ఏపీ ముఖ్యమంత్రి వైఎస్ జగన్ ( Ap cm ys jagan ) కు విలక్షణ నటుడు కమల్ హాసన్ ధన్యవాదాలు తెలిపారు. ట్విట్టర్ వేదికగా ఆంధ్రప్రదేశ్ ముఖ్యమంత్రికి థ్యాంక్స్ చెప్పడానికి కారణమేంటి?
లెజెండరీ సింగర్ ఎస్పీ బాల సుబ్రహ్మణ్యంకు భారత రత్న( Bharat ratna ) ఇవ్వాలనే డిమాండ్ పెరుగుతోంది. అభిమానుల్లో పెరుగుతున్న డిమాండ్ కు అనుగుణంగానే ఏపీ సీఎం వైఎస్ జగన్ స్పందించారు. వివిధ భాషల్లో ఎస్పీ బాలు చేసిన సేవలకు గుర్తింపుగా...ఆయనకు భారత రత్న పురస్కారం అందించాలంటూ సీఎం జగన్ ప్రధాని నరేంద్ర మోదీ ( letter to pm jagan ) కు లేఖ రాశారు. తమ అభిమాన గాయకుడు బాలుకు భారత రత్న ఇవ్వాలంటూ ప్రధాని మోదీకు వైఎస్ జగన్ లేక రాయడంపై సర్వత్రా హర్షం వ్యక్తమవుతోంది. ముఖ్యంగా ఎస్పీ బాలు అభిమానులు, సినీ ప్రముఖులు ఆనందం వ్యక్తం చేస్తున్నారు.
ఇందులో భాగంగా విలక్షణ నటుడిగా ముద్రపడిన కమల్ హాసన్ ( kamal haasan ) ఏపీ సీఎం జగన్ కు ధన్యవాదాలు తెలిపారు. ట్విట్టర్ లో ఈ మేరకు పోస్ట్ చేశారు. సోదరుడు ఎస్పీ బాల సుబ్రహ్మణ్యం ( Singer Sp Bala subrahmanyam ) కోసం మీరు చేసిన వినతి గౌరవమైనది..సరైనది. దీనిపై తమిళనాడులోనే కాదు దేశమంతా ఉన్న బాలు అభిమానులు హర్షం వ్యక్తం చేస్తారంటూ ట్వీట్ చేశారు.
Thank you Honourable CM of Andhra Pradesh. @AndhraPradeshCM.
The honour you seek for our brother Shri.S.P.Balasubramaniam is a sentiment which true fans of his voice will echo, not only in Tamilnadu but throughout the whole nation. pic.twitter.com/eSeC4MnR8p
— Kamal Haasan (@ikamalhaasan) September 28, 2020
అనారోగ్యంతో బాధపడుతూ చెన్నైలోని ఎంజీఎం ఆస్పత్రిలో చికిత్స పొందుతూ..మూడ్రోజుల క్రితం ఎస్పీ బాల సుబ్రహ్మణ్యం కన్నుమూశారు. కరోనా వైరస్ బారిన పడిన ఆయన గత 50 రోజులుగా చికిత్స తీసుకుంటున్నారు. వైరస్ నుంచి కోలుకున్నప్పటికీ...ఆరోగ్యం కుదుటపడకపోవడంతో..చివరికి తుది శ్వాస విడిచారు.
