మరికొన్ని గంటల్లో అసలైన పోరు మొదలు కానుంది. వరల్డ్ కప్ లీగ్ మ్యాచుల్లో భాగంగా ఇరవై రెండు గజాలుండే పిచ్ పై భారత్-పాకిస్తాన్ దేశాలు తలపడుతున్నాయి. యుద్ధాన్ని తలపించే ఈ మ్యాచ్ ను తిలకించేందుకు ఇరుదేశాల ఫ్యాన్స్ తో పాటు యావత్ ప్రపంచ క్రికెట్ అభిమానులు ఆసక్తిగా ఎదురుచూస్తున్నారు. ఈ అభిమానుల కోవలోకి క్రిస్ గేల్ కూడా వచ్చి చేరాడు.
ఇండియా పాకిస్తాన్ మ్యాచ్ తిలకించేందుకు డిసైడ్ అయిన క్రిస్ గేల్ ప్రత్యేకమైన డ్రెస్‌ తయారు చేయించుకున్నారు. దాన్ని ధరించి ఫొటోలు దిగిన ఫోటలోలు సోషల్ మీడియాలో పంచుకున్నాడు. ఈ డ్రస్ ను పరిశీలించినట్లుయితే కుడి వైపు భారత పతాకంలోని మూడు రంగులు, ఎడమ వైపు పాక్ జెండా రంగైన ఆకుపచ్చ రంగుతో ఈ డ్రస్ కనిపిస్తోంది కదూ. కాగా గేల్ పోస్టు చేసిన ఈ తాజా చిత్రం ఇప్పుడు సోషల్ ప్లాట్ ఫాంపై తెగ వైరల్ అవుతోంది.
