Flood In Dhauliganga: Uttarakhandలో విరిగిపడ్డ మంచు చరియలు.. ధౌలి గంగానది ఉగ్రరూపంతో జలప్రళయం

Massive Flood In Dhauliganga: కొండ చరియ ప్రాంతాల్లో ఒక్కసారి ఉత్పాతం సంభవించడంతో ఉత్తరాఖండ్ ప్రభుత్వం, పోలీసు శాఖ అప్రమత్తమయ్యాయి. 10 మృతదేహాలను గుర్తించినట్లు ఇండో-టిబెటిన్‌ బోర్డర్‌ పోలీసు(ITBP) అధికారులు వెల్లడించారు.

Massive Flood In Dhauliganga: వరదలకు కేంద్ర బిందువుగా నిలిచే ఉత్తరాఖండ్‌లో మరోసారి విషాదం చోటుచేసుకుంది. చమోలీ జిల్లాలో ఒక్కసారిగా కొండ చరియలు విరిగిపడ్డాయి. తద్వారా గంగా నది ఉపనది అయిన ధౌలి గంగానది ఒక్కసారిగా ఉప్పొంగుతూ ప్రవహించింది. ఈ వరద ప్రభావంతో ఓ పవర్ ప్రాజెక్టు సైతం పూర్తిగా కొట్టుకుపోయింది.

ధౌలి గంగానది ప్రవాహంలో పవర్ ప్రాజెక్టులో పనిచేస్తున్న దాదాపు 150 మంది కార్మికులు గల్లంతయ్యారని, అందులో 10 మృతదేహాలను గుర్తించినట్లు ఇండో-టిబెటిన్‌ బోర్డర్‌ పోలీసు(ITBP) అధికారులు వెల్లడించారు. ప్రవాహం ప్రాంతంలో, రేనీ తపోవన్ వద్ద ఉన్న రుషిగంగా అనే పవర్ ప్రాజెక్టుతో సహో దెబ్బతిన్న మరో మూడు వంతెనల వద్ద సహాయక చర్యలు కొనసాగుతున్నాయి.

#WATCH | Water level in Dhauliganga river rises suddenly following avalanche near a power project at Raini village in Tapovan area of Chamoli district. #Uttarakhand pic.twitter.com/syiokujhns

— ANI (@ANI) February 7, 2021

కొండ చరియ ప్రాంతాల్లో ఒక్కసారి ఉత్పాతం సంభవించడంతో ఉత్తరాఖండ్ ప్రభుత్వం, పోలీసు శాఖ అప్రమత్తమయ్యాయి. పౌరీ, తెహ్రీ, రుద్ర ప్రయాగ్‌, హరిద్వార్‌, డెహ్రాడూన్‌ జిల్లాల్లో హై అలర్ట్‌ ప్రకటించి ప్రజలను, అధికారులను అప్రమత్తం చేశారు. ఎన్డీఆర్ఎఫ్, ఎస్‌డీఆర్ఎఫ్, ఐటీబీపీ టీమ్స్ వెంటనే రంగంలోకి దిగి సహాయక చర్యలు చేపట్టాయి.

Rescue operation underway at the tunnel near Tapovan dam in Chamoli to rescue trapped people. #Uttarakhand

(Pic courtesy: Indian Army) pic.twitter.com/lcKlHdcNn3

— ANI (@ANI) February 7, 2021

కొండ చరియలు విరిగిపడటంతో ధౌలి గంగానది ప్రవాహంలో 150 మందికి పైగా గల్లంతు కావడంపై ప్రధాని నరేంద్ర మోదీ విచారం వ్యక్తం చేశారు. ఉత్తరాఖండ్‌ సీఎం త్రివేంద్ర సింగ్ రావత్‌తో మాట్లాడారు. బాధితులకు తక్షణమే సాయం అందేలా చూడాలని, గల్లంతైన వారిని సాధ్యమైనంత త్వరగా గుర్తించాలని ఆదేశించారు.

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee Hindustan App డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe