జనసేన అధినేత పవన్ కల్యాణ్ ఎదురుదాడి వ్యూహాన్ని అనుసరిస్తున్నారు. తనని టార్గెట్ చేసిన మీడియా అధినేతలను అదే స్థాయిలో టార్గెట్ చేస్తున్నారు . తన వ్యతిరేక టీవీ ఛానళ్ల యాజమాన్యాలపై ట్వీట్ల వర్షం కురిపిస్తున్నారు. ఇటీవలే టీవీ 9 ఛానల్ యాజమాన్యం ఇచ్చిన లీగల్ నోటీసుకు ధీటుగా జవాబిచ్చిన పవన్ .. గేర్ మార్చి మరింత దూకుడుగా వెళ్తున్నారు. ఈ రోజు ఉదయం ఆ ఛానల్ సీఈవో రవిప్రకాష్, ఏబీఎన్ ఛానల్ ఛైర్మన్ రాధాకృష్ణపై తీవ్ర స్థాయిలో విరుచుకుపడ్డారు. పవన్ ట్వీట్ల వర్షాన్ని ఒక్కసారి పరిశీలిద్దాం...
- టీవీ 9 సీఈవో రవి ప్రకాశ్‌కు గుడ్ మార్నింగ్ చెబుతూ రవిప్రకాశ్ దంపతులు పూజలో ఉన్న ఫొటోను పోస్టు చేశారు. ‘మీరు దేవుడిని, పూజలను కూడా నమ్ముతారా’ అని క్యాప్షన్ తగిలించారు.
Ravi Morning! You believe in God & Poojas too!! pic.twitter.com/3sEUyrjjtr
— Pawan Kalyan (@PawanKalyan) April 24, 2018
- కొద్దిసేపటికే మరో ట్వీట్... మీకు కొన్ని ఆర్టికల్స్ పంపిస్తున్నాను. వీటితో కూడా ఏమైనా షో చేయగలరా?’’ అని ప్రశ్నించారు.
I am sending few articles can you Run a show on this too.. pic.twitter.com/h6Y2H1dTKQ
— Pawan Kalyan (@PawanKalyan) April 24, 2018
- కొద్దిసేపటికే మరో ట్వీట్ .. ఈ సారి టీవీ 9 సంస్థ భాగస్వామి శ్రీనిరాజుపై అస్త్రాన్ని సంధించారు. ‘‘ఐఎస్‌బీ లాంటి ప్రతిష్ఠాత్మక సంస్థకు బోర్డు మెంబరుగా ఉన్న మీరు.. మీ ఛానెల్‌లో మాత్రం ఇలాంటి అభ్యంతరకరమైన వార్తలు ప్రసారం చేస్తారా ? కాస్త గౌరవప్రదంగా..హుందాగా వ్యవహరించడం నేర్చుకోండని హితవుపలికారు
Srini Raju is a Board member & Benefactor of globally reputed ISB which has strict rules for discrimination and indeceny. But as a major owner of TV9 he allows airing objectionable content. He should hold the dignity of such premier organisations. pic.twitter.com/hhUQIBILH9
— Pawan Kalyan (@PawanKalyan) April 24, 2018
ఏబీఎన్ ఛానల్ ఛైర్మన్ రాధాకృష్ణ పై ఘాటైన ట్వీట్ చేశారు. ఆయన కుమారుడి పెళ్లి ఫోటోను పోస్టు చేశారు. '' బాబు నాన్నగారికి రాత్రి భోజనంలో అన్నం, కూర, పప్పు తో పాటు కొంచెం సంస్కారాన్ని కూడా వడ్డించమని చెప్పరా..అలాగే సంస్కారవంతమైన సబ్బుతో తల స్నానం చెయ్యమని చెప్పండి.." అని క్యాప్షన్ తగిలించారు.
బాబు నాన్నగారికి రాత్రి భోజనంలో అన్నం, కూర, పప్పు తో పాటు కొంచెం సంస్కారాన్ని కూడా వడ్డించమని చెప్పరా..
అలాగే సంస్కారవంతమైన సబ్బుతో తల స్నానం చెయ్యమని చెప్పండి.. pic.twitter.com/NJnqt8YWeL— Pawan Kalyan (@PawanKalyan) April 23, 2018
ఎదురుదాడి వ్యూహం ఫలించేనా ?
ఇలా జనసేన అధినేత పవన్ ఎక్కడా తగ్గడం లేదు ..తనని టార్గెట్ చేసిన మీడియా అధినేతలను అదే స్థాయిలో టార్గెట్ చేస్తున్నారు. తాజా పరిణామాలతో వాతావరణం మరింత వేడేక్కింది. పవన్ ఎదురుదాడి వ్యూహం ఏమేరకు ఫలిస్తుందనే అంశంపై ఉత్కంఠత నెలకొంది.
