Diwali Vastu Tips: దీపాలను దక్షిణంవైపు తిప్పకండి..లక్ష్మీపూజ సాయంత్రం 6.32గం-8.21గం చేయాలి

జీవితంలో చెడు రోజులు పోయి.. మంచి రోజులు.. రావాలని.. చీకటి దూరమయ్యి.. కాంతులతో నిండాలని జరుపునే పండుగ దీపావళి. అయితే ఈ వాస్తు సూచనలు పాటిస్తే మీరు అనుకున్నది నెరవేరుతుందని పండితులు తెలుపుతున్నారు.. అవేంటో మీరే చూడండి.

Vastu Tips to Pump the Positivity on this Diwali: భారతీయ పండగలు, సాంప్రదాయాల చుట్టూ కొన్ని నమ్మకాలు ముడిపడి ఉంటాయి. దీపావళి పండగకు సంబంధించి కూడా కొన్ని నమ్మకాలు ప్రచారంలో ఉన్నాయి. ముఖ్యంగా దీపావళి రోజు చేసే దీపాలంకరణకు సంబంధించి కొన్ని వాస్తు నియమాలను ప్రజలు విశ్వసిస్తుంటారు. ఆ నియమాల ప్రకారం దీపాలను అలంకరిస్తేనే ఇంటికి శుభం జరుగుతుందని నమ్ముతుంటారు.

వెలిగించిన దీపాలను దక్షిణం వైపు తిప్పకూడదని వాస్తును నమ్మేవారు చెబుతుంటారు. ఒకవేళ దక్షిణం వైపు తిప్పితే అది ఇంటికి అరిష్టమని భావిస్తారు. దీపాలను వెలిగించేందుకు పొద్దు తిరుగుడు నూనెను కాకుండా స్వచ్చమైన నెయ్యితో వెలిగించాలని చెబుతుంటారు. అలాగే మొదటి దీపాన్ని పూజ గదిలో దేవుడి చిత్రపటం లేదా ప్రతిమ ముందు వెలిగించాలంటారు.

ఇంటి ప్రధాన ద్వారానికి ఇరువైపులా దీపాలు వెలిగించడం ద్వారా లక్ష్మీ, గణపతులను ఇంటికి స్వాగతించవచ్చునని... తద్వారా దేవీదేవతల కరుణకటాక్షాలు లభిస్తాయని విశ్వసిస్తారు. ఇంటికి తూర్పు వైపు ఎరుపు, పసుపు, నారింజ దీపాలు, పడమర వైపు లేత పసుపు, నారింజ, గులాబీ రంగుల దీపాలు వెలిగిస్తే శుభం కలుగుతుందని భావిస్తారు. అలాగే ఉత్తరం వైపు నీలం, పసుపు, ఆకుపచ్చ దీపాలు, దక్షిణం వైపు తెలుపు, ఊదా, ఎరుపు రంగు దీపాలు వెలిగిస్తే శుభమని భావిస్తారు.

పండితులు చెప్పే వాస్తు నియమాల ప్రకారం.. ఇంట్లోని పూజ గదిలో లక్ష్మీ దేవి చిత్రపటాన్ని ఉత్తరం వైపు ముఖం ఉండేలా పెట్టాలి. లక్ష్మీదేవి ముందు డబ్బు, ఆభరణాలు, దీపాలు, ఇతర విలువైన వస్తువులు పెట్టి పూజ చేస్తే మంచిది. దీపావళి రోజు రాత్రి ఇల్లంతా దీపాలు వెలిగించడం ద్వారా ఇంట్లోని నెగటివ్ ఎనర్జీ పోయి పాజిటివ్ ఎనర్జీ సంతరించుకునే అవకాశం ఉంటుంది. దీపావళి పండుగ నాడు (నవంబర్ 4) సాయంత్రం 6.32గం. నుంచి 8.21గం. వరకు లక్ష్మీ పూజకు అనువైన సమయమని పండితులు చెబుతున్నారు.

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G

Apple Link - https://apple.co/3loQYe