Double ismart Movie HD Print Leaked Online: రామ్ హీరోగా.. పూరి జగన్నాథ్ దర్శకత్వంలో వచ్చిన సినిమా డబుల్ ఇస్మార్ట్. 2018లో విడుదలై సూపర్ హిట్ సాధించిన ఇస్మార్ట్ శంకర్ సినిమాకి.. ఈ సినిమా సీక్వెల్ గా రావడం విశేషం. అప్పట్లో పూరి జగన్నాథ్ వరస ప్లాపులతో సతమతమవుతున్నప్పుడు.. ఇస్మార్ట్ శంకర్ మంచి విజయం అందించింది. మళ్లీ ఇస్మార్ట్ శంకర్ సినిమా తరువాత.. పూరి జగన్నాథ్ లైగర్ లాంటి డిజాస్టర్ తీశారు. దీంతో పూరి జగన్నాథ్ అభిమానుల ఆశలన్నీ డబుల్ ఇస్మార్ట్ పై పడ్డాయి.
రామ్ కి కూడా ఈ మధ్య వరస ప్లాపులు రావడంతో.. రామ్ అభిమానులు కూడా తమ అంచనాలన్నీ డబుల్ ఇస్మార్ట్ సినిమా పైన పెట్టుకున్నారు. ఈ నేపథ్యంలో ఈ సినిమా ఈరోజు ఆగస్ట్ 15న.. ఇండిపెండెన్స్ డే సందర్భంగా విడుదల అయింది. మొదటి షో నుంచి ఈ చిత్రం మిశ్రమ స్పందన తెచ్చుకోవడం అందరిని ఆశ్చర్యానికి గురిచేసింది. తప్పకుండా ఈ సినిమా వీరిద్దరికీ విజయం అందిస్తుంది అనుకున్న క్రమంలో.. కేవలం ఆవరేజ్ రెస్పాన్స్ తో సరిపెట్టుకుంటోంది ఈ చిత్రం.
కాగా ఇలాంటి టైం లో ఈ సినిమా టీమ్ కి మరో పెద్ద షాక్ తగిలింది. అదేమిటి అంటే ఈ చిత్రం విడుదలైన కొద్ది గంటలకే.. ఈ సినిమా హెచ్ డి ప్రింట్ ఆన్లైన్ లో లీక్ అయిపోయింది. ఈ సినిమా దాదాపు రెండు గంటల 30 నిమిషాల రన్‍టైమ్ తో రాగా.. ఈ సినిమా మొత్తం ఆన్లైన్ లో పెట్టేయడంతో..సినీ ప్రేక్షకులు షాక్ కి గురవుతున్నారు. అసలే సినిమాకి మిశ్రమ స్పందన వస్తు ఉంటే.. ఈ పైరసీ డబ్బులు ఇస్మార్ట్ కి.. మరిన్ని అడ్డంకులు తెచ్చిపెడుతోంది.
ఇక సినిమా కథ, కథనం గురించి పక్కన పెడితే..రామ్ ఎప్పటిలానే తన డ్యాన్స్‌తో స్క్రీన్స్ తగలెట్టేశాడంటూ తెగ పొగుడుతున్నారు రామ్ అభిమానులు. ఇక ఈ సినిమాలో బాలీవుడ్ హీరో సంజయ్ దత్‌ విధంగా కనిపించడం మరో విశేషం. అయితే అలాంటి విలన్ ని పెట్టుకొని కూడా.. పూరి జగన్నాథ్ పూర్తిగా వాడుకోలేకపోయారని.. మొదటి పార్ట్ కథనే మళ్లీ రెండో పార్ట్ గా తీసి ప్రేక్షకుల సహనాన్ని పరీక్షించారని కొంతమంది సోషల్ మీడియాలో విమర్శలు కురిపిస్తున్నారు. ఇక మణిశర్మ మ్యూజిక్ మాత్రం బాగుందని.. చాలా రోజుల తర్వాత ఓ ఫ్రెష్ నెస్ కనిపించిందంటున్నారు. ఓవరాల్‌గా అయితే డబుల్ ఇస్మార్ట్‌కి ట్విట్టర్‌లో మిశ్రమ స్పందన దక్కించుకుంటూ..కొనసాగుతోంది.
Also Read: ఒకే రోజు విడుదలైన చిరు, కమల్ హాసన్ సినిమాలు.. దర్శకుడు కూడా ఒకడే..
Also Read: ఒకే టైటిల్ తో ఎన్టీఆర్ ఏఎన్ఆర్ చిరు చేసిన ఈ సినిమాలు తెలుసా..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
