Gaganyaan TV-D1 Success: ఇస్రో అత్యంత ప్రతిష్ఠాత్మకంగా తలపెట్టిన గగన్‌యాన్ ప్రాజెక్టులో అత్యంత కీలకమైన దశ టీవీ-డీ1 ప్రయోగం ఉదయం వాయిదా పడినా అనంతరం రెండు గంటల వ్యవధిలోనే సాదించేశారు. అద్భుతమైన విజయం సాధించి అంతరిక్ష ప్రయోగంలో మరో అడుగు ముందుకేశారు.
2025లో చేపట్టనున్న గగన్‌యాన్ పరీక్షలో ఇవాళ జరగాల్సిన టీవీ-డీ1 ప్రయోగం అత్యంత కీలకం. క్రూ ఎస్కేప్ సిస్టమ్ సమర్ధత, క్రూ మాడ్యూల్ పనితీరు, వ్యోమనౌకను తిరిగి క్షేమంగా కిందకు దించే వ్యవస్థ పటిష్టతను ఈ ప్రయోగం ద్వారా పరిశీలించనున్నారు. దీనినే టీవీ-డీ1గా పిలుస్తారు. ఈ ప్రయోగం ప్రకారం భూమికి 17 కిలోమీటర్ల ఎత్తులో టీవీ-డీ1 తీసుకెళ్లి క్రూ మాడ్యూల్ మళ్లీ కిందకు తీసుకొస్తుంది. ఇదొక టెస్టింగ్ ప్రక్రియ. అయితే సరిగ్గా కౌంట్‌డౌన్‌కు 5 సెకన్ల ముందు సాంకేతిక సమస్య కారణంగా లాంచింగ్ వాయిదా వేస్తున్నట్టు ఇస్రో ప్రకటించింది. తిరిగి ఎప్పుడు ప్రయోగించేది చెప్పలేదు. అయితే ఇస్రో నిరవధికంగా ప్రయత్నించి సాంకేతిక సమస్యను గుర్తించి సరిచేయగలిగారు.
ముందుగా అనుకున్నట్టు 8 గంటలకు కాకుండా 10 గంటలకు తిరిగి ఈ ప్రయోగం చేపట్టి విజయవంతం చేశారు. 44 టన్నుల బరువైన ఫ్లైట్ టెస్ట్ వెహికల్ అబార్ట్ మిషన్-1 విజయవంతంగా నింగిలోకి దూసుకెళ్లింది. ఈ ప్రయోగంలో క్రూ మాడ్యూల్, క్రూ ఎస్కేప్ సిస్టమ్ భూమి నుంచి 17 కిలోమీటర్ల ఎత్తులో విడిచిపెట్టడం, పారాచ్యూట్ సహాయంతో 8 కిలోమీటర్ల దూరంలోని బంగాళాఖాతంలో దిగిన క్రూ మాడ్యూల్‌ని నౌకా దళ సిబ్బంది క్షేమంగా తీసుకురావడం అంతా 8-10 నిమిషాల్లో ముగిసిపోయింది.
గగన్‌యాన్ మిషన్‌కు సంబంధించిన ఈ సన్నాహక ప్రయోగం విజయవంతం కావడంతో ఇస్రో శాస్త్రవేత్తలు సంతోషం వ్యక్తం చేశారు. 2025లో తుది ప్రయోగానికి ముందు ఇలాంటి ప్రయోగాలు 4 జరగాల్సి ఉంది. ఇది మొదటి ప్రయోగం. క్రూ ఎస్క్పే సిస్టమ్ సమర్ధత, పనితీరుని ఎప్పటికప్పుడు నాలుగు దశల్లో పరీక్షించాల్సి ఉంటుంది.
Also read: Gaganyaan TV-D1: కీలకమైన గగన్‌యాన్ టీవీ-డీ1 ప్రయోగం వాయిదా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
