆస్తమా ఉన్నవారు ఏవి తినాలి? ఏవి తినొద్దు?

ఆస్తమా బాధితులు కొన్ని ఆహారపదార్థాలను తినకపోవడమే మంచిదని చెబుతున్నారు కొందరు నిపుణులు. ఆరోగ్యానికి సహకరించని ఆ ఆహారపదార్థాల వల్ల శ్వాస సంబంధిత సమస్యలు మరింత ఎక్కువయ్యే ప్రమాదం ఉందంటున్నారు. కాబట్టి ఆస్తమా ఉన్నవారు కొన్ని పదార్థాలకు దూరంగా ఉండాలి. అవేంటో చూద్దాం...

  • ఆస్తమా పేషంట్స్‌ మాంసం, గుడ్లు, పాల ఉత్పత్తులు, చేపలు, బీఫ్‌ వంటి ఆహారపదార్థాలను తీసుకోకూడదు. వీటిని తీసుకోవడం వల్ల శ్వాసకోస ఇబ్బందులు తలెత్తవచ్చు.
  • సాఫ్ట్‌ డ్రింక్స్‌లో ఉండే కొన్ని రకాల పదార్థాలు కూడా శ్వాసకు ఇబ్బంది కలిగిస్తాయి. కాబట్టి ఆస్తమా బాధితులు ఎట్టి పరిస్థితుల్లో సాఫ్ట్‌డ్రింక్స్‌ను తీసుకోకూడదు.
  • కొన్ని రకాల పచ్చళ్లలో సల్ఫైట్‌ ఎక్కువగా ఉంటుంది. ఇది శ్వాసకి సమస్యగా మారవచ్చు. కనుక ఆస్తమాతో బాధపడేవాళ్లు పచ్చళ్లు తినకూడదు.
  • సోడియంకు దూరంగా ఉండటం చాలా అవసరం. ఫ్రెంచ్‌ ఫ్రైస్‌, ప్యాక్‌ చేసిన ఆలూ చిప్స్‌లో సల్ఫైట్స్‌ ఎక్కువగా ఉంటుంది కాబట్టి వీటికీ దూరంగా ఉండటం మంచిది.

ఏఏ పదార్థాలు తినాలి?

  • యాంటీ ఆక్సిడెంట్లు అధికంగా ఉన్న పదార్థాలను ఎక్కువగా తీసుకోవాలి.
  • పచ్చి ఉల్లిపాయలు తీసుకోండి. ఆస్తమాను కలుగచేసే ఇంఫ్లమేషన్లను తగ్గిస్తాయి.
  • రోజు క్రమం తప్పకుండా కాఫీ తాగటం (రోజు మొత్తంలో 3 కప్పుల కన్నా ఎక్కువ కాఫీ తాగకూడదు) వలన ఆస్తమా స్థాయిలు తగ్గే అవకాశం ఉంది.
  • రెండు చెంచాల వెల్లుల్లి, అల్లం కలిపిన టీని రోజు ఉదయం, సాయంత్రం తాగటం వలన ఆస్తమా వ్యాధి కంట్రోల్ అవుతుంది.
  • రోజు ఒక గ్లాసు వేడి నీటిలో తేనెను కలుపుకొని తాగటం వలన ఆస్తమా నుండి ఉపశమనం పొందుతారు.
  • తులసి ఆకులు ఆస్తమాను తగ్గించుటలో శక్తివంతంగా పనిచేస్తాయి.
  • మీలో ఆస్తమా స్థాయిలు పెరిగితే తేనెను ముక్కు దగ్గర పెట్టుకొని దాని వాసనను పీల్చుకోండి.
  • కొన్ని మెంతి విత్తనాలను తీసుకొని ఒక గ్లాసు నీటిలో కలిపి వేడి చేయండి. ఈ మిశ్రమానికి తేనె, వెల్లుల్లి రసంలను కలిపి రోజు ఉదయాన్నే తాగితే ఉపశమనం పొందుతారు.