Parakamani: తెలుగులో త్వరలో ‘ఎర్రచీర’ సినిమాతో దర్శకుడిగా అలరించబోతున్న సుమన్ బాబు .. ఆ సినిమా విడుదల కాకముందే తాజాగా తన ఓన్ డైరెక్షన్ లో మరో అద్భుతమైన భారీ బడ్జెట్ పాన్ ఇండియా చిత్రం తెరకెక్కించబోతున్నాడు. ఈ చిత్రాన్ని సోషియో ఫాంటసీ జానర్లో నిర్మిస్తున్నారు. కార్తీక పౌర్ణమి సందర్భంగా ఈ చిత్రం టైటిల్ ‘పరకామణి’ పోస్టర్ ను విడుదల చేశారు. మనకు ‘పరకామణి’ అంటే తిరుమల శ్రీ వేంకటేశ్వర ఆలయంలో శ్రీవారి హుండీని లెక్కించే స్థలాన్ని ‘పరకామణి’గా పిలుస్తుంటారు. ఆ టైటిల్ తో ఈ సినిమాపై అటెన్షన్ క్రియేట్ చేసారు.
ఇంతకు ముందు ఎన్నడూ చూడని సరికొత్త కథాంశంతో ఈ చిత్రాన్ని తెరకెక్కిస్తున్నట్టు డైరెక్టర్ సి.హెచ్. సుమన్ బాబు తెలిపారు. సుమారు రూ.20 కోట్ల భారీ బడ్జెట్ తో ఈ సినిమాను నిర్మిస్తున్నారు. సృష్టిలో పైన ఏడు లోకాలు.. కింద ఏడు లోకాలున్నాయేది శాస్త్ర వచనం. అందులో భూలోకంలో కిందనున్న ఏడు లోకాలైన అతల, వితల, సుతల, తలా తల, రసాతల, పాతాళ, భూతల లోకాలను చూపిస్తూ, అద్భుతమైన గ్రాఫిక్స్ తో ఈ చిత్రాన్ని తెరకెక్కిస్తున్నారు.
ఈ సినిమా కూడా ప్రేక్షకులను సరికొత్త అనుభూతి ఇవ్వడం పక్కా అని చెబుతున్నారు. ఇందులో టాలీవుడ్ స్టార్ హీరోలిద్దరు నటిస్తున్నట్టు చెప్పుకొచ్చారు. ఈ చిత్రం యొక్క పూర్తి వివరాలు ఇతర నటీనటుల వివరాలు.. సాంకేతిక నిపుణుల వివరాలు త్వరలో వెల్లడిస్తామన్నారు. అయితే సుమన్ బాబు నటించి స్వీయ దర్శకత్వం వహించిన చిత్రం ఎర్ర చీర డిసెంబర్ 20న విడుదల కానుంది.
ఇదీ చదవండి : Shraddha Kapoor: చిరంజీవికి శ్రద్ధా కపూర్ కు ఉన్న రిలేషన్ తెలుసా.. ఫ్యూజులు ఎగిరిపోవడం పక్కా..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
TA Kiran Kumar
కిరణ్ కుమార్ తంజావూర్ జీ తెలుగు తెలుగు న్యూస్లో ఛీఫ్ సబ్ ఎడిటర్గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది.
...Read More
