Ram Nandamuri Debut Movie: నందమూరి కుటుంబం నుంచి చాలామంది ఇండస్ట్రీలో హీరోలుగా, నిర్మాతలుగా తమకంటూ ఒక ప్రత్యేక స్థానాన్ని ఏర్పరచుకున్నారు. తాజాగా ఇప్పుడు బాలకృష్ణ తనయుడు మోక్షజ్ఞ కూడా.. హీరోగా ఇండస్ట్రీలోకి అడుగు పెట్టబోతున్నాడు. తాజా సమాచారం ప్రకారం ఇప్పుడు మరొక నందమూరి హీరో త్వరలో టాలీవుడ్ కి పరిచయం కాబోతున్నప్పుడు వార్తలు వినిపిస్తున్నాయి.
చనిపోయిన జానకిరామ్ తనయుడు, సీనియర్ ఎన్టీఆర్ మనవడు నందమూరి తారక రామారావు ని హీరోగా డైరెక్టర్ వైవిఎస్ చౌదరి లాంచ్ చేయడానికి రెడీ అయ్యారు. తాజాగా దీనికి సంబంధించిన ఫస్ట్ లుక్ పోస్టర్ కూడా బయటకు వచ్చింది. ఈ వార్త ఇప్పుడు సోషల్ మీడియాలో వైరల్ గా మారింది.
ఆల్రెడీ మోక్షజ్ఞ డెబ్యూ సినిమా గురించి చాలానే వార్తలు బయటకు వస్తున్నాయి. తాజాగా ఇప్పుడు మరొక నందమూరి హీరో ఇండస్ట్రీకి పరిచయం అవుతూ ఉండడంతో.. ఫాన్స్ ఆనందానికి అవధులు లేకుండా పోయింది. రామ్ నటిస్తున్న మొదటి సినిమాలో వీణారావు హీరోయిన్ గా కనిపించనుంది. ఈమె ఒక ప్రముఖ కూచిపూడి డాన్సర్ కూడా.
ఎలమంచిలి గీత ఈ మధ్యనే స్థాపించిన న్యూ టాలెంట్ రోర్స్ అనే బ్యానర్ తో ఈ సినిమాని నిర్మిస్తున్నారు. సాయి మాధవ్ బుర్ర ఈ సినిమాకి డైలాగ్స్ అందించారు. ఈ సినిమాకి సంబంధించిన మరిన్ని వివరాలు త్వరలో తెలియని ఉన్నాయి. ఈ నేపథ్యంలో ఎన్టీఆర్ కూడా.. రామ్ కి శుభాకాంక్షలు చెబుతూ ట్వీట్ చేశారు.
"సినిమా రంగంలో మొదటి అడుగు వేస్తున్న రామ్‌కు శుభాకాంక్షలు! ఈ ప్రయాణంలో అనేక అనుభవాలు, జ్ఞాపకాలు కోసం ఎదురుచూస్తున్నాయి. తాత గారు ఎన్టీఆర్ గారి ఆశీర్వాదాలు, తండ్రి హరికృష్ణ గారి ప్రోత్సాహం, అన్న జనకిరామ్ గారి స్ఫూర్తితో నువ్వు ఎంతో ఎత్తుకు వెళ్తావు" అంటూ న్టీఆర్ చేసిన ట్వీట్ సోషల్ మీడియాలో వైరల్ గా మారింది. దానికి రామ్ "థాంక్యూ చిన్నన్న.. ప్రతీ నందమూరి అభిమాని గర్వపడేలా నన్ను నిరూపించుకునేందుకు శ్రమిస్తాను!" అంటూ జవాబు ఇచ్చారు.
Thank you chinnaanna @tarak9999 🥰😍
I will definitely do my hard work to make every nandhamuri fan proud https://t.co/DY4xzK4asX— Ram_nandhamuri (@ram_nandamuri2) October 30, 2024
Also Read: Free Gas Cylinder: మహిళలకు దీపావళి పండుగే.. ఉచిత గ్యాస్‌ సిలిండర్లకు చెక్కు అందజేత
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
