Miriyala Pulusu Recipe: ఘాటైన మిరియాల పులుసు .. తయారు చేసుకోండి ఇలా

Miriyala Pulusu: మిరియాల పులుసు ఆరోగ్యకరమైన రెసిపీ. దీని ఎంతో సులభంగా తయారు చేసుకోవచ్చు. చలికాలంలో దీని తయారు చేసుకోవడం వల్ల అనారోగ్య సమస్యల బారిన పడకుండా ఉంటాము. దీని ఎలా తయారు చేసుకోవాలి అనేది తెలుసుకుందాం.

Miriyala Pulusu: మిరియాల పులుసు, తమిళనాడు వంటకాలలో ప్రత్యేకమైన స్థానాన్ని ఆక్రమించింది. మిరియాల వల్ల వచ్చే ఘాటు, చింతపండు వల్ల వచ్చే పులుపు ఈ పులుసుని మరింత రుచికరంగా మారుస్తాయి. ఇది వేడి అన్నంతో బాగా సరిపోతుంది.

Add Zee News as a Preferred Source

కావలసిన పదార్థాలు:

మిరియాల పేస్టు కోసం:
నూనె - 1 టీస్పూన్
ధనియాలు - 2 టేబుల్ స్పూన్లు
పచ్చి శనగపప్పు - 1 టేబుల్ స్పూన్
బియ్యం - 1 టేబుల్ స్పూన్
మిరియాలు - 3 టేబుల్ స్పూన్లు
వెల్లుల్లి రెబ్బలు - 2 రెబ్బలు
కరివేపాకు - కొద్దిగా

పులుసు కోసం:

చింతపండు - చిన్న ముక్క
నువ్వుల నూనె - 4 టేబుల్ స్పూన్లు
మినప్పప్పు - 1 టీస్పూన్
ఆవాలు - 1 టీస్పూన్
మెంతులు - 1/2 టీస్పూన్
జీలకర్ర - 1 టీస్పూన్
ఇంగువ - 1/4 టీస్పూన్
చిన్న ఉల్లిపాయలు - 1 కప్పు
వెల్లుల్లి రెబ్బలు - 1/4 కప్పు
కరివేపాకు - కొద్దిగా
పసుపు - 1/2 టీస్పూన్
కల్లుప్పు - రుచికి తగినంత
నీరు - 3 కప్పులు
బెల్లం - 1 టీస్పూన్ 

తయారీ విధానం:

ఒక పాత్రలో నూనె వేసి వేడి చేసి, ధనియాలు, పచ్చి శనగపప్పు, బియ్యం, మిరియాలు, వెల్లుల్లి, కరివేపాకు వేసి వేయించాలి. చల్లారిన తర్వాత మిక్సీలో వేసి నీళ్లు పోసి మెత్తగా రుబ్బుకోవాలి. చింతపండును నీళ్లలో నానబెట్టి గుజ్జు తీసి పక్కన పెట్టుకోవాలి. ఒక పాత్రలో నువ్వుల నూనె వేసి వేడి చేసి, మినప్పప్పు, ఆవాలు, మెంతులు, జీలకర్ర, ఇంగువ, చిన్న ఉల్లిపాయలు, వెల్లుల్లి, కరివేపాకు వేసి వేయించాలి. చింతపండు గుజ్జు, పసుపు, కల్లుప్పు వేసి బాగా కలిపి మరిగించాలి. ముందుగా తయారు చేసుకున్న మిరియాల పేస్టు వేసి1 బాగా కలపాలి. నీరు పోసి బెల్లం వేసి కాసేపు మరిగించాలి. పులుసు నుంచి నూనె పైకి తేలుతుంటే, మిరియాల పులుసు తయారైనట్లే. వేడి వేడి అన్నంతో లేదా ఇడ్లీ, దోసతో ఈ పులుసుని సర్వ్ చేసుకోవచ్చు.

చిట్కాలు:

మిరియాల పరిమాణాన్ని మీ రుచికి తగ్గట్టుగా సర్దుబాటు చేసుకోవచ్చు.
పులుసును మరింత ఘాటుగా చేయాలంటే, ఎండు మిరపకాయలు కూడా వేయవచ్చు.
తాజా కరివేపాకు వేయడం వల్ల పులుసు రుచి మరింతగా పెరుగుతుంది.
మిరియాల పులుసు శరీరానికి చాలా మేలు చేస్తుంది. ఇది జీర్ణక్రియను మెరుగుపరుస్తుంది మరియు శరీరాన్ని వెచ్చగా ఉంచుతుంది. ఈ రెసిపీని మీ ఇష్టం వచ్చిన విధంగా మార్పు చేసుకోవచ్చు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.