Indian Railways to run 40 ‘clone’ trains from September 21: న్యూఢిల్లీ: కరోనావైరస్ (Coronavirus) కారణంగా మార్చిలో లాక్‌డౌన్ ప్రకటించిన నాటినుంచి రైళ్లను రద్దు చేసిన విషయం తెలిసిందే. ఈ క్రమంలో కేంద్ర ప్రభుత్వ సడలింపుల మేరకు మే నెలలో 230 కొవిడ్ స్పెషల్ రైళ్లను రైల్వేశాఖ ప్రయాణికుల కోసం ప్రారంభించిన సంగతి అందరికీ తెలిసిందే. ఆ తర్వాత అన్‌లాక్-4 మార్గదర్శకాలతో భారత రైల్వే.. మరో 80 ప్రత్యేక రైళ్ల సర్వీసులను సెప్టెంబరు 12 నుంచి నడుపుతోంది. ఈ క్రమంలో రైల్వేశాఖ ప్రయాణికులకు మరో శుభవార్త చెప్పింది. మరో 40 ప్రత్యేక రైళ్ల (Clone Trains) ను సెప్టెంబరు 21నుంచి నడపనున్నట్లు మంగళవారం రాత్రి వెల్లడించింది. అయితే ఈ 20 జతల రైళ్ల సర్వీసులను నిర్థిష్టమార్గాల్లోనే.. అంటే భారీగా డిమాండ్ ఉన్న ప్రాంతాలకే నడపనున్నట్లు వెల్లడించింది. ఈ క్లోన్ రైళ్లన్నీ రిజర్వ్‌డ్.. కావున ప్రయాణికులు ముందుగానే టికెట్లు బుక్ చేసుకోవాలి. ఈ రైళ్లకు 10 రోజుల ముందు నుంచి కూడా టికెట్లు బుక్ చేసుకోవచ్చని, ఇవి కొన్ని స్టేషన్లల్లోనే ఆగుతాయని రైల్వే తెలిపింది. Also read: India: 50 లక్షలు దాటిన కరోనా కేసులు.. నిన్న ఒక్కరోజే 1,290 మంది మృతి
Considering the huge demand for travel on specific routes, Ministry of Railways has decided to run 20 pairs of Clone Special trains from 21.09.2020.
These Clone trains will run on notified timings. ARP for these trains will be 10 days.https://t.co/wTHauZw2IB pic.twitter.com/TlUrSmtCdW
— Ministry of Railways (@RailMinIndia) September 15, 2020
రైల్వే ప్రకటించిన 40స్పెషల్ రైళ్లల్లో తెలుగు రాష్ట్రాల నుంచి వెళ్లే ట్రైన్లు కూడా ఉన్నాయి. ఈ రెండు రైళ్లు విజయవాడ, వరంగల్ విజయవాడ, వరంగల్ రైల్వే స్టేషన్లల్లోనే ఆగుతాయి.
రైలు నెంబర్ 02787 సికింద్రాబాద్ నుంచి దానాపూర్‌కు ప్రతీ రోజూ ఉదయం 7.30 గంటలకు బయల్దేరుతుంది. ఇక రైలు నెంబర్ 02788 దానాపూర్ నుంచి సికింద్రాబాద్‌కు ప్రతిరోజు ఉదయం 9 గంటలకు బయల్దేరుతుంది.
రైలు నెంబర్ 06509 బెంగళూరు నుంచి దానాపూర్‌కు ఉదయం 8 గంటలకు బయల్దేరుతుంది. రైలు నెంబర్ 06510 దానాపూర్ నుంచి సాయంత్రం 6.10 గంటలకు బెంగళూరు బయల్దేరుతుంది. Also read: Oxford COVID-19 Vaccine: క్లినికల్ ట్రయల్స్‌కు డీసీజీఐ అనుమతి
