Jr NTR: దర్శకుడికి పై కోపంతో సినిమా నుంచి తప్పుకున్న జూనియర్ ఎన్టీఆర్..!

Jr NTR Movies: ఆర్ఆర్ఆర్ సినిమాతో పాన్ ఇండియా.. క్రెజ్ తెచ్చుకున్నారు జూనియర్ ఎన్టీఆర్. ప్రస్తుతం వరస పాన్ ఇండియా సినిమాలతో బిజీగా ఉన్నారు. అంతేకాదు ఈ మధ్యనే ఈ హీరో నుంచి వచ్చిన దేవర చిత్రం కూడా మంచి విజయం అందుకుంది. ఈ క్రమంలో ఈ హీరోకి సంబంధించిన ఒక సినిమా గురించి వార్త తెగ వైరల్ అవుతుంది సోషల్ మీడియాలో అందరిని ఆశ్చర్యపరిచింది.

Jr NTR Gets Out of film :  యంగ్ టైగర్ ఎన్టీఆర్ ప్రతిభ గురించి అందరికీ తెలిసిన విషయమే. మాస్ డైలాగులు చెప్పడంలోనూ.. డ్యాన్స్‌లోనూ.. ఎన్టీఆర్ తెలుగు హీరోల్లో తనకు తానే సాటి అని రుజువు చేసుకున్నారు. ఆయన కష్టమైన స్టెప్స్ సైతం.. సులభంగా వేసేసి ప్రేక్షకులను ఎంతగానో ఆకట్టుకుంటూ ఉంటారు. ఇటీవల బాలీవుడ్ నటి జాన్వీ కపూర్ కూడా ఎన్టీఆర్ డ్యాన్స్ స్కిల్స్‌పై ప్రశంసలు కురిపించారు. ప్రాక్టీస్ లేకుండానే ఎన్టీఆర్ డ్యాన్స్ చేసేస్తారని చెప్పి తెగ మెచ్చుకుంది ఈ హీరోయిన్. కాగా ఈ మధ్యకాలంలో "ఆర్ఆర్ఆర్" సినిమాతో ఎన్టీఆర్ క్రేజ్ దేశవ్యాప్తంగా విస్తరించింది.

ఈ సినిమాతో ప్యాన్ ఇండియా స్థాయిలో ఎన్టీఆర్ గుర్తింపు పొందారు. ఈ సినిమా ప్రభావంతో, తన తదుపరి సినిమాలను కూడా జాతీయ స్థాయిలో విడుదల చేయడానికి సిద్ధమవుతున్నారు. ఈ క్రమంలోనే "దేవర" చిత్రాన్ని ఐదు భాషల్లో విడుదల చేసి మంచి విజయాన్ని అందుకున్నారు. మొదట్లో కొంత నెగెటివ్ టాక్ వచ్చినా.. ఆ తర్వాత ఈ సినిమా బాక్సాఫీస్ వద్ద విజయం సాధించి రూ. 500 కోట్లకు పైగా వసూలు చేసింది.

ఈ క్రమంలో తాజాగా ఎన్టీఆర్ గురించి ఒక ఆసక్తికరమైన సంఘటన నెట్టింట్లో వైరల్ అవుతోంది. బాలరామాయణం…సినిమా షూటింగ్ సమయంలో ఎన్టీఆర్ దర్శకుడు గుణశేఖర్‌తో కొంత మాటల చిన్న చిన్న గొడవలు వేసుకున్నారట. ఎన్టీఆర్ చిన్న వయసులోనే రాముడిగా ఈ సినిమాలో నటించారు. కానీ షూటింగ్ సమయంలో.. ఇతర పిల్లలతో కలిసి తెచ్చిన వస్తువులను పాడు చేయడం వంటి అల్లరి చేష్టలు చేసేవారట. దీంతో కోపంతో గుణశేఖర్ ఆయనపై అరిచారట. ఈ మాటలకు కోపం వచ్చిన ఎన్టీఆర్ ఈ సినిమా చేయనని వెళ్లిపోయారట. గుణశేఖర్ ఎన్టీఆర్‌ను బుజ్జగించి తిరిగి షూటింగ్‌కి తీసుకువచ్చారు. ప్రస్తుతం సోషల్ మీడియాలో ఈ వార్త తెగ వైరల్ అవుతుంది. 

కాగా ప్రస్తుతం ఎన్టీఆర్.. పలు పాన్ ఇండియా చిత్రాలతో బిజీగా ఉన్నారు. వాటిల్లో ముఖ్యంగా ప్రశాంత్ మీరు దర్శకత్వంలో రానున్న ఎన్టీఆర్ 31వ చిత్రంపై ఎన్నో అంచనాలు ఉన్నాయి. అంతేకాకుండా త్వరలోనే దేవర రెండో భాగం షూటింగ్ కూడా మొదలుకానుంది. మరోపక్క.. బాలీవుడ్లో హృతిక్ రోషన్ తో వార్ 2.. చిత్రంలో నెగిటివ్ షేడ్స్ ఉన్న పాత్రలో కనిపించనున్నాడు ఈ హీరో.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.