కాంగ్రెస్ పార్టీ ఉపాధ్యక్షుడు రాహుల్ గాంధీకి దేవాలయాల్లో ఎలా కూర్చోవాలో కూడా తెలియదని ఉత్తరప్రదేశ్ సీఎం యోగి ఆదిత్యనాథ్ ఎద్దేవా చేశారు. ఆయన దేవాలయంలో నమాజ్ చేస్తున్నట్లు కూర్చున్నారని అన్నారు. ఉత్తర ప్రదేశ్ లో స్థానిక సంస్థల ఎన్నికలు జరుగుతున్న వేళ.. రాహుల్ గాంధీ వారణాశిలోని కాశీ విశ్వనాథ్ ఆలయాన్ని సందర్శించారు. ఆయన నమాజ్ చేసే పద్ధతిలో కూర్చున్నారని.. గుడి పూజారి వచ్చి అలా కూర్చోకూడదని,ఇది మసీదు కాదు.. దేవాలయం అని, మఠం వేసుకొని కూర్చోవాలని సూచించారని యోగి అన్నారు. రాహుల్ ఆలయాలను సందర్శించడంపై .. దీనివల్లనైనా ఆయన (రాహుల్) మెదడు శుభ్రమవుతుందని అన్నారు.
